Ayubu 31:3 - KITABU KITAKATIFU

³ Nyasaye atumaa kivi ku yavo avatali avalungi? Kandi atumana lidiviza ku yavo avakolaa uvudamanu?

Ayubu 31:3 ပူးပေါင်းရင်းမြစ်များ

2 Samweli 18:10

Mulala ku vasaza va Daudi yamulola ma navolera Joabu, “Munene wange, ndoli Abisolomu niyeereyaa musaala gwa mwaloni.”

Ayubu 18:12

Aveeye ni inzara, kulwayago siaveeye nizinguru mba. Kivi kimwetegekeye mu lie kigitara lilie.

Ayubu 20:29

Yiki nicho kidieli cha Nyasaye aheezaa avachamu; Yiki nicho kidieli cha Nyasaye yavatovolera.

Ayubu 21:17

Ni haali kanga Itaya ya vachamu isiminyangwa? Ni haali kanga mulala kuvo yaanyoolaku kivi? Naho ni kanga Nyasaye yavaha mageri mu vutima vwivwe.

Ayubu 21:30

Ku lidiku lia Nyasaye aveeye nu vutima nukuhaana mageri, umundu mudamanu niyie ohonyiangwa kutura mu kivi.

Ayubu 31:23

Kigira ndatia konyoora mageri kutura ku Nyasaye, sindaali nyara kokora vindu kuli yivi mba.

Ayubu 34:22

Sihaveeye ho ni kisundi kenene ligali, anoho ichiriri kimwamu ligali, uwa avakoli vuvudamanu vanyara kwivisa mba.

Zaburi 55:23

O, Nyasaye, oleete aviiti na avagaadi vazie mu kilindwa imbiri wi inusu yi livamwoyo liavo nilikikiri kuduuka. Navuzwa inzi, ndakusuuvira.

Zaburi 73:18

Ivi umali kuvaviika havundu haterere ligali, kandi uvakoli vagwi nu kudiva ligali!

Tsing'ano 1:27

Lwi kivi kiduukaa ku munyi kuli kiihi nokoleta vukindu vwi litihiza liu vudinyu, mulava mu vusaliri kandi mu vuzunu.

Tsing'ano 10:29

Yahova akingaa vandu valungi, navuzwa aladiviza yavo avakolaa vudamanu.

Tsing'ano 21:15

Lwuvulungi vokolwa voveeye vusangali ku vandu valungi, navuzwa voveza vovereri ku vandu vakora vudamanu.

Isaya 28:21

Yahova alakalwaane kuli yakola ha kiguru cha Perazimu kandi mu livona lia Gibeoni, kunangwa aduuki kokora icha yenya kokora - kali vikolwa vivie niviveeye viokogenyia. Alatwekiza miyinzi jijie jokogenyia.

Livalidza 16:30

Navuzwa niiva Yahova alakola kindu chokugenyia, ma lirova likunulwi no kuvamira harara ni viavaveeye navio, ma vingili mulirova nivaveeye mwoyo kuzia mukivala cha vakuzu, mulamanya ndi vandu yava vamali kusura Yahova.”

Matayo 7:13

“Mwingiri mu kiliango keveeye keng'erere. Kigira inzira izizaa hukudiviza eveeye imambararu, na kiliango chayo keveeye kigalamu; na avavitiraa mucho vaveeye avanyingi.

Varumi 9:22

Malala meere gaveeye giligali ku aga Nyasaye akoli. Yenya kumanyia uvutima vwivwe, kandi kolomba zinguru zizie kumanyikana. Navuzwa yikuzira ligali kuyavo avaveeye viju viu vutima vwivwe, avaadukana kudivizwa.

1 Vatesalonike 5:3

Lwa vandu vava nivakevoola ndi, “Jiveeye mirembe kandi vindu viosi viveeye vulahi kandi liveeye lielemeriza,” nonoho kivi kilakaduuki kuvo vwangu kuli lilumwa liduka ku mukali oveeye inda, kandi avandu si vahononoka ligali mba.

2 Vatesalonike 1:9

Valahevwa mageri agaveeye lidivizwa lie mihiga ni mihiga kandi kwavukanywa kutura imbiri wu Mwami kandi kutulizwa mu vukumi vwi zinguru zizie.

2 Petro 2:1

Kuli vaporofeti vu vugadi vanyooleka hagati ha vandu mu madiku yago, kandi munzira ndala nzere avigizi vu vugadi valanyooleka mumunyi. Valaleta mu vuvisi amigizu go vovehi kandi gukudiviza na valambakana Umwami wavahonyia, na ndio valeletera aveene lidiviza lia vwangu.

Yudasi 1:7

Mwizurizi Sodoma na Gomora, kandi amadara agaali ahimbi, aga avandu vago vakora kuli zingelosi yava aviiviika mu kifavwi cho vuheyi vwi zing'ano ziosi kandi iligirunganyia uvutumiki vwu mwima gwi liiva lie imiviri jaavo. Vaveeye ekelolero chu kwiganihizira avandu vosi, na vavikiywi havulavu vanyoore amageri gu uvusaliri vwu umuliru imihiga ni imihiga.

Vakalagi 9:53

Navuzwa umukali mulala yavugula ulugina niyagulukizira Abimeleki nilwatanyia ikihanga chu mutwi gwigwe.