Ayubu 19:5 - KITABU KITAKATIFU

⁵ Niiva ligali munyi mwiyizominyaa aveene kuva valahi kuvita inzi, nokokola kivi chi ligelihiza liange kuva lihing'ana ku inzi,

Ayubu 19:5 ပူးပေါင်းရင်းမြစ်များ

Nehemia 1:3

Vambolera ndi, yavo avaahonona ku liadikizwa ni vatigara yengo, vaveeye mu kivi kenene kandi mu zisoni ligali. Lidigi lia Jerusalemi liasambulwa, na Ivirivwa vialio viamala kusambwa numuliru.

Ayubu 19:4

Niiva gaveeye giligali ndi inzi mali kuhiola, lihiola liange liveeye ku inzi mwene.

Zaburi 35:26

Leka yavo avasangalira uvusaliri vwange, vaguutwi ligali kandi vadandanywi. Leka yavo avevoora vaveeye avalahi kuvita inzi vaduuki mu lilegwa.

Zaburi 38:16

Utaleka avasigu vange vasangaliri lidambizwa liange mba; utaleka vigingiri kigira ligwa hasi liange mba.

Zaburi 41:11

Nandio ndamanya ndi ivi uyanziziywi na inzi, nikivuni ndi, avasigu vange vavuli kunguuta.

Zaburi 55:12

Niiva yakaveeye musigu ongoleraa kehenyahenye, ngano ndakikuziyi kuye; kandi niiva yakaveeye umuhing'ani wi gingira ku inzi, ngano ndakivisi ihale kutura kuye.

Zaburi 55:13

Navuzwa ni ivi, mundu wachange, mulina wange wa kwayaanzana naye.

Isaya 4:1

Ing'inga yeyo lwaliduuka, avakali saba valagumira musaza mulala nokovoora, “Kunyi kulilihiza aveene, kandi kuliviika aveene, navuzwa yaanza oleke kovoole ivi oveeye musaza wiitu, kunangwa kuvuli kuva mu zisoni ziu kuvula kuva na avasaza.”

Mika 7:8

Mutasangalira kivi change, O, muinyi avasigu viitu lwakugwa, kulavuuka kandi. Kali ninzikala mu kisundi, Yahova alava uvulavu vwange.

Zefania 2:10

Nindio avandu vi kivala cha Moabu na Amoni valakanyore amageri kigira lielola kandi kilage harara ni ligemihiza lia vakolera vandu va Yahova Wuvunyali.

Zekaria 12:7

“Inzi Yahova ndakahaane liguuta ku mahi gi Vuyuda kutanga, kunangwa luyali lwi visukululwi via Daudi kandi avandu va Jerusalemi valakanyore, si lulakave lonene kuvita lwi Ivuyuda yoosi mba.

Luka 1:25

“Kalunu Mwami amali kumanyia zimbavasi zizie ku inzi. Anduliziyi zisoni ziambezaa nazio imbiri wa vandu.”

Yohana 9:2

Aviigi veve vamuteeva “Mwigizi! Nivwaha wakola vwoni, mundu uyu, anoho aviivuli veve, ma ni yiivulwa mboku?”

Yohana 9:34

Vaamutivulira, “Ivi wivulwa kandi nuvilukizwa mu wvoni vonene, unyala ndi kwigiza kunyi?” Maku vamukunga kutura mu lisinagogi.

1 Samweli 1:6

Penina muhalikwa weve yaali anyala kumudambiza nukumuleganyia ligali muno kigira Yahova yaali niyavoha inda yeeye avuli kwivura.