2 Vatesalonike 3:6 - KITABU KITAKATIFU

⁶ Avaamitu viitu, kumulaga mu lieta liu Mwami wiitu Yeso Kristo, mwiyahuli ku avamwavo vosi avamenyi mu liiva liu vugata kandi avatalondaa amigizu ga kwavaha.

2 Vatesalonike 3:6 ပူးပေါင်းရင်းမြစ်များ

Matayo 18:17

Niiva asuraa kuvahulira, volera likanisa. Niiva asuraa kuhulira kali likanisa, ave ku ivi kuli avandu vatamanyi Nyasaye, kandi avasololi vuvusuuru.

Varumi 16:17

Avaamitu vange, mugoonyaa ligali mwilindi ku yavo vosi avaleetaa vwavukani nukwikigitaliza avandu vandi mu lisuuvira, kandi vahing'ana namigizu ga mwanyoola. Mwerehe ku vandu yavo!

1 Vakorintho 11:2

Kalunu nzizominyaa munyi kigira munzizulizaa kazozo mu vindu viosi, kandi mulonda ligali amigizu ga ndaamuha.

1 Vakorintho 5:4

Lwa muvuganaa harara, mu lieta liu Mwami wiitu Yeso, umwoyo gwange nigoveeye harara ni munyi, nizinguru ziu Mwami Yeso niziveeye ho kandi,

1 Vakorintho 5:9

Ndamwiganihiza mu ibarwa yange yukutanga ya ndamung'odera ndi mutahambani na vandu vaheyi mba.

2 Vakorintho 2:10

Nimusamiiha mundu woosi ku chaakoli, inzi kandi ndamusamiiha. Niiva nyenya kusamiiha ligali samiiha imbiri wa Kristo kigira munyi,

Vafeso 4:17

Mu lieta liu Mwami, nziganihizaa munyi ndi: Mutazizagilira komenya kuli avandu vatamanyi Nyasaye mba vamenyaa mba; aviziganagani ziavo zindamanu ziveeye izia vuzwa

Vakolosai 3:17

Ku viosi via mukoraa anoho mulivoola, mukore viosi mu lieta liu Mwami Yeso, musandizi Nyasaye Baba kuvitira mu uyu.

1 Vatesalonike 4:1

Mu limaliriza, avaamitu, viitu, mwigi kutura ku kunyi kuli gamuduukira komenya kunangwa muduuki kuyaanziza Nyasaye. Nindio mwamenyangi kandi kalunu kumugoonya nu kumwiganihiza mu lieta liu Mwami Yeso mumeede kokora ndio ligali.

1 Vatesalonike 4:11

Muve ni lienya lio komenya mu liiva lio kwehozeriza vuli mundu akole makuva geege mwene, kuganagani uvutumiki vwinyu aveene, kandikakole miyinzi namakono geege mwene kuli wa kwamuvolera maziambiri.

1 Vatesalonike 5:14

Kumuzuvaa munyi avaamitu viitu, muliganihizi avagata, muluvirizi vati, mukoonye avadedekere, kandi mwikuziri ku avandu vosi.

2 Vatesalonike 2:15

Kunangwa avaamitu viitu, singiri vudinyu nu vuluviliri. Mulonde amigizu ga kwamwigiza, nigava ku lilwaza lietu, ku makuva giitu anoho ku ibarwa yitu.

2 Vatesalonike 3:7

Munyi aveene mumanyi vulahi ndi gamudukira mukore kuli aga kwakora. Kunyi sikwaali avagata lwa kwaali harara ni munyi mba.

2 Yohana 1:10

Mundu niyazaa ku munyi nanavula koleta amigizu yaga, mutamwingirizi mu zinyumba zienyu, kandi mutamucheliza mba.