Amosi 8:14 - KITABU KITAKATIFU

¹⁴ Yavo aviisuhaa ku lieta lia Ashima, umunyasaye wa Samaria, avavooraa, ‘Ku Nyasaye wa Dani’; anoho ‘Kunzira ya Beerisheba’; valagwa na sivalavuka kandi mba.”

Amosi 8:14 ပူးပေါင်းရင်းမြစ်များ

1 Avami 12:32

Jeroboamu kandi yatangiza lisavo ku lidiku lia 15 liu mweli gwa munane, kuli lisavo liali Ivuyuda. Vahaana visiuviliru ku vanyasaye vi vimoli vigiriki via yaali naalombi, kutura ku ifeza mu Bezeli, kandi yavika yo avasaalisi vatumika havundu hukusigamira misambwa ha yaali niyumbaki.

1 Avami 14:16

Yahova alaleka Isiraeli kigira Jeroboamu yakola vundamanu naahira vandu va Isiraeli mu vwoni.”

1 Avami 16:24

yaagula kiguru cha Samaria ku vidonye vie ifeza zielefu sita kutura ku mundu walangwa Shemeri. Omuri yumbaka imbinga ku kiguru zana, kandi ni yumbaka ku lidaala, naaligulika Samaria, kutura ku lieta “Shemeri”, waali mwene kiguru.

2 Avami 10:29

Navuzwa Jehu siyagirung'ana kutura mu vwoni vwa Jeroboamu muyaayi wa Nebati, uvwa yalomba avandu va Isiraeli kokora mba, lisigamira lie vifananyi vie vimoli vie zahabu ha Bezeli kandi ha Dani.

2 Kyetsinyinga 36:16

Navuzwa vakolera vaporofeti va Nyasaye, kehenyahenye nivahuhiza makuva geege kandi nivavasekeliza, Kuduuka lwu vutima vwa Yahova vwavuukira avandu veve na sihali ho nichokohonyia mba.

Zaburi 140:10

Leka amanda gakaa muliru gavagwiri aveene, leka vasiuvwi mbogo kandi vavuli kutura ichova kali hakuzu.

Zaburi 36:12

Henza aha vadamanu vagwiyi; Hene yaho vaagoni na sivalasingira kandi mba.

Tsing'ano 24:16

Vandu valungi vagwiza haali saba kandi vavuuka, navuzwa kivi kiladiviza vandu vuvuchamu.

Tsing'ano 29:1

Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Isaya 24:20

Lirova liene lilayekayeka kuli muhambiki nukuhunguzwa kuli kidioli kinuyangwa mu imbura yi kiihi. Lirova liminiywi nuvuliduhu vwa uvwoni vwalio; Lilagwa na sililasingira kandi mba.

Isaya 43:17

Yadiviza liihi linene liezingulu, liihi lia magare gu vulwani nizibarasi. Vaagwa hasi sivasingira kandi mba, nukuvasiminya kuli ludambi lwi itaya!

Jeremia 25:27

Maku, Yahova yambolera, “Ovoolere avandu ndi, Inzi Yahova Wuvunyali, Nyasaye wa avandu va Isiraeli, mbalagaa vanwi iwaini yiyi kuduuka lwa vahambika kandi valuki, valagwa hasi kandi si valavuka mba, kigira iliihi lia ndetaanga hagati haavo.

Jeremia 51:64

Maku ovoole, ‘Kivala cha Babiloni kilagwa, na si kilasingila kandi mba, kigira lidiviza lia Yahova azizaa koleta kucho.’ ” Makuva ga inzi Jeremia gaheri yaaha.

Hosea 10:5

Avandu vamenyi mu lidaala lia Samaria valava nuvuti kandi valasioma kigira igiriki yu mugasa ha Bezaveni. Yavo harara na avasaalisi vatumikira kifananyi valagilirira kigira uvukumi vumali kutulizwa kuyo.

Hosea 13:16

Avandu vilidaala lia Samaria valanyora mageri kigira vamali kwibaala ku inzi. Vosi valitirwa mu vulwani; avana vaavo valasionolanywa mu vidonye, na vakali vaavo avaveeye ni zinda valatemanywa.”

Hosea 13:2

Avandu yava vazizagilira kokora uvwoni, valomba vifananyi vie ifeza nu kuvisigamira. Vifananyi yivi vialombwa na vandu vaveeye avasiza. Vavoola ndi, “Muhaane visiuviliru ku vifananyi yivi!” Avasaza vavusavusaa vifananyi vie vimoli.

Hosea 4:15

“Kali niiva munyi avandu va Isiraeli simuveeye avasuuvirifu ku inzi mba, vwakaveeye vulahi avandu vi Ivuyuda valavula kuva nilihiolo kuli yili. Mutasigamira ha Giligali anoho Bezaveni mba, anoho mutalomba malagano ku Yahova oveeye mwoyo mba.

Amosi 5:1

Muhulirizi ku lwimbu lwange lwi lisioma O, munyi avandu va Isiraeli:

Amosi 5:2

“Mukaana mugima, Isiraeli umali kugwa, kandi sialavuka! Ogooni hasi kumalova, nu mundu sialamukonya kuvuka mba.”

Amosi 5:5

Navuzwa mutenya Bezeli, kandi mutazia Giligali anoho mutazia Beerisheba; kigira lidaala lia Giligali lilazia lihaminywe na Bezeli lilatigala iliele.”

Mika 1:5

Yaga goosi galakoleka kigira avandu va Isiraeli vamala kokora uvwoni nu kwibaala imbiri wa Nyasaye. Ivwaha unyala kudulwa kigira libaala lia avandu va Isiraeli? Ni Samaria, lidaala linene liene! Ivwaha ololekiywi kuva wi vifananyi viu vunyasaye mu Ivuyuda? Ni Jerusalemi lidaala linene liene!

Zefania 1:5

Ndakadivizi vuli mundu woosi ulakanini ku inyumba igulu nu kusigamira liuva, umweli kandi zing'ereng'ani. Ndakadivizi yavo avasigamiraa kandi aviisuhaa kuhaana ku inzi luyali, kandi visuha mulieta liumunyasaye Moleki.

Vikolwa 18:25

Yaali niyigizwa amakuva gu Mwami Yeso; yaali nu vugulu mu lilwaza ni yigiza amakuva ga Yeso vulahi kali niiva yaali niyamanya libatiza lia Yohana lienyine.

Vikolwa 19:23

Madiku yago nigo gi kivihiri kinyingi chaali mu Efeso, kigira miigizu gu Mwami Yeso.

Vikolwa 19:9

Navuzwa avalala kuvo ni kilage ni, vasuura kusuuvira; vatanga konyega miigizu gu Mwami Yeso imbiri wa avandu. Kunangwa Paolo yahuka kuvo, naahira halovega aviigi veve, namolomaa navo kazozo munyumba ya amasomo ya Tairano.

Vikolwa 24:14

Nitali inzi mbugilira yaga imbiri woovo: Inzi sigamira Nyasaye wa avaguuga viitu. Ku lilonda muganda gwa miigizu gumwami Yeso ugwa yavo vavoola sigoveeye gwiligali mba. Navuzwa inzi suuvira vindu viosi viang'odwa mu vitabu vie Lilaga lia Musa kandi vitabu via vaporofeti.

Vikolwa 9:2

naasava ahevwe zibarwa ziu kwimanyia mu masinagogi ga Damasiko, ku nanyoora yo avasaza anoho avakali vava ni valonda amigizu gu Mwami Yeso, aduuki kuvagumira nu kuvaleeta Jerusalemi ni vavoheywi.

Kwidzulitsa 33:11

Yahova, konya ihiiri yaavo vave avizingulu; uyaanzizwi ni cha vakora. Duvulanyia avasigu vaavo vosi; leka vavuli kusingira kandi mba.”

Kwidzulitsa 9:21

Ndaavugura kindu chu vwoni chienyu yicho, kemoli kigiriki chizahabu cha mwaali nimulombi ningisigisa mu muliru. Maku ndakedonyanyia mu vidonye nokukisia nikigwa luguki kandi nisiuva luguki zana mu mugera gwaturaa mu kiguru.