2 Vatesalonike 1:7 - KITABU KITAKATIFU

⁷ navuzwa munyi avakubizangwa ikivi mulanyola ovososi ni lielemereriza, kandi ku kunyi ndio. Alakola ndio lwu Umwami wiitu Yeso alolekaa kutura mwigulu harara ni zingelosi veve avizingulu,

2 Vatesalonike 1:7 ပူးပေါင်းရင်းမြစ်များ

Kutwula 19:18

Kiguru cha Sinai choosi chizula umwochi, kigira Yahova yaali niyiiki hasi ku cho mu muliru. Mwochi gwaazia igulu kuli mwochi gwi kisambiru kenene, na avandu vosi vaadegera ligali.

Kutwula 3:2

Uwene yeyo, engelosi wa Yahova yaloleka ku Musa kuli lomemo lwu muliru nilutulaa hagati hi kisaka. Musa yahenza naalora kisaka yikio chaduuka umuliru, navuzwa sichahiizaa mba.

Isaya 57:2

Yavo avagendaa mu vulungi vingira mu mirembe; vanyoola ovososi lwa vagona mu likuza.

Isaya 66:15

Yahova alaza numuliru, na magare geege gu vulwani gaveeye kuli kihuzuzi. Alaleeta uvutima vwivwe vululu hasi ni iligondoka lilie kuli lomemo lwu muliru.

Ezekieli 1:13

Hagati hi vilombe yivi, kindu chaliho ichaloleka kuli amanda gu muliru, chaloreka kuli ulumuli lwi kiyayi nikimulamulaa hagati hi vilombe. Muliru gwene yigwo gwaali nu vwaku ligali, kandi oloheni lwatula mugwo.

Danyeli 7:9

Lwa ndaali ningiheenza, zindeve ziu vwami ziavikwa hene yaho. Mundu waali namenyi mihiga ni mihiga yikala ku endeve indala. Zinguvu zizie ziali zindavu kuli likonza, kandi liisu lilie liali kuli ipamba indahi. Endeve yeeye yu vukumi yavofwa ku vilenge viu muliru, endeve yiyi yaduuka lomemo lwu muliru,

Matayo 16:27

Umwana wa Adamu aveeye ahimbi kuza mu vukumi vwa Baba weve harara ni zingelosi veve; kandi ahene yaho alatungaa vuli mundu kolondekana ku vikolwa vivie.

Matayo 16:28

Muvooleraa agiligali, vaveeye ho valala ku avasingiyi hano avalivula kolola ilikuza kuduuka lwu Umwana wa Adamu alakaze kuli Mwami Munene.”

Matayo 25:31

“Lwu Umwana wa Adamu aliiza kuli Umwami harara ni zingelosi vosi alikala ku endeve yu vwami vwivwe,

Matayo 25:41

“Alakavoolere avaveeye ku mukono gwigwe mumosi, ‘Tuli ku hizi munyi avalaamwa na Nyasaye! Muzie mu muliru gwi mihiga ni mihiga ugwalomberwa Setani harara ni zingelosi veve!

Matayo 26:64

Yeso yamuvolera, “Ivi ovola ndio. Navuzwa mbolera munyi mwosi: kutura ing'inga yene yiyi kuzizagilira, mulalora Mwana wa Adamu ni yikaye ku mukono mulungi gwa Nyasaye Wuvunyali, kandi ni yaazaa ku malesi gu mwigulu.”

Marko 14:62

Yeso yativura, “Inzi niyie. Mulalora Mwana wu Mundu niyikaye ku mukono mulungi gwa Nyasaye Wuvunyali, kandi niyazaa mu malesi gigulu.”

Marko 8:38

Niiva umundu woosi alava esoni kigira inzi na amigizu gange mu likula litaveeye na Nyasaye yiyi, kandi lichamu maku Mwana wa Adamu alakave zisoni naye lwaliiza. Zingelosi mu vukumi vwa Baba weve harara ni vatakatifu veve.”

Luka 16:25

“Navuzwa Aburahamu yamutivulira, ‘Mwana wange, wizulizi ndi wanyoola vindu vilahi lwa waali nukikiri mwoyo, na Lazaro nanyoora vindu vidamanu. Kalunu asosiziywi, na ivi oveeye mu vusaliri.

Luka 17:30

Nindio galiva kandi lidiku liu Mwana wa Adamu aliloleka mu vukumi.

Yohana 1:3

Nyasaye yalomba vindu viosi kuvitira muye. Sichaaliho ni kindu kali kilala ku vilombe viosi, ichalombwa vugira Ye.

Yohana 1:51

Yeso yaazizagilira kovora, “Agiligali muvooleraa, Mulalora ligulu niliguliywi nizingelosi va Nyasaye nivanina nu kwika kutura ku Mwana wa Adamu.”

Vikolwa 1:11

Vavavolera, “Munyi avandu va Galilaya! Kigira ki musingiyi ni muheezaa mwigulu? Yeso uyu, uvuguliywi kutura ku munyi kuzia mwigulu, alirana kandi kuli munyi mumuloli nazizaa mwigulu.”

Vikolwa 3:19

Kulwayago mwiganiri, kandi mwihaane ku Nyasaye, kunangwa aduuki kumusamiiha uvwoni vwinyu. Niiva mukora ndio,

Varumi 8:17

Na kigira koveeye avana va Nyasaye, kulanyoola imiandu josi ja Nyasaye yavikira avandu veve, kulasanga harara na Kristo miandu ja Nyasaye; kigira nikuva nikusanga mu vusaliri vwa Kristo, kulasanga kandi mu vukumi vwivwe harara.

1 Vakorintho 3:13

Uvulahi nuvuduukiru vwi miyinzi ja vuli mundu, vulaloleka lwi Lidiku lia Kristo liliduuka Lidiku yilio muliru gulakavuuli miyinzi ja vuli mundu; kandi muliru gulakagerizi vulahi vwi miyinzi ja vuli mulala yakola.

2 Vakorintho 4:17

Lidambizwa lia konyoora lie ing'inga ngekeeke, kandi ni likekeeke vuzwa; lilakakoletere vukumi vonene vwi mihiga ni mihiga kuvita vudinyu vwakonyoolaa.

Vafeso 1:2

Zimbavasi ni mirembe kutura ku Nyasaye Baba wiitu kandi wu Mwami Yeso Kristo zive ni munyi.

Vakolosai 1:16

muye Nyasaye yalomba vindu viosi, viu mwigulu kandi via hasi ivilolekaa ni vitalolekaa, harara ne, zinguru zio vwami vwa roho, avanene, avamihi nu vunyali. Nyasaye yalomba ligulu liosi kuvitira muye kandi kigira ye.

1 Vatesalonike 3:13

Munzira yiyi alamudinyiriza na munyi mulava avadukiru vatakatifu imbiri wa Nyasaye wiitu kandi Baba wiitu lwu Mwami wiitu Yeso yaza harara na vandu veve valungi vosi.

Tito 2:13

lwa kulindiliraa lidiku liu uvugasu, lia kwasuuvirizwa liu vukumi vwa Nyasaye munene kandi Muhonyi wiitu Yeso Kristo liliduuka.

Vahebraina 10:27

Navuzwa litigaaye ni lilindilira nuvuti likalaga lia Nyasaye nu vululu vwu muliru gulidiviza yavo vosi avahing'anaa naye.

Vahebraina 12:29

kigira Nyasaye wiitu aveeye muliru gusambaa nukudiviza ligali.

Vahebraina 4:1

Kunangwa, Nyasaye yakuha lisuuvirizwa ndi kunyala konyoora vosoosi vwa yamoloma amakuva gavwo. Gakuduukiraa kohenze vulahi, gase mulala ku munyi alanyooleka natanyooye vosoosi vwasuuvirizwa yivwo.

Vahebraina 4:11

Kunangwa, gendi kwidinyirizi konyoole vosoosi yivwo kunangwa mulala ku kunyi avuli kugwa kuli yavo vaagwa kigira vavura kuva ni lisuuvira.

Vahebraina 4:9

Kuli gaveeye vosoosi vwi Lisabato vutigaye ho ku vandu va Nyasaye.

Vahebraina 9:28

Mu liiva lilala liere Kristo kandi yahaanwa lulala kuva kisiuviriru kusamiiha uvwoni vwa vandu vanyingi. Ku ing'inga ya kaviri sialiloleka kusamiiha vwoni mba, navuzwa kohonyia yavo avamulindiliraa.

1 Petro 3:22

naye umali kuzia mwigulu ku mukono mulungi gwa Nyasaye, yamiha zingelosi harara nu vunyali kandi zinguru ziosi ziu mwigulu.

2 Petro 3:7

Navuzwa ligulu ni lirova, viveeye ho kalunu viviikiywi nililago lilala liere lia Nyasaye viduuki kudivizwa nu muliru. Viviikangwa kuduuka ku lidiku lie likalaga no kudivizwa kwa vandu vatamanyi Nyasaye.

Yudasi 1:7

Mwizurizi Sodoma na Gomora, kandi amadara agaali ahimbi, aga avandu vago vakora kuli zingelosi yava aviiviika mu kifavwi cho vuheyi vwi zing'ano ziosi kandi iligirunganyia uvutumiki vwu mwima gwi liiva lie imiviri jaavo. Vaveeye ekelolero chu kwiganihizira avandu vosi, na vavikiywi havulavu vanyoore amageri gu uvusaliri vwu umuliru imihiga ni imihiga.

Likunula 1:7

Henza! Yazaa mu amalesi kandi avandu vosi valamulola, harara na yavo vosi avamwita. Avandu vosi vi lirova valakasiomere kuye kigira agavamukolera. Nindio galiva Amini.

Likunula 14:10

Ye umwene kandi alanwa iwaini yu vutima vwa Nyasaye imali kuzukwa mu kekombe vugira kuzuganywa nu uvutima vwa Nyasaye! Kandi alasalirizwa nu muliru gwi kibiriti imbiri wi zingelosi avatakatifu kandi imbiri wu Mwana wi Ligondi.

Likunula 14:13

Maku ndaahulira mwoyo kutura mwigulu nigovoora, “Ng'oda yaga: Vaveeye nu vugasu avakuzu vakuziraa mu Mwami kutura kalunu.” Yee, Roho avoora, “Vaduuki kosoosa kutura mu miyinzi jaavo. Kigira miyinzi jaavo jilondekanaa navo.”

Likunula 20:11

Ndaalora Nyasaye niyikaye kondeve enene indavu yu vwami. Ligulu ni lirova viagota imbiri weve; sivialoleka kandi mba.

Likunula 21:4

Aleeya vosi, amaliga kutura mu izimoni ziavo. Likuza sililava ho mba, kandi sihalava no ovovereri anoho lisioma nu uvuzunu mba. Ivindu viakale vimali kogotizwa.”

Likunula 22:16

Inzi, Yeso, mali kutuma engelosi wange aduuki kumulandizira ivindu yivi mu makanisa. Inzi mbeeye wi kisukururwi cha Daudi; mbeeye eng'ereng'ani.

Likunula 22:6

Maku engelosi yambolera, “Amakuva yaga gaveeye agiligali agukusuuvirwa. Mwami Nyasaye, ohezaa Roho weve ku avaporofeti umala kutuma engelosi weve kumanyia avatumikiri veve ivindu viduukana viekoleke vwangu.”

Likunula 22:9

Navuzwa yambolera, “Utakola ndio mba! Inzi mbeeye vuzwa umutumikiri wacho, harara na avamwavo vovo avaporofeti, harara na yavo valonda amakuva gi kitabu yiki. Sigamira Nyasaye!”

Likunula 6:11

Navo vahevwa vuli mulala inguvu yi ganza indavu kandi ni vavolerwa vasoose hakekeke kuduuka livaliza lia Vakrisitayo vache na avamwavo vaavo avenyekanaa viitwi iduuka, kuli yavo viitwa.