Ayubu 31:16 - KITABU KITAKATIFU

¹⁶ “Sindasula kokonya avadaka mba; sindakola ku avakunzakali kukuza mioyo mba,

Ayubu 31:16 ပူးပေါင်းရင်းမြစ်များ

Ayubu 20:19

Kigira umali kudambiza avadaka nukuvaleka muvudaka ligali. Kandi umali kuvugura zinyumba zia yavula kwumbaka.

Ayubu 5:16

Ahaanaa lisuuvirizwa ku avadaka kandi achiring'anyia avachamu.

Zaburi 112:9

Ahaanaa nuvuhaani vwosi ku avadaka, uvulungi vwivwe vuhindiraa mihiga ni mihiga. Alava ni zinguru kandi nuluyali lonene.

Zaburi 119:123

Zimoni ziange ziiluhi ninindiliraa ovohonyi kutura ku ivi, kandi ninindiliraa uduukizi lisuuviriza liilio lirungi ku inzi.

Zaburi 119:82

Zimoni ziange ziiluhi kigira lihenzelera cha wandaga, lwa ndeva, “Ulangonya ng'inga ki?”

Zaburi 69:3

Inzi nduhi kuturana ni lianira kigira ovokonyi. Mwigoti mwange mulumaa, zimoni ziange zizengeye kigira lilindilira vokonyi kutura ku Nyasaye.

Kutwula 22:22

Mutakoleri mukunzakali anoho muvisandu uvudamanu woosi mba.

Tsing'ano 22:22

Utanula mudaka kigira aveeye mudaka mba, anoho utavadambiza mu kiyaalo mba.

Tsing'ano 31:20

Aveeye muhaani ku vadaka kandi ku avaveeye ni lienya.

Isaya 10:2

Mukora ndio kunangwa muduuki kwigalira avadaka vavuli konyoora uvulungi vwavo, kandi vavuli konyoora likalaga liu vulungi. Nindio mukoraa muduuki kuvugura miandu ja vakunzakali na vavisandu.

Isaya 38:14

Mwoyo gwange gwaali mudedekere, kandi ndasioma kuli likuulu. Zimoni ziange zialuha kigira kohenza mwigulu, O, Yahova, osoore kutura mu vudinyu yivu vwosi.

Lisyoma lya Jeremia 4:17

Kwahenzelera konyoole ovokonyi, navuzwa si kwavonyoola mba. Kwalindirira kandi ni kohenzerera ihiiri iyaali inyala kuvula kukohonyia.

Ezekieli 18:16

anoho kudambiza mundu woosi anoho kwiva, kandi atungi magovi geege, kandi ahaane viukulia ku vaveeye ninzara, kandi ahaane zinguvu ku vaveeye niviahonyo,

Kyavalevi 25:35

Niiva umundu wa Isiraeli wache omenyi himbi nivi naagwa mudaka, kandi avuli kwinyaliza mwene, kuduuka mumukonye; kuli munyala kokonya mugeni anoho mumenya, aduuki komenya nimunyi.

Matayo 23:14

O, vayaye, kilaamo keveeye ku munyi avigizi vi Lilaga na Avafarisayo! Avagaadi munyi! Mwonogonyia zinyumba zia avakunzakali nukuvanuula viosi, kandi mwekora avalahi ku lisaala masaala matambi! Kigira yaga, mulanyola amaduywa manene ligali kuvita.”

Matayo 25:17

Munzira ndala nzere, umutumikiri wahevwa zitalenta ziviri yanyoora vukala zitalenta zindi ziviri.

Luka 16:21

nasuuvira kulia amadonye gagwiza hasi kutura komesa yu mutugi. Kali, kuvita yaga goosi, zimbwa ziu mutugi ziaza komenamena mu zingwagu zizie!

Vikolwa 11:29

Avandu avasuuviraa yavo vatovora kuhila kindu choosi cho vokonyi, sa mulala kuli anyala, ku avamwavo vamenya Ivuyuda.

Vagalatia 2:10

Icha vateva vuzwa chaali ndi, kwizulizi avasuuviri vadaka mu Jerusalemi, yiki nicho kindu cha mbeeye ni lienya kukekola.

Kwidzulitsa 28:32

Avayaayi na vakana vinyu valahaanwa kuli avatugwa kuzihiiri zing'eni muloraa. Vuli lidiku, zimoni zienyu zilahenzerera mbula muvalole ni viranaa, navuzwa sivalirana mba. Makono ginyu sigalava nu vunyali kuvasoora mba.

Yakobo 1:27

Lisuuvira lilahi litaveeye nu vudamanu imbiri wa Nyasaye Baba wiitu ni yili: kokonya avavisandu na vakunzakali mu likuba ikivi liavo, nu kwilinda ligali umwene avuli kwononywa ni ivindu vie kivala.