Ayubu 34:10 - KITABU KITAKATIFU

¹⁰ Mbulirizi, munyi avandu vilimanya linyingi? Nyasaye Wuvunyali anyala kokora agaveeye madamanu?

Ayubu 34:10 ပူးပေါင်းရင်းမြစ်များ

Litanga 18:25

Nagiligali ivi siulita avandu vataveeye nimbara harara navandu vamahiolo mba. Yago ganyalika mba! Ivi siunyala kokora ndio mba. Niiva wakakoli ndio, umundu utaveeye nimbara alahevwa mageri harara nu mundu wamahiolo. Yago ganyalika mba. Mukalagi wi kivala choosi kuduuka ahaane likalaga liveeye lirungi.”

2 Samweli 22:31

Nyasaye uyu, ivikolwa vivie viveeye vidukiru ligali, amakuva geege gaveeye agiligali! Aveeye kuli inguva ku vosi avenya likingwa lilie.

2 Kyetsinyinga 19:7

Kunangwa kalunu, muhaane ku Yahova luyali, mwilindi ku goosi aga mukoraa, kigira Yahova Nyasaye wiitu sialiikuzira ku lichaminya uvulungi, anoho liyanzilira magondo mu likalaga, anoho livugula vikukula.”

Ayubu 34:12

Gaveeye agiligali ndi, Nyasaye siakolaa uvudamanu mba. Kandi Wuvunyali sialachaminya likalaga lirungi.

Ayubu 34:34

“Mundu woosi wilimanya alavugilira ligali; na vuli mundu oveeye novogeri uhuliraa inzi alavoora,

Ayubu 36:23

Nivwaha unyala kumulohizira zinzira zizie? Anoho nivwaha unyala kovora akoli uvudamanu?

Ayubu 37:23

Nyasaye Wuvunyali siaveeye wakunyala kuduukila mba, siakudambizaa mu likalaga lilie lirungi mba.

Ayubu 8:3

Uganaganaa Nyasaye achaminyaa likalaga lirungi? Anoho uganaganaa Wuvunyali achaminyaa uvulungi?

Zaburi 145:17

Yahova aveeye mulungi mu zinzira zizie ziosi, kandi aveeye wi livererera mu viosi via okolaa.

Zaburi 92:15

Yaga gamanyia ndi Yahova aveeye ni Likalaga lirungi ku avandu, kandi siaveeye ho nuvudamanu mu mukingi wange mba.

Tsing'ano 15:32

Niiva usulaa kwiga, wisalirizaa. Niiva ulayanza kwigizwa, ulava mugeri ligali.

Tsing'ano 6:32

Mundu okolaa ovoheyi siaveeye novogeri mba. Oyo okolaa yaga yidivizaa mwene.

Jeremia 12:1

“O, Yahova, ivi oveeye mukalagi mulungi kazozo lwa ndeta amakuva gange imbiri woovo. Nitali kuduuka ndeve ivi ivindu kigira uvulungi. Kigira ki avandu vachamu vagasizwa? Kigira ki avandu vataveeye vasuuvirifu vaguuta?

Zefania 3:5

Navuzwa Yahova akikiri mu lidaala yili, akolaa agaveeye amalungi, siakolaa madamanu mba. Aletaa vulungi ku vandu veve vuli mugamba vugira kolekera. Navuzwa vandu vadamanu vameeda kokora vudamanu ligali, sivaveeye ni zisoni mba.

Varumi 9:14

Kunangwa kovoole ki? Nyasaye siaveeye nuvulungi? Sigaveeye ndio mba!

Kwidzulitsa 32:4

“Yahova aveeye mukingi munene winyu, muduukiru kandi mulungi mu zinzira zizie ziosi. Nyasaye winyu aveeye musuuvirifu kandi wagiligali; akolaa agaveeye malungi kandi amalahi ku vandu vosi.

Yakobo 1:13

Mundu naava naagerizwa na magerizu lugano yilu atavoola, “Nyasaye angerizaa.” Nyasaye mwene sianyala kogerizwa nuvudamanu kandi sianyala kogeriza umundu woosi mba.