2 Vatesalonike 2:9 - KITABU KITAKATIFU

⁹ Muchamu uyu alaza ni zinguru ziosi zia Setani kandi alakola zing'ano ziosi zie vilolekizu kandi viokogenyia, viu vugadi.

2 Vatesalonike 2:9 ပူးပေါင်းရင်းမြစ်များ

2 Kyetsinyinga 18:20

Kuduuka lwa roho gwasingira imbiri, nigwisunda ku Yahova, kandi nigovoora, ‘Inzi ndazia kumugada.’ Yahova yateeva, ‘Kuli ndi?’

Kutwula 7:22

Maku vakumu vu Mwami vaakora malala mere ku vukumu, vwavo nu Mwami yaali mudinyu kuli kazozo. Kuli Yahova yaali navooye, Mwami yasura kuhulira Musa na Haruni.

Kutwula 8:18

Avakumu vageriza kutumikira vukumu vwavo okoleta iziinda, navuzwa sivanyala mba. Iziinda ziali havundu hoosi,

Kutwula 8:7

Navuzwa vakumu vaakora vukumu kuli ndio kandi vatuliza amakere ku kivala.

Isaya 29:10

Yahova umali kumukola mutengeze kwetegeka kogona zindoolo zinene ligali. Avaporofeti vaduukana vave zimoni zia vandu, navuzwa Nyasaye uvavakurizi.

Ezekieli 14:5

Vifananyi yivi viosi vimali kugirung'anyia vandu va Isiraeli kuzia ihale kutura ku inzi, navuzwa kuvitira mumativuli gange mbe nilisuvira ndi valirana ku inzi.

Matayo 12:22

Ahene yaho valetera Yeso mundu mulala muvoku kandi uwaali idimbidi kigira lidemoni liali ni liamugumira. Yeso yamuhonyia kuduuka namoloma kandi nalora.

Matayo 24:24

Kigira valatulira mesia vovovehi, na vaporofeti vovovehi. Valakola ivilolekizu vinene vaduuki kugaada kali avatovole va Nyasaye, niganyalika.

Matayo 4:10

Ku Yeso yamuvolera, “Tula ku inzi, Setani! Kigira gang'odwa, ‘Ulasigamira Mwami Nyasaye woovo kandi ulamutumikira oyo yenyine!’ ”

Marko 13:22

Kigira avamesia na vaporofeti vovovehi valatura nokokola ivilolekizu harara na agokogenyia, vaduuki kogotiza avatovole va Nyasaye, niiva ganyalika.

Luka 11:25

Lwa gaduuka mu, gonyoolaa inyumba niyeyeywi kandi neveeye indahi kandi elombeywi vulahi.

Yohana 4:48

Yeso yamuvolera, “Munyi nimutaloli vilolekizu ni viokogenyia, simunyala kusuuvira mba.”

Yohana 8:41

Munyi mukoraa aga avaguuga vinyu vaakora.” Navo vamuvolera, “Kunyi sikoveeye avana vindasimba mba! Koveeye na Baba mulala, naye ni Nyasaye.”

Yohana 8:44

Munyi muveeye avana vababa winyu Setani, nu uvulariri vwinyu ni okokora likayirwa lia baba winyu. Oyo yaali mulumindi kutura mulitanga kandi sianyala kusingira kolovega lwa agiligali mba, kigira agiligali sigaveeye muye mba. Choosi ichavoolaa cho vovehi avoora kuturana ni liiva lilie lia yalombwa nalio, kigira aveeye muvehi kandi ni baba wovovehi.

Vikolwa 13:10

navoora, “Henza! Mwana wa Setani ivi! Ivi uwizula vugadi ni kirage choosi! Oveeye musigu wu vulungi; si oleka ku lulala kuchaminya zinzira zinungi ziu Mwami?

2 Vakorintho 11:14

Sigaveeye gokogenyia kandi, kigira kali Setani yigirung'anyia umwene ave kuli engelosi yu vulavu!

2 Vakorintho 11:3

Navuzwa mbeeye nu vuti ndi, kuli enzoka ku vogeri vwayo vwo vovehi yagada Hawa, zing'anagani zienyu zinyala kogotizwa na muleke uvusuuvirifu kandi liehaana lienyu lia giligali ku Kristo.

2 Vakorintho 4:4

Sivasuuvira kigira ziganagani ziavo ziamenya mu kisundi chu munyasaye wi lirova yili. Avakolaa ndio kunangwa vavuli kolola uvulavu vwi Ivangeri yu vukumi vwa Kristo oveeye liiva lie ligali lia Nyasaye.

Vafeso 2:2

Ing'inga yeyo mwamenya kolondekana ni liiva lidamanu lie lirova, Kandi mwaloonda nukuhulira liiva lio mwami wa mademoni gi zinguru mu vwerefu, mademoni gamiihaa avandu avatahuliraa Nyasaye.

Yakobo 3:15

Ovogeri kuli yivu si vuturaa mwigulu mba. Voveeye vwu mu lirova, uvutaveeye vwa Roho, kandi vwamademoni.

Likunula 12:17

Ogoyoka gonene yigwo gwavihilirwa mukali uyu ligali niguzia kulwaana ni ivisukulurwi viu mukali viatigala, yavo avagumira amalago ga Nyasaye, kandi vaveeye avasuuvirifu ku lilolekiza lia agiligali agavuulwa na Yeso. Ogoyoka yigwo gwasingira ku lujinga lwi inyanza.

Likunula 12:9

Ogoyoka gonene yigwo gwagululwa hasi ku lirova harara ni zingelosi vagwo kutura mwigulu. Nagwo gulaangwa enzoka ya kale; kandi gulaangwa Ibilisi kandi Setani; uyu ugadaa vandu avu mu lirova vosi.

Likunula 18:23

Uvulavu vwi itaya sivulaaka mu ivi kandi mba; mwoyo gwa osereywi, nu gwumwiha sigulihulirwa mu ivi kandi mba. Avakiranyi vovo vaali avanene ligali kuvita avilirova liosi. Ivi wagaada zihiiri ku lirova nu vukumu vuvwo.”

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.

Likunula 20:10

Maku Lidemoni, iliavagaadaa yilio, liasuuvwa mu inyanza yu muliru ni kibiriti, hiking'ang'a, harara numuporofeti wo vovehi ha vaali nivaasiuvwa; kandi navo valadambizwa ligali mbasu nu uvudiku mihiga ni mihiga.

Likunula 9:11

Ziali nu mwami wazio, engelosi wegehena. Lieta lilie mu lulimi lwa Vaheburaina liveeye Abadoni. Mu Luguriki liveeye Apolioni; liveeye kovora “Umudivizi.”