Ayubu 31:17 - KITABU KITAKATIFU

¹⁷ anoho si ndaleka avavisandu kuva ni inzara, lwa inzi ndiza chukulia mba.

Ayubu 31:17 ပူးပေါင်းရင်းမြစ်များ

Nehemia 8:10

Hene yaho Nehemia yavavolera, muzie yengo, mulombe lilia lilahi ligali kandi munwi iwaini indahi, na musange viukulia viavo na yavo avatali navio. Lidiku lia kalunu liveeye litakatifu ku Yahova wiitu; kandi mutaverera mba, kigira uvusangari vwa Yahova voveeye zinguru zienyu.”

Esther 2:7

Modekai yaavilukiza mwana wa amwavo baba weve, uwalangwa Esiteri, uwi lieta lilie liu Luheburaina liali Hadasa. Mukaana uyu yaali mulahi wi ligondo liukuyanziza. Lwa aviivuli weve vaakuza, Modekai yamuvirukiza kuli mukaana weve.

Ayubu 22:7

Ivi wasuula kuhaana mazi ku yavo avaari nu uvuluhu, kandi wasuula kuhaana viukulia ku yavo avaari ni inzara.

Ayubu 31:18

Inzi ndaavalinda vosi kuli baba wavo kutura vosooleri vwavo kandi ndaavimilira kutura mu vosooleri vwavo.

Ayubu 31:21

“Niiva ndagaada umuvisandu, ninganagana ndi nyara kuguuta mu kiyaalo,

Ezekieli 18:16

anoho kudambiza mundu woosi anoho kwiva, kandi atungi magovi geege, kandi ahaane viukulia ku vaveeye ninzara, kandi ahaane zinguvu ku vaveeye niviahonyo,

Ezekieli 18:7

Mundu uyu siadambizaa mundu woosi mba, navuzwa atungaa magovi geege; siaveeye munuri, navuzwa ahaanaa viukulia ku vaveeye ninzara, kandi ahaanaa zinguvu ku vaveeye niviahonyo.

Luka 11:41

Navuzwa, muhaane vindu eveeye mugati mwi vikombe kandi mu zisahani ku ni ivindi viosi vilava vilahi ku munyi.

Yohana 13:29

Kigira Yuda yaali muviiki wa mabese, avalala kuvo vaganagana Yeso ya muvooleraa azie kugura vindu vienyeka mu lisavo, anoho ahaane kindu choosi ku avadaka.

Vikolwa 4:32

Kiduma choosi cha vandu vasuuviri vaali harara nu mwoyo mulala kandi niziganagani zindala. Sihaaliho nu mundu kali mulala kuvo uwalola kindu cha aveeye nacho kuva ni chiche yeng'ine mba. Navuzwa vasanga nukugavulana vindu viosi via vaali navio keleng'ani.

Varumi 12:13

Mukoonye Vakrisitayo vache mu vudaka vwavo. Muve avingirizi vavageni kandi avihuli vizinyumba zienyu.

Kwidzulitsa 15:11

Valava ho kazozo vandu va Isiraeli vadaka kandi avaveeye nilienya, kulwayago mulagaa muve avahaani ligali kuvo.

Kwidzulitsa 15:14

Mumuhe nu vuhaani vwosi kutura ku via Yahova amli kumugasiza navio; chayo cha magondi, viamo viu vuswage kandi iwaini.

Yakobo 1:27

Lisuuvira lilahi litaveeye nu vudamanu imbiri wa Nyasaye Baba wiitu ni yili: kokonya avavisandu na vakunzakali mu likuba ikivi liavo, nu kwilinda ligali umwene avuli kwononywa ni ivindu vie kivala.

1 Yohana 3:17

Niiva mulala ku aveeye nu vutugi vwu mu kivala, na alole amwavo weve naveeye ni lienya maavuli kumukonya, vuyanzi vwa Nyasaye vulava ndi muye?