Ayubu 31:34 - KITABU KITAKATIFU

³⁴ Ngikiri kukutia kusingira imbiri wi kiduma kenene cha vandu, anoho kukiring'ana makiriri, nu kwihanira munyumba, kigira mali kutia litihizwa liavo, anoho lilegerizwa liavo mba.

Ayubu 31:34 ပူးပေါင်းရင်းမြစ်များ

2 Kyetsinyinga 32:18

Avanene va Senakeribu vaahanzuka amakuva yaga mu Luheburaina, ku vaduuki kutihiza nu kwiita mioyo ja avandu va Jerusalemi avaari ku lidigi lie lidaala linene, Kunangwa vuduuki kuva vodoto kugumira lidaala linene zana.

Nehemia 13:28

Jehoyada yaali muyaayi wu Eliashibu, musaalisi munene; navuzwa mulala ku vayaayi va Jehoyada yaleeta mukaana wa Sanibalati, kutura mu lidaala lia Bezi-horoni. Kunangwa ndakunga Jehoyada kutura mu Jerusalemi.

Nehemia 5:7

ma ndaganagana chokokola, ma ninzara avamihi na vanene va vandu. Na ndavavolera, “Munyi mudambiza avamwavo vinyu Vayuda!” Kunangwa ndalanga livugana lia avandu vosi harara kuduuki komoloma ku vudinyu yivwo.

Esther 4:11

“Niiva umundu woosi, musaza anoho mukali yingira munyumba yu musi kolola mwami vugira kulangwa, umundu mwene oyo kuduuka akuzi. Iliene yilio ni lilaga; vuli mundu, kutura ku avukuhaana zing'anagani ku mwami, kuduuka ku vandu vi vivala via yamiha, vamanya ageene yaga. Eveeye ho inzira ndala vuzwa yukweevendeela lilago yili: niiva umwami alagiinga igulu imbimbu yeeye yi zahabu, umundu oyo sialiitwa mba. Navuzwa gufweye umweli umwami nakikiri kuunanga.”

Esther 4:14

Niiva ulachiring'ana ku ing'inga kuli yiyi, ovokonyi vulatula muligulu ku Avayuda, na valahonywa, navuzwa ivi ulakuza, navinyumba ya baba woovo valaherizwa. Nitali ni vwaha umanyi hawundi ivi wakolwa mukali wu mwami ku kivuni keveeye ho ing'inga yinu!”

Ayubu 22:8

Mundu wi zinguru yavugula kivala choosi cha avadedekere, nayaleka vandu vayaanzilirangwa komenya mucho.

Ayubu 34:19

Nyasaye siamanyiaa liyaanzilira ku avami vi vivala anoho kohendera avatugi mwoyo kuvita avadaka mba, kigira yava vosi vaveeye miyinzi ja makono geege.

Kutwula 23:2

Utalonda uvunyingi vwa vandu lwa vaakora uvudamanu anoho agiligali lwahaana lilolekiza lio vovehi kugirung'anyia agiligali mba.

Kutwula 32:27

na yavavolera, “Yahova, Nyasaye wa Isiraeli avoora ndi; Mwevohe sa mulala ni kivavi chiche mu kekenge, na muviiti yiyi na yiyi kutura mu kirivwa yiki kuduuka mukirivwa yiki hagati ha hokososa, na vuli mundu yiiti amwavo weve, wache weve, nu mutende weve.”

Tsing'ano 29:25

Uvuti vwu mundu voletaa umutego, navuzwa oyo usuviraa mu Yahova aveeye ni mirembe.

Jeremia 38:16

Maku mwami Zedekia yanzisuhira mu vwivisu navoora, “Inzi nzisuha ku lieta lia Nyasaye oveeye mwoyo, Nyasaye uwahaana kukunyi livamwoyo ndi, si ndakwita kinga si ndakuviika mu zinguru zia avandu vakwiti mba.”

Jeremia 38:19

Navuzwa mwami yativura, “Inzi mbeeye nu vuti na avandu vi kivala chietu avamali kung'anya nu kuzia ku avandu va Babiloni. Inzi nyara kuvikwa hasi hi zinguru zia avandu va Babiloni na valambika mu kivi.”

Mika 7:3

Vosi vaveeye nilimanya liokokola uvudamanu; aviimiliri na vakalagi vetegeki vahevwe viambeti. Avanene vizingulu vaniga kohevwa via venya; kulwayago valohiza harara okokora uvudamanu.

2 Vakorintho 5:16

Kutura kalunu, kunyi sikukalagiraa mundu woosi kolondekana ni liiva liu muviri mba. Kali niiva ing'inga yindi kwakalagira Kristo kolondekana ni liiva liu muviri mba. Kali niiva ing'inga yindi kwakalagira Kristo kolondekana ni liiva lia vandu kalunu sikokolaa ndio kandi mba.