Ayubu 18:15 - KITABU KITAKATIFU

¹⁵ Kalunu mundu woosi anyala komenya munyumba yeeye, inyima wi zinyasi ziuhiywi mu kugekola eve inahi.

Ayubu 18:15 ပူးပေါင်းရင်းမြစ်များ

Litanga 19:24

Nonoho Yahova yatuma muliru kuli imbura kutura mu ligulu nigusamba madaala ga Sodoma na Gomora.

Ayubu 15:34

Muganda gwa vandu vatasuuviraa Nyasaye valakuza vugira visukululwi, kandi muliru gulasamba zinyumba ziumbakwa ni viambeti.

Zaburi 11:6

Yahova atumaa amanda gu muliru, ni kibiriti kisambaa ku vachamu vosi. Ahaanaa amageri kuvo ni kihuzuzi kisambaa.

Jeremia 22:13

O, vayaayi, kivi keveeye ku mundu wumbakaa inyumba yeeye ni likalaga litaveeye lirungi, kandi wumbakanga kuyo zigorofa uvusuuvirifu. Mundu oyo akolaa avandu kuyinzira vugira kumuha amadanyi kandi si avaheezaa mitungu jaavo mba.

Jeremia 49:18

Kindu kilala chere kilakekoleke ku Edomu kuli chekoleka ku Sodoma na Gomora, lwa ndagadiviza harara namadaala agaali himbi. Mundu kali mulala si namenye mu lidaala yili kandi mba. Inzi, Yahova mali kovora.

Zekaria 5:4

Yahova Wuvunyali avoora ndi, alaleeta kilaamo yiki ku vuli inyumba yu mundu woosi oveeye mwivi, kandi ku vuli inyumba yu mundu woosi ovola vovehi ku liesuuha. Kilaamo yiki kilava mu zinyumba yizi kuduuka lwazidivizwa na zitigale amang'anye.”

Luka 17:29

Navuzwa lidiku lia Loti yatura Sodoma imbura yu muliru kandi yikibiriti yakuuba kutura mwigulu na yadiviza avandu vosi.

Kwidzulitsa 28:24

Mu vogono yivwo, alatuma imbura mukivala chienyu imbuza yuluguuki nu muyeke; vilamugwira kutura mwigulu kuduuka lwa mudivizwa ligali.

Kwidzulitsa 29:23

Milimi jilava miere jokogotiza, ijafuumwa niligoke kandi jumbi. Kindu sikilatagwa anoho kwama mu mba kandi kali indiva silamera mumba. Kivala chienyu kilava kuli Sodoma na Gomora, cha Adima na Zeboiimu, icha Yahova yadiviza lwa yaali nu vutima vululu.

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”