2 Vatesalonike 1:4 - KITABU KITAKATIFU

⁴ Kulwayago, kunyi aveene kwekonya kigira munyi avaveeye mu makanisa ga Nyasaye kigira uvwikuziri vwinyu; kandi lisuuvira lia muveeye nalio, mu lidambizwa lienyu liosi harara nu vusaliri vwa muzizagiliraa kwikuzira mu kazozo.

2 Vatesalonike 1:4 ပူးပေါင်းရင်းမြစ်များ

Varumi 12:12

Musangare mu lisuuvirizwa lienyu vuli kazozo. Muve aviikuziri mu lidambizwa. Muhongere ligali kusaala.

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

Varumi 8:25

Navuzwa niiva kohenzerera kindu cha kutalolaa, ahene yaho kukilindilira nu vwikuziri vwosi.

1 Vakorintho 7:17

Gaduukanaa vuli mundu amenye kolondekana ni kihanwa chu Mwami Yeso Kristo yamuha kandi kuli yaali lwa Nyasaye yamulanga. Yili nilio lilago liange lia nzigiza mu makanisa goosi.

2 Vakorintho 12:10

Sangala mu vodedekere, amanyego, uvudinyu, lidambizwa nu vudinyu vwosi kigira Kristo. Lwa inzi mbeeye umudedekere, nilwo lwa mbeeye ni zinguru.

2 Vakorintho 7:14

Inzi nzekonyaa imbiri wa Tito kigira munyi na simbeeye soni kigira munyi mba. Navuzwa kuli kwamuvolera ivindu viosi vieligali kazozo, kulwayago, liekonya lietu imbiri wa Tito liloleki kuva lieligali.

2 Vakorintho 7:4

Mbeeye nilisuvira linene ligali mu munyi. Mbeeye niliekonya linene ligali kigira munyi! Nzizuuyi kelemamwoyo ligali. Muvudinyu vwitu vwosi nzizuuyi uvusangari vonene ligali.

2 Vakorintho 9:2

Inzi manyi vulahi ndi muveeye nilienya kokoonya; kandi nzekonyaa kigira munyi ku vandu vaveeye mu Makedonia. Ndaavavoolera ndi, “Avaamitu va Akaya vaali nivetegeki kokoonya kutura muhiga gwaavita.” Uvugulu vwinyu vumali kuzuva vanyingi kuvo kuva nu mwoyo gwu kuhaana.

2 Vakorintho 9:4

Niiva vandu valala kutura Makedonia valaza harara ninzi, ma vanyoore nimutetegeki, sikulavoola kindu ku munyi mba. Kulava nizisoni kigira kwaali ni lisuuvira linene mu munyi.

1 Vatesalonike 1:3

Kumwizulizaa mu lisaala lietu ku Nyasaye wiitu kandi Baba kuli muviika lisuuvira lienyu mu vikolwa, kuli vuyanzi vwinyu vomukolaa kuyinzira vudinyu ligali kandi kuli lisuuvirizwa lienyu mu Mwami wiitu Yeso Kristo liveeye lidinyu ligali.

1 Vatesalonike 2:14

Avaamitu viitu, vindu vilala viele viekoleka ku munyi kuli viekoleka ku makanisa ga Nyasaye agaveeye mu Vuyuda, ku avandu vaveeye yo avaveeye va Kristo Yeso. Munyi kandi mwadambizwa lidambizwa lilala liere kutura ku vandu vi kivala chiinyu aveene, kuli vadambizwa kutura ku Vayuda;

1 Vatesalonike 2:19

Nivwaha oveeye lisuuvirizwa lietu anoho uvusangari vwitu, anoho itaji yu kwiyizominya imbiri wu Mwami Yeso mu liza lilie? Simuveeye ni munyi!

2 Vatesalonike 3:5

Mwami ayaanze yimiliri munyi kuduuka mu limanyiriza linene liu vuyanzi vwa Nyasaye kandi mu vwikuziri vuhaanwa na Kristo.

Vahebraina 10:36

Gamuduukira muve nu vwikuziri, kunangwa muduuki kokora uvulariri vwa Nyasaye, kandi munyore via Nyasaye amulagaa.

Vahebraina 6:12

Kunangwa sikwenyaa munyi muve vagata, navuzwa muve kuli yavo avasuuviraa kandi vaveeye viikuziri, kandi ndio vanyoore yivio via Nyasaye amali kusuuviriza.

Vahebraina 6:15

Aburahamu yaali mwikuziri, kandi ndio yanyoora icha Nyasaye yamusuuviriza.

Yakobo 5:11

Henza, kuvavalizaa kuva avuvugasu kigira viikuzira. Mwamala kuhulira amakuva gu vwikuziri vwa Ayubu, kandi mumanyi kuli Mwami yamukolera mu limalirika. Kigira Mwami yizuuyi zimbavasi kandi livererera.

2 Petro 1:6

kulimanya lienyu, mumeede ku ilielinda; ku lielinda lienyu mumeede ku liekuzira; na kuliekuzira lienyu, mumeede ku vunyasaye;

Likunula 14:12

Yivu nivwo uvwikuziri vwa vandu va Nyasaye avagumira amalago geege ni lisuuvira lia Yeso,