Ayubu 26:14 - KITABU KITAKATIFU

¹⁴ Navuzwa, yaga gaveeye litanga vuzwa lie vikolwa vivie vie zinguru, yili ni limonya likekeeke vuzwa lia kuhulira mu makuva geege. Navuzwa, nivwaha unyala kumanya ligali ovonene vwi zinguru zia Nyasaye?

Ayubu 26:14 ပူးပေါင်းရင်းမြစ်များ

Ayubu 36:29

Siaveeye ho nu mundu kali mulala umanyi kuli malesi gagendaa, anoho kuli inguba ihiriganaa, kuvitira mu vwerefu, uwa Nyasaye amenyaa.

Ayubu 37:4

Maku lihuuma liu mwoyo gwigwe lihulirikaa. Mwoyo gwu luyali lwilwe gwatulurukaa, kandi loheni lohemahemaa.

Ayubu 37:5

Ku lilaga lia Nyasaye ivindu viokogenyia viekoleka, vindu viukuhuga via kunyi kutamanyiriza viekoleka.

Ayubu 4:12

Maku likuva lialetwa ku inzi machiriri, na ndaahulira livoora lialio.

Ayubu 40:9

Oveeye ni zinguru kuli ziange? mwoyo gugwo gunyala kwatuluruka vudinyu kuli gwange?

Ayubu 42:5

Mu ing'inga yavita, ndaamanya vuzwa makuva ga vandu vandi vaali nivamali kombola. Navuzwa kalunu inzi mali kolola ivi ne emoni yange.

Zaburi 139:6

Limanya liilio lia umanyi inzi liveeye liu musi ligali, livitaa ligali limanyiriza liange.

Zaburi 145:3

Yahova aveeye munene, kandi uwukwizominywa ligali; ovonene vwivwe vuviti limanyiriza lietu.

Zaburi 29:3

Mwoyo gwa Yahova guhulilikira ku zinyanza, Nyasaye wu vukumi yaatululukiza zinguba, na mwoyo gwigwe gulangiliraa ku zinyanza.

Kohelethu 11:5

Nyasaye yalomba vuli kindu choosi na siunyala kumanyiriza chaakolaa, kuli uvula kumanyiriza kuli mwana atangaa kwelomba munda mwu mundu mukali.

Habakuk 3:4

Yaazaa nu vulavu vwo loheni; vulavu vohemahemaa vuturaa mu mukono gwigwe, hi zinguru zizie ziaviswa.

Varumi 11:33

O, Vutugi, vogeri, kandi vutugi vwa Nyasaye, voveeye vonene ligali. Oh vogeri vwivwe kandi limanya lilie linyingi, liveeye linene ligali. Aa nivwaha unyala kwivaala likalaga lilie! Nivwaha unyala kumanyiriza zinzira zizie!

1 Samweli 2:10

Avasigu va Yahova valadivizwa; alahirigana kuli inguba kutura mwigulu kuvo. Yahova alakalagira lirova liosi; Alahaana zinguru ku mwami weve. Alakola mwami munene mutovole weve kuva ni liguuta.”