Ayubu 28:24 - KITABU KITAKATIFU

²⁴ Kigira oyo alolaa kali kuduuka ku keheri chi lirova, kandi alolaa vuli kindu isi wi ligulu.

Ayubu 28:24 ပူးပေါင်းရင်းမြစ်များ

2 Kyetsinyinga 16:9

Zimoni zia Yahova zihenzaa havundu hoosi mu lirova liosi. Yahova ahaanaa lidinyiriza ku yavo avaveeye vasuuvirifu kuye. Kuyaga goosi, wakola uvudamanu, na kutura kalunu ulamenya mu, vulwani.”

Ayubu 10:4

Ivi ololaa vindu kuli mundu alolaa? Kandi oveeye ni zimoni kuli ziu mundu?

Ayubu 11:11

Nyasaye umanyi ni vandu ki avaveeye avagaadi, Alolaa vikolwa viavo vidamanu.

Ayubu 31:4

Nyasaye amanya vindu viosi viangolaa, nukuvaliza zinduvatiru ziange ziosi zia inzi senaa.

Ayubu 37:3

Atumaa loheni luviti vugita muvwerefu; kutura lovega lulala lwi lirova kuduuka ku lundi.

Ayubu 38:13

Walaga ku iliicha liu mugamba kugumira lirova, nu kusung'usa avadamanu kutura havundu haavo hukwivisa?

Ayubu 38:18

Ivi wamanya ovonene vwi lirova yili? Undivuliri niiva umanyi.

Ayubu 41:11

Nivwaha umali kumba ikindu kunangwa nduuki kumutunga? Choosi ekeveeye isi wi ligulu liosi nichange.

Zaburi 11:4

Yahova aveeye mu Litembeli lilie Litakatifu, endeve yeeye yu vwami eveeye mwigulu. Ahenzaa avandu havundu hoosi nukumanya via vakora.

Zaburi 113:6

navuzwa yinamaa hasi kohenza aduuki kolola ligulu ni lirova.

Zaburi 66:7

Nyasaye yamiha ni zinguru zizie mihiga ni mihiga, kandi zimoni zizie zihenzaa ku zihiiri ziosi. Avibaali vatahing'ana naye mba.

Tsing'ano 15:3

Yahova alolaa chekoleka havundu hoosi, akohezaa lwa kokoraa vulahi anoho vudamanu.

Zekaria 4:10

Valavihilirwa kigira miyinzi sijizizagiliraa vulahi mba. Navuzwa valalola Zerubabeli nazizagilira kwumbaka Litembeli, navalava nuvusangali.”

Likunula 5:6

Maku ndaalora Mwana wi Ligondi nasingiyi hagati hendeve yu vwami, nakumbiriziywi ni ivilombe vine iviveeye mwoyo, harara na vakulundu sirini na ine. Mwana wi Ligondi zana yaloleka kuli uwitiywi. Yaali ni zinziga saba, zimoni saba, iziveeye Roho saba va Nyasaye, vaali nivamali kutumwa vazie mu lirova liosi.