2 Vatesalonike 1:11 - KITABU KITAKATIFU

¹¹ Kigira yaga, kumusaalira vuli kazozo. Nyasaye wiitu aduuki kumukola kuva avadukiru mu livamwoyo lia yamulangira komenye. Nyasaye ayaanze atwekizi lienya lienyu liu vulahi, kandi atwekizi miyinzi josi ji lisuuvira.

2 Vatesalonike 1:11 ပူးပေါင်းရင်းမြစ်များ

Zaburi 138:8

Ivi ulakola vindu viosi via umali kusuuviriza; O, Yahova, uvuyanzi vuvwo. Vuhindiraa mihiga ni mihiga. Maliriza miyinzi ja umali kutanga kokora.

Zaburi 48:14

“Nyasaye uyu aveeye Nyasaye wiitu mihiga ni mihiga; alakwimilira ku zing'inga ziosi izizaa.”

Zaburi 51:18

O, Nyasaye, Ove mulahi ku Ziyoni na ulikoonye. Wumbake vuhia zimbavasi zie lidaala linene lia Jerusalemi.

Zaburi 68:20

Nyasaye wiitu aveeye Nyasaye ohonyia, aveeye Yahova, mwami wiitu, okohonyiaa kunyi kutura mu likuza.

Tsing'ano 4:18

Inzira ya valungi vagenda ku eveeye kuli litongaa lie liuva, enyooraa vulavu vuli ing'inga kuduuka lwu mbasu gwakaa.

Isaya 25:9

Lwi lidiku yilio liduka, avandu vosi valakavoole, “Uyu niyie Nyasaye wiitu! Kumali kuviika lisuuvira lietu muye, kandi umali kokosola. Aveeye Yahova, kandi kwamala kuviika lisuuvira lietu muye, kandi kalunu koveeye nuvuyanzi kandi nuvusangali ligali kigira umali kukohonyia.”

Isaya 55:7

Avadamanu valeke zinzira ziavo zindamanu. Avandu vachamu valeke zing'anagani ziavo ziuvuchamu viirane ku Yahova Nyasaye wiitu kigira aveeye wi zimbavasi vavererera; kandi aveeye mwangu kusaamiha.

Isaya 66:9

Mutaganagana ndi ndakora avandu vange vaduuki ku ing'inga yi liivulwa ma mbaleke vavuli kwivulwa mba.” Yahova umali kovora.

Danyeli 3:17

Niiva Nyasaye wakusaala aveeye nu vunyali kokohonyia kutura mu kisambiru cho lomemo lwu muliru kandi kutura ku vunyali vuvwo, maku alakola ndio.

Hosea 6:3

Gendi kwenyelerizi kumanya Yahova. Alaza kukunyi kuli iliuva litongaa mugambazuri, kandi kuli imbura yu lunyilira kandi kuli imbura yi ing'inga yi lisembera ikubaa ku lirova.”

Zekaria 4:7

Uvudinyu voveeye kuli kiguru kenene, vulagota kutura imbiri woovo. Ulumbaka vuhia Litembeli na lwa uva nuviika ligina lio kumalirika mu vogono yivwo, avandu valahanzuka nokovoora nu mwoyo munene, ‘Vulahi ligali, vulahi ligali!’ ”

Marko 4:28

Lirova liene livirukizaa ivitaagwa kandi lilomba amakuyu kwama; kutanga komera, kuviruka, lwu kumaliriza, kwama vuswage.

Luka 12:32

“Mutatia, munyi ichayo change kekekeeke! Baba winyu uyanziziywi kumuha Uvwami yivwo.

Varumi 1:9

Nyasaye wa inzi ndumikiraa numwoyo gwange gwosi mu Iilwaza Ivangeri yu Mwana weve, aveeye mulolekizi wange ku gambolaa kigira gaveeye giligali. Nyasaye amanyi vulahi ndi inzi nzizuliza munyi vuli kazozo.

Varumi 11:29

Nyasaye namali kugasiza avandu ni vihaanwa kandi namali kuvalanga, si agirung'anaa mu zing'anagani zizie kandi mba.

Varumi 15:14

Avaamitu vange, mbeeye ni lisuuvira ndi munyi kandi mwizuyi uvulahi vwosi kandi, muveeye ni limanya liosi; kandi munyala kwigizana aveene naveene.

Varumi 8:30

Kunangwa yavo ava Nyasaye yaahula, yavalanga; navo avayalanga, yavakola vave avalungi harara naye, kandi yaasanga uvukumi vwivwe harara navo.

1 Vakorintho 1:8

Oyo alamudinyiriza muve ni zinguru mu lisuuvira kuduuka ku keheri, muduuki konyooleka vugira imbara ku Lidiku lie likalagirwa liu Mwami wiitu Yeso Kristo.

Vafeso 1:16

sindaaleka, kuhaana lisaandiza ku Nyasaye kigira munyi mba. Nzizuliza munyi no kumutala mu lisaala liange kazozo.

Vafeso 1:5

Nyasaye yaali niyamala kukalaga ndi kuvitira mu Yeso Kristo kunyi kuduuki kuvugilirwa kuva avana veve. Yili liali kandi lienya lilie.

Vafeso 1:9

Nyasaye yakuvuulira agaviswa guvulaliri vwivwe, kolondekana ni lilohiza lilie lilahi lia ya saaviraa kokora kuvitira mu Kristo.

Vafilipi 1:6

Mbeeye ni lisuuvira ligali ndi Nyasaye watanga miyinzi milahi yiji mu munyi, alazizagilira najo kuduuka ajitwekizi ku Lidiku lia Kristo Yeso.

Vafilipi 2:13

Nyasaye akolaa imiyinzi mu munyi kazozo kumukola muduuki kuvugilira kandi kuhulira uvulariri vwivwe umwene.

Vafilipi 3:14

Kunangwa inzi nyagura zimbiru vulungi kuduuka ahukutwekizira no okonyora itaji yi liguuta eveeye lilangwa lia Nyasaye kuvitira mu Kristo Yeso, kuduuka ku livamwoyo lie igulu.

1 Vatesalonike 1:3

Kumwizulizaa mu lisaala lietu ku Nyasaye wiitu kandi Baba kuli muviika lisuuvira lienyu mu vikolwa, kuli vuyanzi vwinyu vomukolaa kuyinzira vudinyu ligali kandi kuli lisuuvirizwa lienyu mu Mwami wiitu Yeso Kristo liveeye lidinyu ligali.

2 Vatesalonike 1:5

Yaga goosi gamanyia ndi likalaga lia Nyasaye liveeye lirungi, na munyi mulavalizwa kuva avaduukani konyoora vwami vwivwe uvugira nimunyoola likubizwa kivi.

2 Vatesalonike 2:14

Nyasaye yamulanga kuvitira mu Ivangeri ya kwamwilwazira. Yamulanga muduuki konyoora vukumi vwu Mwami wiitu Yeso Kristo.

Vahebraina 12:2

Gendi kohenze ku Yeso mutangizi kandi muduukizi wilisuuvira lietu, kutura mu litanga kuduuka ku keheri; kigira uvusangari vwali nivuvikiywi imbiri weve, yikuzira ku musalaba, nachaya zisoni zie likuza na yikaye ha mukono mulungi gwendeve yu vwami vwa Nyasaye.

Vahebraina 3:1

Kunangwa, avaamitu vange vatakatifu, avilisanga mu lilangwa lia Nyasaye, muviiki zing'anagani zienyu ku Yeso, wa Nyasaye yatuma kuva Musaalisi Munene wilisuuvira lia kulandizaa.

1 Petro 5:10

Navuzwa ni mwakasalira hakekeke, Nyasaye wi zimbavasi ziosi, uwalanga munyi kusanga mu vukumi vwivwe vwi mihiga ni mihiga mu Kristo, alamukola muve vaduukiru kandi alamudinyiriza nu kumuviika zinguru kandi ku musingi mudinyu.

Likunula 3:4

Navuzwa oveeye na amita ga avandu vakekeeke mu Saride, avavura kokora vwoni. Mulakagende harara ninzi ni mwiviki izinguvu izindavu, kigira muduukani.

Likunula 5:10

Ivi umali kuvakola vave vami kandi avasaalisi kutumikira Nyasaye wiitu, kandi valamiha ku lirova.”