Ayubu 31:25 - KITABU KITAKATIFU

²⁵ Si ndasangara ku kigira miandu jange jiali minyingi mba, anoho sindaasangara ku kigira makono kange gaali ni ingavi mba.

Ayubu 31:25 ပူးပေါင်းရင်းမြစ်များ

Esther 5:11

Yevoola imbiri wavo kuli aveeye nu vutugi vunyingi kandi kuli aveeye na vayaayi avanyingi, kali kuli umwami yamuginga higulu mu vwamihi nu kumunenehiza ku vanene na vatumikiri vandi vosi.

Ayubu 1:10

Ivi siwamwevera lugaga ludinyu harara na vandu avinyumba yeeye kandi ni miandu josi ja aveeye nacio? Ivi wamala kugasiza viosi viakolaa kandi imiandu jijie jimali kwizura mu kivala choosi.

Ayubu 1:3

Yaali na magondi 7,000, zing'amia 3,000, zing'ombe ziukulima 1,000 kandi zibunda 500. Yaali kandi na vatumikiri vanyingi ligali. Yaali mutugi ligali kuvita vandu vandi vosi volovega lwi Ivugwi.

Ayubu 22:24

Usiuvi uvutugi vuvwo vwosi, na uvuguli izahabu ya Ofura ugisiuvi hagati ha magina gi migera ja mazi,

Zaburi 62:10

Mutaviika lisuuvira lienyu litumikira lidambiza; mu lienyolera uvutugi mu vugadi mutasuuvira mu lienyolera vindu ku linuura. Kali niiva uvutugi vuvwo vomedeka, uteeleda kuvwo mba.

Tsing'ano 23:5

Vutugi vuvwo vunyala kogota kutura ku ivi vwangu, kuli vomeli zimbaha nukuburuka kuli indizu.

Isaya 39:2

Hezekia yagenihiza avatumwa yavo nuvusangali, kandi navamanyia miandu jije, ivindu vivie viuvuguli vudinyu: ifeza, izahabu, vindu vifunya mwayu, amaguta guvuguli vudinyu, kandi viugi vivie viosi viuvulwani. Si haali ho ni kindu kali kilala mu mavikiru geege goosi anoho munyumba yeye yu vwami chayavula kuvamanyia mba.

Jeremia 9:23

Yahova avoora, “Avandu vageri vatigingira kigira ovogeri vwavo mba, anoho avandu vizingulu kigira zinguru ziavo mba, noho avandu vatugi kigira uvuhinda vwavo mba.

Ezekieli 28:5

Wameeda uvutugi vuvwo kigira ovogeri ovonene vwi limanya mu likiranyia. Oveeye ni liegingira, kigira uvutugi vuvwo uvunyingi!

Danyeli 4:30

yavoola, “Henza kuli Babiloni eveeye enene! Ndajumbaka kuli lidaala linene kumanyia zinguru nu vunyali vwange, kandi vukumi harara nu vwami vwange.”

Hosea 12:8

Vavoola, ‘Kunyi koveeye avatugi ligali kandi; kunyi kumali kugwa avahinda. Si aveeyeho mundu unyala konyoora uvugadi, nuvuhinda vwitu vwosi mba.’

Habakuk 1:16

Kali vasigamira miluvo jaavo kandi vahaana vihaanwa vie visiuviliru kuzio, kigira miluvo jaavo givahezaa choosi cha venya.

Luka 12:19

Maku ndakevolere inzi mwene, Kalunu mbeeye ni vindu vinyingi vilahi, vianyenyaa ni vitereywi ku mihiga minyingi. Ndavugura liiva linage kuva lilahi, lio kolemeliza. Ndasosa, ndalia, ndanwa kandi sangale!’

Luka 16:19

“Yaali ho mundu mulala mutugi, uwiviika zinguvu ziu vuguli ligali zie kiforosadi zie rangi yu muzambarao, kandi zie katani indahi, kandi yamenya mu vusangali vwo kolomba lilia vuli lidiku.

Luka 16:25

“Navuzwa Aburahamu yamutivulira, ‘Mwana wange, wizulizi ndi wanyoola vindu vilahi lwa waali nukikiri mwoyo, na Lazaro nanyoora vindu vidamanu. Kalunu asosiziywi, na ivi oveeye mu vusaliri.

1 Samweli 10:7

Lwi vilolekizu yivi vikoleka, okole choosi cha Nyasaye akwimilira okole.