2 Vatesalonike 2:13 - KITABU KITAKATIFU

¹³ Navuzwa gakuduukiraa kuhaana lisandiza ku Nyasaye kazozo kigira munyi, avaamitu, munyi avu Mwami ayaanza. Nyasaye yatovola munyi kutura ing'inga yukutanga mu nyoore ovohonyi mu litakaswa lia Roho nu mu lisuuvira agiligali.

2 Vatesalonike 2:13 ပူးပေါင်းရင်းမြစ်များ

Litanga 1:1

Mu litanga, Nyasaye yalomba ligulu ni lirova.

2 Samweli 12:25

kandi nalaga muporofeti Nazani kugulika mwana oyo Jedidia, kigira Yahova yamuyanza.

Tsing'ano 8:23

Ndaalombwa mulitanga, lwu kutanga ligali kivala kikikiri kolombwa.

Isaya 46:10

Kutura mulitanga, ndalolekizaa agaza gekoleke; kale ligali ndaavura agaali ganyala kwekoleka. Ndavoora ndi, lilohiza liange sililagwa mba, kandi ndakora vuli kindu choosi cha ndasaavira kokora.

Jeremia 31:3

Inzi ndaaloleka kuvo kutura ihale. Avandu va Isiraeli, inzi muyanzaa kazozo, kunangwa ndazizagilira kumumanyia uvuyanzi vwange vutaveeye nekeheri.

Ezekieli 16:8

“Lwa ndaavitira ho kandi, ndaalora ndi ing'inga iduuki munyi kuyanzwa. Ndaakunika chahonyo chienyu nilikoti liange, kandi ndavasuuviriza ndi ndamuyanza. Yee, ndalomba lilagana liange ni munyi kandi mwagwa avandu vange.” Yaga nigo aga Yahova Wuvunyali avoora.

Danyeli 10:11

Engelosi ya mbolera, “Danieli, Nyasaye yakuyaanza. Si ngila kandi uhulirizi vulahi ku ganzizaa kovora. Inzi mali kutumwa kuivi.” Lwa yaali yakamala kovora yaga, ndasingira vulungi, navuzwa ndaali ningikiri mu lidegera.

Danyeli 10:19

Yavoola, “Nyasaye yakuyaanza, ku lwayago utaleka kindu choosi kikuhendizi mwoyo anoho kikutiihizi mba.” Lwa yaali ni yakavoola yaga, ndanyoora nzingulu kandi ni mboraa, “Mwami wange, moloma na inzi kigira ombeeye zinguru.”

Danyeli 9:23

Lwa watanga koteva Nyasaye, yakutivulira. Akuyaanzaa, kunangwa nzizi kuhaana mativuli. Kalunu huliriza lwa nzivaala malola yaga.

Luka 1:75

kunangwa kuduuki kuva avatakatifu kandi avalungi imbiri weve, mu madiku goosi gi livamwoyo lietu.

Yohana 1:1

Lirova nilikikiri kolombwa, liali ho Likuva, kandi likuva zana liali harara na Nyasaye, kandi likuva liali Nyasaye.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Vikolwa 13:48

Avandu vi Zihiiri lwa vahulira amakuva yaga vayaanza, nivizominya likuva lia Nyasaye; yavo avaari nivatovolwa konyoora livamwoyo litahera mba, vasuuvira.

Vikolwa 15:9

Siyalomba liavukanyia liosi hagati hiitu navo mba. Yasamiha uvwoni vwavo kigira vasuuvira.

Varumi 6:17

Navuzwa lisandiza liveeye ku Nyasaye! Kigira ku ing'inga ndala mwaali avatugwa vu vwoni, navuzwa kalunu mumali kutia ni mioyo jinyu josi agiligali ganyoolekaa mu amigizu maduukiru ga mwanyoola.

Varumi 8:33

Ivwaha uliyaala avatovole va Nyasaye? Nyasaye mwene avakolaa kuva valungi imbiri weve!

Varumi 9:11

Kali niiva vaali nivakikiri kwivulwa kandi nivakikiri kokora vulahi anoho vudamanu vwulugano Iwosi, na kuduuka ovotovoli vwa Nyasaye vuzizagiliri, sigaveeye kigira imiyinzi ja makono gu mundu, navuzwa kigira ililangwa lilie.

1 Vakorintho 1:21

Kuvitira mu vogeri vwa Nyasaye yakola vandu vavuli kumumanya kuvitira mu vogeri vwavo aveene. Mu vogono yivwo, kuvitira mu vusiru vwi likuva lia kwilwazaa, Nyasaye yatovola kohonyia yavo avasuuviraa muye.

Vagalatia 3:1

Munyi Avagalatia vasiru! Nivwaha wamuloga? Imbiri wi zimoni zienyu ziene mwivaalirwa havulavu kuli Yeso Kristo yakuza ku musalaba.

Vafeso 2:8

Gaveeye ku zimbavasi zia Nyasaye, munyi mumali kohonywa kuvitira mu lisuuvira, kandi yaga sigaveeye kigira mativuli gi zinguru zienyu mba, navuzwa keveeye kihanwa cha Nyasaye.

Kwidzulitsa 33:12

Musa yavoola ku ihiiri ya Benjamini; “Yiyi ni ihiiri ya Yahova ayaanza kandi akingaa; Avalindaa mbasu gwosi, Kandi amenyaa hagati haavo.”

Vakolosai 1:5

Kigira lisuuvirizwa lia mwaviikirwa mwigulu. Lisuuvirizwa yili mumali kuhulira mu likuva liagiligali lie Ivangeri.

Vakolosai 3:12

Kunangwa kuli avandu vatovole va Nyasaye, avaveeye avatakatifu na vayaanzwa, muve nu mwoyo gwi zimbavasi, vogoosi liegehiza, vohoma kandi, vwikuziri.

1 Vatesalonike 1:4

Avaamitu viitu, kumanya ndi Nyasaye yamuyanza kandi yamalakumutovola muve vandu veve.

1 Vatesalonike 2:12

Kwa muluviriza nu komuleminya umwoyo muduuki kumenya nokogenda mu liiva liyaanziza Nyasaye, uwamulanga muduuki kusanga mu vwami nu vukumi vwivwe.

1 Vatesalonike 4:7

Nyasaye siyakulanga komenye mu voheyi, navuzwa uvutakatifu.

1 Vatesalonike 5:9

Nyasaye siyakuviika kusaliri kigira uvutima vwivwe mba, navuzwa konyoole uvohonyi kuvitira mu Mwami wiitu Yeso Kristo;

2 Vatesalonike 1:3

Avaamitu viitu, gakuduukiraa kusandizi Nyasaye ku kazozo kigira munyi. Gaveeye amalungi ku kunyi kokora ndio, kigira lisuuvira lienyu limedeka ligali. Kandi uvuyanzi vwu mundu sa mulala aveeye navwo ku wache vomedeka.

2 Vatesalonike 2:10

Alatumikira kandi uvugadi vwi zing'ano ziosi ku yavo avadivaa. Valadiva kigira vasuura kuyaanza agiligali ku vaduuki kohonywa.

2 Vatesalonike 2:12

Kunangwa vosi avavulanga kusuuvira agiligali, navuzwa nivayaanza kokora uvwoni vakalagirwa.

2 Vatesalonike 2:16

Mwami wiitu Yeso Kristo mwene, na Nyasaye Baba wiitu uwakuyanza kandi kuvitira mu zimbavasi zizie naakuha kelemamwoyo chi mihiga ni mihiga kandi lisuuvira lilahi,

Vahebraina 1:10

Yavoola kandi, “Ivi Mwami, mulitanga walomba lirova liosi kandi walomba ligulu na makono googo.

Yakobo 1:18

Ku vulaliri vwivwe umwene, yakoleta mu livamwoyo kuvitira mu likuva lie ligali, kunangwa kuduuki kuva kuli amakuyu gu kutanga hagati hi ivilombe vivie.

1 Yohana 4:10

Yivu nivwo uvuyanzi: Sikwaali ni kunyi avakwayaanza Nyasaye, navuzwa niyie wakuyaanza, natuma mwana weve kuva ikisiuviliru chu kutakasa uvwoni vwitu.

1 Yohana 4:19

Kunyi kuyaanza kigira Nyasaye yakuyaanza mu litanga.