Ayubu 34:18 - KITABU KITAKATIFU

¹⁸ Nyasaye akalagira avami na avamihi, lwa vaveeye avatakonya kindu anoho avachamu.

Ayubu 34:18 ပူးပေါင်းရင်းမြစ်များ

Ayubu 34:17

Ivi ukalagiraa Nyasaye oveeye umulungi? Uganaganaa adunyiraa likalaga lirungi?

Ayubu 34:19

Nyasaye siamanyiaa liyaanzilira ku avami vi vivala anoho kohendera avatugi mwoyo kuvita avadaka mba, kigira yava vosi vaveeye miyinzi ja makono geege.

Kutwula 22:28

“Utamoloma amanyego ku Nyasaye, anoho kulaama wa avandu vovo mba.

Tsing'ano 17:26

Sivoveeye vulahi mundu utaveeye nimbala kuhiola, ageligali, gagota lwa vandu valungi vanyoola mageri.

Vikolwa 23:3

Ku Paolo yamuvolera, “Nyasaye alakukuya, ivi oveeye kuli lidiji liavakwa lidohi lilavu! Ivi wikala yaho kungaragira kolondekana ni Lilaga, navuzwa ivi mwene uvunaga Lilaga lwa ulaga ndi inzi nguywi!”

Vikolwa 23:5

Paolo yativura, “Avaamitu vange, inzi sindaali kumanyanga ndi, aveeye Musaalisi Munene mba. Mang'oda Matakatifu gavoora, ‘Si ulavoola uvudamanu ku mwamihi wa avandu vovo mba.’ ”

Varumi 13:7

Muhaane ku vandu vosi cha vaduukana nacho. Mundu wu vusuuru ahevwe uvusuru; wenyaa atungwi, wenyaa luyali aheevwi luyali, kandi wenyaa lizominywa aheevwi lizominywa.

1 Petro 2:17

Muhaane uluyali ku vandu vosi; muyanze avaamitu avasuuviraa; muhaane luyali ku Nyasaye, kandi mutie mwamihi munene wamihaa ikivala.

2 Petro 2:10

kandi kuvita ligali, yavo avalondaa likayirwa lio muviri, nukuchaya uvunyali vwa Nyasaye. Avigizi vuvugadi yava vaveeye nu vuluviliri kandi vikirage, na sivamanyia uluyali kuyavo avuvukumi mwigulu mba; navuzwa vavanyegaa.

Yudasi 1:8

Munzira ndala nzere, avandu vaazana yava valora amalola agavakolaa vone ku imiviri jaavo aveene, vambakana uvunyali vwa Nyasaye, kandi vanyega ivilombe viu mwigulu.