Ayubu 14:5 - KITABU KITAKATIFU

⁵ Kigira madiku gi limenya liu mundu gamali kotovolwa maziambiri, kandi umanyi livaliza lie mieli jije jilimenya. Kandi ivi umali kotovola na umundu sianyala kugirung'anyia mba.

Ayubu 14:5 ပူးပေါင်းရင်းမြစ်များ

Ayubu 12:10

Zinguru zia Nyasaye ziveeye mu livamwoyo lia vuli kelombe, kandi mu livamwoyo lia vuli mundu.

Ayubu 14:14

Niiva mundu akuza, anyala kuva mwoyo kandi? Navuzwa ndalindilira ing'inga indahi, ndakalindi kuduuka ing'inga yu vudinyu vwange vohera.

Ayubu 16:22

Mihiga jange jivitaa, ndazia kunzira ya ndakavuli kwirana ku kandi mba.

Ayubu 21:21

Lwa livamwoyo liu mundu liheraa, ahenderaa avana veve vaalekaa inyima mwoyo?

Ayubu 7:1

Livamwoyo liu mundu ku lirova liveeye kuli liyinzira liukuniga mu liihi, kandi liveeye kuli miyinzi midinyu jamakono.

Zaburi 104:29

Lwa ugirung'ananga kutura kuvio vivezaa nu vuti ligali. Lwu utulizaa mwika gugwo kuvio vikuza ma virana ku luguchi kwa viatula.

Zaburi 104:9

Ivi wavika ulwako ku mazi siganyala kuvita, kunangwa gavuli kuza ku lirova kandi mba.

Zaburi 139:16

Ivi wandola ningikiri kwivulwa. Madiku ga ndaheevwa gaali nigang'odeywi mu kitabu chicho, kali lilala kulio nilikikiri kutanga kuva ho.

Zaburi 31:15

Inzi mbeeye mu vulindi vuvwo kazozo, ombonyie kutura ku vasigu vange kandi ombonyie kutura ku yavo avandambizaa.

Zaburi 39:4

“O, Yahova, Inzi ndamenya kuduuka ing'inga ki? Lidiku lie likuza liange lilava ing'inga ki? Mbolera ing'inga ye keheri chi livamwoyo liange.”

Kohelethu 3:2

Ing'inga eveeyeho yu kwivulwa kandi ing'inga yu kukuza; ing'inga yu kutaga kandi ing'inga yo kogesa,

Kohelethu 8:8

Siaveeyeho nu mundu unyala kwigalira likuza anoho oveeye ni zinguru ku lidiku lielikuza lilie mba. Yivu nu vulwani vwakunyala kuvula kohononoka kutura kuvwo; sikunyala kwigaada mba.

Danyeli 11:36

“Mwami wa Siria alakakole kuli aliyaanza. Alakigingiliri no kovora ndi oyo, aveeye munene kali kuvita munyasaye Wundi woosi, munene kali kuvita Nyasaye Wuvunyali. Alakave nuvunyari kokora ndio kuduuka lwi ing'inga iliduuka lwa Nyasaye alakahaane kuye mageri. Nyasaye alakakole kuli yamali kolohiza.

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Danyeli 5:26

Yili nilio livaala lia makuva yaga. MENE, Nyasaye umali kuvaliza madiku gu vwamihi vuvwo nu kuvuduukiza ku keheri chavwo.

Danyeli 5:30

Vudiku vwene yivwo, mwami Belishaza wa Babiloni yitwa.

Danyeli 9:24

“Mihiga 7 haali 70 niyo ing'inga ya Nyasaye amali kolohiza kovoholora vandu vovo harara ni lidaala litakatifu muvuhambe vwu vwoni kandi vudamanu. Alasamiiha uvwoni vwinyu kandi alaleeta vulungi vutaveeye nekeheri, kunangwa malola kandi voporofeti vulava vwa giligali kandi Litembeli litakatifu lilasaaliswa.

Luka 12:20

Navuzwa Nyasaye yamuvolera, ‘Musiru ivi vudiku vwa kalunu ndatuliza livamwoyo liilio. Kunangwa vindu via wavika vilava via vwaha?’ ”

Vikolwa 17:26

Yalomba zihiiri ziosi kutura ku mundu mulala, naziviika komenya ku lirova liosi. Yatovola no kolomba kale ligali zing'inga kandi keheri chi vivala via zilimenya mu.

Vahebraina 9:27

Mundu woosi kuduuka akuzi lulala vuzwa, kandi lwinyima aduuki kukalagirwa na Nyasaye.

Likunula 1:18

Mbeeye oveeye mwoyo! Ndaali ni ndaakuza, navuzwa, kalunu mbeeye mwoyo mihiga ni mihiga. Mbeeye nu vunyali ku likuza kandi ku kivala chavakuzu.

Likunula 3:7

“Ng'odera engelosi wi likanisa liveeye Filadefia: “Yaga nigo amakuva ga uyu oveeye umutakatifu, nu wi ligali. Aveeye nu lufungu lwali lwa Daudi, kandi cha oyo amali kwigura sihaveeye ho nunyala kuhana mba, gwa mali kuhana sihaveeye ho nu unyala kwigura mba.

1 Samweli 26:10

Daudi yaazizagilira kovora, “Ku Yahova oveeye mwoyo, inzi manya ligali Yahova mwene aliita Saolo, niiva ing'inga yi likuza lilie liduka, anoho akuziri mu vulwani.