Ayubu 1:21 - KITABU KITAKATIFU

²¹ Yavoola, “Inzi ndiivulwa vugira kindu, kandi ndakuza vugira kindu. Yahova yahaana kandi Yahova uvuguyi. Lieta lia Yahova lizominywi.”

Ayubu 1:21 ပူးပေါင်းရင်းမြစ်များ

Litanga 3:19

Ivi ulayinzira vudinyu nukutura ologeri kunangwa uduuki konyoora chulia. Ivi walombwa kutura kumalova kandi ulakilane kumalova.”

Litanga 30:2

Yakobo yasinyikira Raheli kandi navoora, “Inzi si nyara kuvugura vwiyangu vwa Nyasaye mba. Oyo niye wakola ivi kuvula konyoora avana.”

Litanga 45:5

Kalunu mutava novovereri anoho mwiduli aveene kigira mwanguliza hano mba. Liali lilohiza lia Nyasaye kunangwa inzi nduuki kohonyia avandu.

2 Samweli 16:12

Hawundi Yahova alalola liverera liange ma yambe uvugasu kuvugura ovogono vwi kilaamo chiche.”

1 Avami 12:15

Vwali vulaliri vwa Yahova koleta makuva ga yaali niyamoloma ku Jeroboamu, muyaayi wa Nebati kuvitira mu muporofeti Ahija kutura Shilo. Yiki nicho chagira mwami naahuliriza mativuli ga vandu vamuteeva.

2 Avami 20:19

Mwami Hezekia yamanya yaga gavoora ndi halava ho ni mirembe kandi ovososi kutura ku vulwani mu livamwoyo lilie, kunangwa yativura navoora, “Amakuva ga ombeeye gaveeye kutura ku Yahova, gaveeye malahi.”

Nehemia 9:5

Vandu va Levi yava vavoolera avandu vasigamiri Nyasaye: Jeshua, Kadimieli Bani, Hashabuneia, Sherebia, Hodia Shebania, na Pezahia. Vavoola, “Musingiri na mwizominyi Yahova Nyasaye winyu. Mumwizominye mihiga ni mihiga. Leki sa mulala yizominye lieta lilie lwu vukumi, kali niiva lizominya liu mundu siliveeye lidukiru mba.”

Ayubu 1:11

Navuzwa niiva wakanyiyi mukono gugwo, nukudiviza nukuduya viosi via aveeye navio, alakonyega moni namoni.”

Ayubu 2:10

Ayubu yativulira mukali weve ndi, “Ivi omoloma kuli mulala ku vakali avasiru. Lwa Nyasaye ahaanaa vugasu ku kunyi, kuhaana lisandiza ni lizominya kuye, na chakaveeye ki kutange kwililira lwa aleetaa vudinyu ku kunyi?” Mu vudinyu nu vusaliri vwosi vwa Ayubu, siyavoola kindu kidamanu imbiri wa Nyasaye mba.

Ayubu 9:12

Ligali, Nyasaye avugulaa choosi cha yenya, na siaveeyeho nu mundu unyala kumugaya mba, siaveeyeho nunyala kuluvilira ku muteeva, “Okolaa ki?”

Zaburi 34:1

Inzi ndasandiza ku Yahova vuli kazozo, si ndalekera kumwizominya mba.

Zaburi 34:2

Ndamwizominya ku goosi agaamali kongolera, vosi avadambizwa vahuliri kandi vasangale!

Zaburi 39:9

Inzi ndakiring'ana machiriri, kandi si ndavoora likuva kali lilala mba, kigira ni ivi wagira ninyoola vusaliri kuli yivu.

Zaburi 49:17

Lwa akuzaa sianyala kuvuvugula azie navwo mba; uvutugi vwivwe sivulazia naye mu kilindwa mba.

Kohelethu 12:7

Miviri jietu jilirana ku luguchi lwa marova kandi mwika gwi livamwoyo gulilana ku Nyasaye, waguhaana ku kunyi.

Kohelethu 5:14

maku avogotizira kunzira itaduukanaa: Lwu kumalirika, siatigala ku ni vindu viukuhaana ku vana veve mba.

Kohelethu 5:15

Kuli yatura munda mwa mama weve, kandi alilana ndio chahonyo kuli yaza; sializia ni kindu kutura ku miyinzi jije, chanyala kuginga mu makono geege mba.

Kohelethu 5:19

Niiva Nyasaye alahaana ku mundu vutugi ni miandu no koleka asangale muvio, gamudukira asandizi kandi asangaliri miyinzi ja makono geege. Yiki ni kihanwa kutura ku Nyasaye.

Isaya 24:15

kunangwa, yavo avaveeye ivugwi valahaana uvukumi ku Yahova. Avandu vamenya himbi ninyanza, valizominya Yahova Nyasaye wa Isiraeli.

Isaya 42:24

Nivwaha wahaana avandu va Isiraeli ku valanyi? Yaali Yahova mwene, wa kunyi kumali kokora uvwoni kuye! Sikwaali kunyala komenya kuli yenya komenye mba, anoho kuhulira amigizu ga yakuha mba.

Isaya 45:7

Ndaalomba uvulavu kandi kisundi, ndeta uvugasu kandi ikivi. Inzi, Yahova, ngolaa vindu yivi viosi.

Lisyoma lya Jeremia 3:38

Malahi na madamanu gekolekaa kigira lilaga lilie.

Amosi 3:6

Kisiriva chu vulwani kinyala kukubwa mu lidaala linene vugira kokora avandu vatie? Kivi kinyala kuduuka mu Lidaala linene ni kitaleteywi na Yahova?

Matayo 20:15

Sivoveeye vulahi inzi ngole kuli nyanza ku vindu viange? Anoho ongendekeraa kigira inzi mbeeye umuhaani mulahi?’ ”

Vikolwa 4:28

Yee, vavugana harara vaduuki kokora vindu viosi via Ivi wasaavira kokora vindu viosi mu zinguru zizio kandi mu vulaliri vuvwo.

Vafeso 5:20

Mwizominye kandi muhaane lisandiza kazozo ku Baba Nyasaye kigira vindu viosi mu lieta liu Mwami wiitu Yeso Kristo.

1 Vatesalonike 5:18

Musandizi Nyasaye ku vindu viosi kigira yivu voveeye uvulariri vwa Nyasaye ku munyi mu Kristo Yeso.

Yakobo 1:17

Vuli kihanwa kilahi kandi vuli kihanwa kidukiru kitulaa mwigulu; chikaa hasi kutura ku Nyasaye, umulombi wu vulavu vwu mwigulu, utagirung'anywa anoho koleta ikisundi ligirung'ana.

Yakobo 5:11

Henza, kuvavalizaa kuva avuvugasu kigira viikuzira. Mwamala kuhulira amakuva gu vwikuziri vwa Ayubu, kandi mumanyi kuli Mwami yamukolera mu limalirika. Kigira Mwami yizuuyi zimbavasi kandi livererera.

Ruth 1:21

Ndaatula hano nimbeeye mutugi, navuzwa Yahova unziranyi umwere. Kigira ki muunange Naomi, lwa Yahova Wuvunyali amali kuundambiza, na Yahova Wuvunyali oleeti ikivi ku inzi?”

1 Samweli 2:7

Akolaa avandu valala vadaka, na vandi vatugi. Agehizaa avalala na vandi avanenehiza.

1 Samweli 2:8

Agingaa avadaka igulu kutura mu luguchi, kandi avukizaa avilienya kutura mu vudinyu vwavo. Avakolaa kuva avalina va vayaayi va vami vanene. Na avaviika mu vogono vwu luyali. Mise jilirova jiveeye ja Yahova; na kujo yamala kolomba musingi gwi lirova.

1 Samweli 3:18

Kunangwa Samweli yamuvolera vindu viosi. Siyavisa ku kindu kali kilala mba. Eli yavoola, “Aveeye Yahova; kandi alakola choosi ekelolekaa kuva kilahi kuye.”