Ayubu 31:28 - KITABU KITAKATIFU

²⁸ Uvwoni vudamanu kuli yivu, vuduukana vukalagirwi mageri gi likuza. Kigira vwambakanaa Nyasaye Wuvunyali.

Ayubu 31:28 ပူးပေါင်းရင်းမြစ်များ

Litanga 18:25

Nagiligali ivi siulita avandu vataveeye nimbara harara navandu vamahiolo mba. Yago ganyalika mba! Ivi siunyala kokora ndio mba. Niiva wakakoli ndio, umundu utaveeye nimbara alahevwa mageri harara nu mundu wamahiolo. Yago ganyalika mba. Mukalagi wi kivala choosi kuduuka ahaane likalaga liveeye lirungi.”

2 Samweli 3:32

Abineri yayavirwa ha Heburoni, nu umwami yiikuula vudinyu ligali ha kilindwa cha Abineri, kandi avandu vosi vaakora kuli ndio.

Ayubu 23:7

Inzi mbeeye musuuvirifu; na ndamoloma na Nyasaye wange, naye alambaliza kuva vugira imbara mihiga ni mihiga.

Ayubu 31:11

Kigira yaga gaveeye uvwoni vonene ligali, gadukanaa mukalagi ahaane mageri malulu ligali.

Ayubu 31:27

Inzi sindagirung'ana ku nu kuvisigamira mba, anaho mu livisa mukono gwange mu lihaana luyali kuvo mba.

Ayubu 9:15

Kali niiva mbeeye mulungi, vugira lihiolo, sinyala kumutivulira kindu mba. Nyara vuzwa kogonya Nyasaye, umukalagi wange yaambere zimbavasi.

Zaburi 50:6

Ligulu liosi limanya ndi, Nyasaye aveeye mulungi, kandi niye umwene ukalagiraa avandu veve.

Tsing'ano 30:9

Niimba ni chukulia kinyingi, nyara kuvoola ndi si ngwenyaa mba. Navuzwa nimbeeye mudaka nyara kwiva ma mbane izisoni ku Nyasaye wange.

Isaya 59:13

Kumali kwibaala ku ivi nu kwambakana ivi kandi nukusuula kolonda ivi, Nyasaye wiitu. Kumali kudambiza avandi nukugirung'ana koleka ivi. Zing'anagani zietu ziveeye ziuvugadi; na amakuva giitu gaveeye ovovehi vwere.

Kwidzulitsa 17:9

zia ku vasaalisi avaveeye vi ihiiri ya Levi, kandi ku mukalagi uva naveeye ku miyinzi ing'inga yeyo uvateeve navo, valakumanyia kuli ukalaga.

Tito 1:16

Avandu kuli yava veevoola vene vamanya Nyasaye, navuzwa vu vikolwa viavo, vamwambakanaa. Vaveeye avukuvihiririza, vatahulira kandi avataduukanaa ku miyinzi josi milahi.

Vahebraina 12:23

Mumali kuuza mu livugana linene liuvusangali lia vandu va Nyasaye avatanga kwivulwa, avamita gaavo gang'odwa mwigulu. Mumali kuuza ku Nyasaye oveeye mukalagi wa vandu vosi, nu ku mioyo ja vandu vakolwa valungi.

Joshua 24:23

Joshua yavalaga, “Kunangwa muleke avalala ku munyi vakikiri na vanyasaye vageni avamuveeye navo, na musuuviri Yahova, Nyasaye wa Isiraeli.”

Joshua 24:27

Yavolera avandu vosi, “Ligina yili lilava mulolekizi wiitu. Limali kuhulira amakuva goosi ga Yahova amali komoloma. Kunangwa lilava mulolekizi ku munyi kumwizuliza kwibaala ku Nyasaye winyu.”

2 Petro 2:1

Kuli vaporofeti vu vugadi vanyooleka hagati ha vandu mu madiku yago, kandi munzira ndala nzere avigizi vu vugadi valanyooleka mumunyi. Valaleta mu vuvisi amigizu go vovehi kandi gukudiviza na valambakana Umwami wavahonyia, na ndio valeletera aveene lidiviza lia vwangu.

1 Yohana 2:23

Ku vosi uwambakana mwana; siaveeye na Baba mba; kandi ku vosi uvugilira Mwana aveeye na Baba kandi.

Yudasi 1:4

Avandu valala avataveeye nu uvunyasaye avilikaragirwa ni lidivizwa liavo lia ng'odwa zing'inga zia kale ligali, vamali koseeta nu kwingira hagati hiitu mu vwivisu, yava vaveeye avandu vavura kutia Nyasaye; avagirung'anyia amakuva gi zimbavasi zia Nyasaye wiitu ziduuki kuva kuli ikindu chukuvugilira vudamanu vwavo vwovoheyi, kandi avambakanaa Yeso Kristo, Munene kandi Mwami wiitu yeng'ine.

Vakalagi 11:27

Awa, Inzi ngikiri kokogolera ku vudamanu vwosi mba. Ivi okolaa vudamanu lwawenya kunwaana. Yahova niye umukalagi. Alakalaga kalunu hagati ha vandu va Isiraeli na vandu va Amoni.”