2 Vatesalonike 1:3 - KITABU KITAKATIFU

³ Avaamitu viitu, gakuduukiraa kusandizi Nyasaye ku kazozo kigira munyi. Gaveeye amalungi ku kunyi kokora ndio, kigira lisuuvira lienyu limedeka ligali. Kandi uvuyanzi vwu mundu sa mulala aveeye navwo ku wache vomedeka.

2 Vatesalonike 1:3 ပူးပေါင်းရင်းမြစ်များ

Ayubu 17:9

Navuzwa mundu mulungi sialikigatira muzinzira zizie mba, oyo oveeye mulahi alazizagilira kuva nizinguru.

Zaburi 84:7

Avandu yava lwa vavitira mu livona lia Baka, zinguru ziavo zimedekaa vuli kazozo, kandi valalola Nyasaye wa avanyasaye.

Zaburi 92:13

Vaveeye kuli misaala jasimikwa munyumba ya Yahova, jiviruka mu Litembeli lia Nyasaye wiitu.

Tsing'ano 4:18

Inzira ya valungi vagenda ku eveeye kuli litongaa lie liuva, enyooraa vulavu vuli ing'inga kuduuka lwu mbasu gwakaa.

Luka 15:32

Gaduukani kolombe lilia kandi kusangale, kigira amwavo woovo uyu yaali niyakuza, navuzwa kalunu aveeye mwoyo; yaali niyagota, navuzwa kalunu anyoleki.’ ”

Luka 17:5

Avatumwa vavoolera Mwami, “Lomba lisuuvira lietu live linene ligali kuvita!”

Yohana 15:2

Vuli lusia oloveeye ku inzi ulutamaa makuyu alalotema, kandi vuli lusia lwamaa makuyu, alaluhalulira kunangwa ludase kwama amakuyu manyingi ligali.

Varumi 1:8

Ndanga kusandiza Nyasaye wange kuvitira mu Yeso Kristo kigira munyi mwosi, avandu vanyingi mu lirova liosi vamali kuhulira amakuva gi lisuuvira lienyu.

1 Vakorintho 1:4

Sandizaa Nyasaye wange kazozo kigira zimbavasi ziamali kuhaana ku munyi kuvitira mu Kristo Yeso.

2 Vakorintho 10:15

Kunangwa, sikwekonyaa kigira miyinzi ja vandu vandi vamala kokora kuvita kegero cha Nyasaye yakuha mba. Navuzwa lisuuvirizwa lietu liveeye ndi, kuli lisuuvira lienyu linenehaa, lwako lwu vuyinziri vwitu hagati hinyu luduuki konenehizwa ligali kolondekana ne kegero cha Nyasaye yaviikaho.

Vafeso 5:20

Mwizominye kandi muhaane lisandiza kazozo ku Baba Nyasaye kigira vindu viosi mu lieta liu Mwami wiitu Yeso Kristo.

Vafilipi 1:7

Gaveeye malungi inzi kuganagana ndio ku munyi mwosi, kigira muveeye mu mwoyo gwange kazozo! Munyi mwosi muveeye avasangi harara ninzi mu zimbavasi zia Nyasaye yahaana ku inzi, lwa mbeeye muvuhambe kalunu, kandi ing'inga ya ndaali umuvoholore kosoola Ivangeri kandi kugidinyiriza ligali.

Vafilipi 1:9

Saalaa ndi uvuyanzi vwinyu vomeedeke ligali harara ni limanya liagiligali, kandi likalaga liduukiru,

1 Vatesalonike 3:12

Umwami amukole muyaanzane aveene naveene; kandi vuyanzi vwinyu vuduuki komeedeka ku vandu vosi.

1 Vatesalonike 3:6

Kalunu Timateo amali kuuza, kutura ku munyi na akovooleeye amakuva malahi gilisuuvira, novuyaanzi vwinyu. Amali kokovoolera kuli mwizulira kunyi kazozo, nu kwekomba kolola kunyi, kuli kunyi kandi kwegomba kolola munyi.

1 Vatesalonike 3:9

Kalunu kunyala kusandiza Nyasaye wiitu kigira munyi. Kumusandiza kigira vusangali vwa koveeye navwo imbiri wa Nyasaye wiitu kigira munyi.

1 Vatesalonike 4:1

Mu limaliriza, avaamitu, viitu, mwigi kutura ku kunyi kuli gamuduukira komenya kunangwa muduuki kuyaanziza Nyasaye. Nindio mwamenyangi kandi kalunu kumugoonya nu kumwiganihiza mu lieta liu Mwami Yeso mumeede kokora ndio ligali.

2 Vatesalonike 2:1

Kolondekana ni liza liu Mwami wiitu Yeso Kristo kandi ku liletwa harara lietu kuva naye: Ku mugoonyaa avaamitu, viitu,

2 Vatesalonike 2:13

Navuzwa gakuduukiraa kuhaana lisandiza ku Nyasaye kazozo kigira munyi, avaamitu, munyi avu Mwami ayaanza. Nyasaye yatovola munyi kutura ing'inga yukutanga mu nyoore ovohonyi mu litakaswa lia Roho nu mu lisuuvira agiligali.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

2 Petro 1:13

Ng'anagana, nivulahi inzi kumwizuliza amakuva yaga lwa ngikiri mwoyo.

2 Petro 3:18

Navuzwa muzizagiliri kuviruka mu zimbavasi novogeri vwu Mwami wiitu nu muhonyi Yeso Kristo. Uvukumi vove kuye, kalunu kandi mihiga ni mihiga! Amini.