2 Vatesalonike 2:11 - KITABU KITAKATIFU

¹¹ Nyasaye avaleeteraa zinguru zie ligota kuyinzira muvo ku valomba vasuuviri agaveeye go vovehi.

2 Vatesalonike 2:11 ပူးပေါင်းရင်းမြစ်များ

Litanga 39:19

Lwu munene weve yahulira makuva gu mukali weve yamuvolera, kuli mutumikiri weve mutugwa yamukolera, munene oyo vutima vwivwe vwiginga.

Zaburi 109:17

Yayanza kulaama, leka naye alaamwe! Siayaanzaa kuhaana uvugasu mba, kandi atavaho numulala umugasiza mba!

Isaya 44:20

Akombaa ligoke litaveeye kindu kuye. Zing'anagani zizie ziuvusiru zimugotizi ligali kali sianyala konyoora vokonyi kali hakuzu mba. Sianyala kuvugilira umwene ndi kifananyi cha agumiyi mu mukono gwigwe sikeveeye nyasaye mba.

Isaya 66:4

Kigira yaga, inzi kandi ndavaletera ikivi - ivindu yivio viavatizaa; kigira sihaaliho nu mulala uwahugira lwa ndavalanga anoho uwahuliriza lwa ndamoloma. Vaatovora kuvula kuhulira inzi nokokola uvudamanu.”

Jeremia 27:10

Avandu yava vamugada na valamukola muvugulwi kandi muhilwi ihale ligali kutura mukivala chiinyu. Ndamukunga kutura mukivala yiki, kandi muladivizwa.

Jeremia 4:10

Maku ndavoora, “Yahova Wuvunyali, ivi umali ligali kovehera avandu va Jerusalemi! Umali kovora mirembe jilavaho, navuzwa kivavi kilaviita.”

Ezekieli 14:9

“Niiva muporofeti alagadwa nu kumoloma makuva gataveeye gagiligali, gaveeye kigira Inzi Yahova mali kumugada. Ndahaana mageri kuye kandi Ndamutuliza hagati ha vandu vange Isiraeli, kunangwa muduuki kumanya ndi mbeeye Yahova.

Ezekieli 21:29

Malola aga munyi muloraa gaveeye aguvugaadi, kandi vusigitiri vwinyu voveeye ovovehi. Munyi muveeye avandu vachamu kandi vadamanu. Lidiku lienyu liukumalirika kohevwa mageri lizaa. Inzi ndamwita ni kivavi.

Matayo 24:11

Avaporofeti vovovehi avanyingi valaza na valagotiza avandu vanyingi.

Matayo 24:5

Kigira avanyingi valaza ni vatumikira ilieta liange ni vavoola, ‘Inzi niyie Mesia!’ Navo valagotiza avandu vanyingi.

Varumi 1:28

Kigira avandu yavo vasuura limanya lieligali lia Nyasaye, Nyasaye yavaleka muziganagani zionekaa, ku vaduuki kokora ivindu via vataduukanaa kokora.

1 Vatesalonike 2:3

Ligoonya lietu ku munyi si litulaa ku matava, anoho ku zing'anagani zindamanu, anoho sikugerizaa kugaada mundu vosi mba.