2 Vatesalonike 2:10 - KITABU KITAKATIFU

¹⁰ Alatumikira kandi uvugadi vwi zing'ano ziosi ku yavo avadivaa. Valadiva kigira vasuura kuyaanza agiligali ku vaduuki kohonywa.

2 Vatesalonike 2:10 ပူးပေါင်းရင်းမြစ်များ

Tsing'ano 1:7

Liitia Yahova liveeye litanga lio vogeri, navuzwa avasiru vachaya ovogeri kandi vasuura kwiga amigizu.

Tsing'ano 8:17

Nyanza yavo vanyanza; uyu onyenyaa alanyoola.

Matayo 13:11

Yeso yavativulira, “Munyi muheveywi kumanya agaviswa gu Vwami vwu mwigulu, navuzwa yavo sivaheveeywi ndio mba.

Yohana 3:17

Nyasaye siyatuma Mwana weve kuuza mu kivala kukalagira avumukivala, navuzwa kohonyia avumukivala.

Yohana 5:34

Sigaveeye nyenya lilolekiza lia avandu, navuzwa mboraa yaga kunangwa muduuki kohonywa.

Varumi 10:1

Avaamitu vange, nzegomba numwoyo gwange gwosi avandu vange Isiraeli vanyoore vohonyi! Mbasaaliraa ku Nyasaye!

Varumi 16:18

Kigira avandu vu lugano yilu sivatumikiraa Mwami wiitu Kristo mba, navuzwa vahenderaa zinda ziavo veene. Ku makuva gaavo malahi, na guvugadi, vagotiza avandu vataveeye ni mbala.

Varumi 6:17

Navuzwa lisandiza liveeye ku Nyasaye! Kigira ku ing'inga ndala mwaali avatugwa vu vwoni, navuzwa kalunu mumali kutia ni mioyo jinyu josi agiligali ganyoolekaa mu amigizu maduukiru ga mwanyoola.

1 Vakorintho 1:18

Likuva lie likuza lia Kristo ku musalaba liveeye uvusiru ku yavo avadivaa, navuzwa ku kunyi avahonywa, liveeye zinguru zia Nyasaye.

1 Vakorintho 16:22

Ku vosi mundu natayaanza Umwami, alaamwe. Umwami wiitu hamba!

2 Vakorintho 11:13

Avandu kuli yava vaveeye avatumwa vovovehi; avatumwa vuvugadi avigirung'anyia veene valoreke kuli avatumwa viligali va Kristo.

2 Vakorintho 11:15

Kunangwa sikeveeye kindu chokogenyia niiva avatumikiri veve viigirung'anyia aveene vave kuli avatumikiri vu vulungi. Mu keheri, yavo valanyora amaduywa kolondekana ni vikolwa viavo vidamanu.

2 Vakorintho 2:15

Kunyi koveeye kuli kimuli kifunyaa mwayu mulahi uguhaanwa na Kristo ku Nyasaye, ugulandaa hagati ha yavo vosi avahonyiangwa kandi ku yavo avadivaa.

2 Vakorintho 2:17

Kunyi sikoveeye kuli avandu vandi vanyingi, avagulizaa likuva lia Nyasaye mba; navuzwa kigira Nyasaye, umali kutuma kunyi, kovora agiligali imbiri weve kuli avatumikiri va Kristo.

Vafeso 4:14

Kunangwa sikulava kandi kuli avana vadoto avahilwaa yiyi ni yiyi ni viguvuli kandi avahunzulanywa ni zimbuza zia amigizu guvugadi zing'ano ziosi ga avandu, avimiliraa avandi kuduuka mu mahiolo nuvugadi vwavo vwa vatangiza.

1 Vatesalonike 2:16

Kali vageriza kukugaya kuvuli kwilwaza ku avandu vi Zihiiri likuva linyala kuvaletera ovohonyi. Munzira yiyi vavungizaa uvwoni vwavo vwa vakora kazozo kandi kalunu vutima vwa Nyasaye vuduuki kuvo ligali mu limaliriza.

2 Vatesalonike 2:12

Kunangwa vosi avavulanga kusuuvira agiligali, navuzwa nivayaanza kokora uvwoni vakalagirwa.

2 Vatesalonike 2:13

Navuzwa gakuduukiraa kuhaana lisandiza ku Nyasaye kazozo kigira munyi, avaamitu, munyi avu Mwami ayaanza. Nyasaye yatovola munyi kutura ing'inga yukutanga mu nyoore ovohonyi mu litakaswa lia Roho nu mu lisuuvira agiligali.

Vahebraina 3:13

Navuzwa mulala ku munyi avuli kugadwa nu vwoni kandi agwi mwigingiri. Kuduuka mukonyane aveene naveene vuli lidiku, ku lohono lwi likuva “Kalunu” mu Mang'oda Matakatifu limolomaa ku kunyi.

2 Petro 2:12

Navuzwa avandu yava vayinzira novogeri kuli zinyama ziu muvulimu, ziivurwa ma zigumirwa nukwitwa. Vingilira namanyego kindu choosi chavatamanyi. Valadivizwa kuli zinyama ziu muvulimu,

2 Petro 2:18

Vavoola amakuva gi liegingira ligali kandi agatali ni kivuni, kandi gu vusiru, kandi vatumikira likayirwa liu muviri kotega yavo avirukaa kutura ku yavo avamenyaa mu vugadi.