Ayubu 22:12 - KITABU KITAKATIFU

¹² Nyasaye siamenyi igulu mwigulu ligali, na aheenzaa hasi ku zing'ereng'ani, kali niiva ziveeye igulu ligali?

Ayubu 22:12 ပူးပေါင်းရင်းမြစ်များ

Ayubu 11:7

Unyala konyoora vikolwa viokogenyia via Nyasaye? Unyala kumanya keheri chu Wanyala Viosi?

Ayubu 11:8

Voveeye igulu ligali kuvita mwigulu, unyala kokora ki? Voveeye musi ligali kuvita Kihadisi unyala kumanya ki?

Ayubu 35:5

“Henza igulu mwigulu na olole, kandi olole amalesi gaveeye igulu kuvita ivi!

Zaburi 115:16

Ligulu liveeye lia Yahova yeng'ine, navuzwa yahaana lirova ku vandu.

Zaburi 115:3

Nyasaye wiitu aveeye mwigulu; akolaa choosi cha alalira.

Kohelethu 5:1

Ohenze vogeri lwa wingira mu Litembeli lia Nyasaye. Voveeye vulahi kwingira mu nu kwiga kuvita kuhaana visiuviliru kuli vandu vasiru vakora, vandu vatamanyi vulungi nu vudamanu.

Kohelethu 5:2

Uganagane ligali imbiri wu kikiri komoloma kindu, kandi utalomba lilagana lia vwangu ku Nyasaye mba. Nyasaye aveeye mwigulu na ivi oveeye hasi, kunangwa utavoola makuva manyingi kuvita ga wenyaa kovora mba.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 66:1

Yahova avoora, “Ligulu liveeye endeve yange yu vwami na lirova liveeye endeve yukuviika ku virenge viange. Kunangwa mulanyumbakira inyumba ya lugano ki; havundu hange hokomenya halava ha lugano ki?