2 Vatesalonike 2:2 - KITABU KITAKATIFU

² muvuli kogoyaanywa vwangu muziganagani anoho kohendizwa umwoyo ni livoora lia vandu ndi Lidiku liu Mwami limali kuduuka. Hawundi gaganaganwa ndi kwavoola yaga lwa kwilwazaa anoho kwaporofetaa; anoho lwa kwaling'oda mu ibarwa.

2 Vatesalonike 2:2 ပူးပေါင်းရင်းမြစ်များ

Isaya 26:3

Ivi, Yahova, uhaane mirembe midukiru ku yavo aviziganagani ziveeye zindukiru. Kandi vaviika lisuuvira liavo mu ivi.

Isaya 7:2

Lwi likuva liaduuka ku mwami wi Ivuyuda ndi, amahi ga Siria gaali ni gaveeye mu kivala cha Isiraeli, oyo harara na vandu veve vosi vatimukwa engolo nokodegera kuli misaala jihunguzwa nimbuuza.

Mika 2:11

“Niiva mundu umugadi yaza nokovoora, ‘Inzi ndaporofetera munyi ndi iwaini na malwa galidoloka, uyu niyie muporofeti wa avandu yava vayaanza.’

Matayo 24:24

Kigira valatulira mesia vovovehi, na vaporofeti vovovehi. Valakola ivilolekizu vinene vaduuki kugaada kali avatovole va Nyasaye, niganyalika.

Marko 13:7

Lwa muhulira amahi nu lusuma lwa amahi, mutahenda imioyo jinyu mba. Ivindu yivi kuduuka vikoleke; navuzwa ekeheri kikikiri kuduuka.

Luka 21:19

Muliekuzira lienyu nu vusuuvirifu, mulanyola livamwoyo litahera mba.

Luka 21:9

Kandi lwa mulihulira amakuva gu vulwani ni kivihiri mutadegera mba. Kigira vindu yivi vilatanga kokoleka, navuzwa sivimanyia ndi keheri keveeye himbi mba.”

Yohana 14:1

Yeso yavolera aviigi veve, “Mutahenda mioyo jinyu. Musuuviri Nyasaye, musuuviri inzi kandi.

Yohana 14:27

“Mirembe nijo ja inzi mulekeraa. Mirembe jange inzi mwene muheezaa. Simuhezaa kuli avumukivala vahaana mba. Mutahenda mioyo jinyu anoho kuhayahaya, kandi mutava nuvuti mba.

1 Vakorintho 1:8

Oyo alamudinyiriza muve ni zinguru mu lisuuvira kuduuka ku keheri, muduuki konyooleka vugira imbara ku Lidiku lie likalagirwa liu Mwami wiitu Yeso Kristo.

1 Vakorintho 14:32

Kihanwa cho koporofeta kidukanaa chamiifi nu muporofeti mwene omoloma,

1 Vakorintho 7:26

Kunangwa, kolondekana nu vudinyu voveeye ho kalunu, inzi ng'anagana ndi vwa kaveeye vulahi mundu amenye vuzwa kuli aveeza kazozo.

Vafeso 5:6

Mutaleka mundu kali mulala amugaade na makuva gu vusiru mba; gaveeye kigira vindu yivi uvutima vwa Nyasaye vuduuka ku avandu vosi avavuraa kumutia.

1 Vatesalonike 3:3

Kunangwa mundu kali mulala atilana inyima kigira lidambizwa yili mba. Munyi mumanyi ndi yivu nuvulaliri vwa Nyasaye.

1 Vatesalonike 4:15

Yaga ga kumwigiza kalunu gaveeye amigizu gu Mwami. Kunyi avakoveeye mwoyo, ku lidiku liu Mwami aliiza, sikulimilira yovo avamala kukuza mba.

1 Vatesalonike 5:2

Munyi aveene mumanya vulahi ndi Lidiku liu Mwami lilakaze kuli mwivi yaazaa vudiku.

2 Vatesalonike 2:15

Kunangwa avaamitu viitu, singiri vudinyu nu vuluviliri. Mulonde amigizu ga kwamwigiza, nigava ku lilwaza lietu, ku makuva giitu anoho ku ibarwa yitu.

2 Vatesalonike 3:17

Inzi, Paolo, ng'oda ibarwa yiyi nu mukono gwange mwene, kandi mbikaa muhuri ku vuli ibarwa yange, ya ng'oda.

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.