2 Vakorintho 9:7 - KITABU KITAKATIFU

⁷ Mundu sa mulala, gamudukira ahaane kuli amali kotovola mu mwoyo vugira kuhayahaya anoho kunigwa, kigira Nyasaye ayaanza mundu uhaanaa nu vusangali.

2 Vakorintho 9:7 ပူးပေါင်းရင်းမြစ်များ

1 Kyetsinyinga 29:17

Inzi manya, O, Nyasaye wange, ivi ugerizaa mwoyo gwa vuli mundu na uyanzizwa na avandu vu vulungi nu vusuuvirifu. Na mu vulungi nu vusuuvirifu vwange, mali kuhaana vindu yivi viosi ku ivi, kandi mali kolola kuli avandu vovo avamali kuvunga hano vayanzi koleta vihaanwa viavo ku ivi nu mwoyo gwosi.

1 Kyetsinyinga 29:9

Avandu vaali nu vuyanzi vonene ligali kigira vaali nivamali kuhaana kuli valalira. Mwami Daudi naye kandi yayanza ligali.

Kutwula 25:2

“Volera avandu va Isiraeli vanombere kihanwa. Muvuguli vihaanwa viosi viu mundu ayaanza kuhaana.

Kutwula 35:5

Mulombe kihanwa ku Yahova. Mundu woosi oveeye nu mwoyo gwukuyaanza kuhaana, aleete kihanwa chizahabu, ifeza nu mugasa;

Tsing'ano 11:25

Ove muhaani na ulameedwa, okonye avandi, naive ulakonywa.

Tsing'ano 22:9

Mundu oveeye muhaani alagasizwa kigira ahaanaa viukulia vivie ku vadaka.

Isaya 32:5

Vandu vasiru si valaganaganwa kuva vu luyali mba, anoho mundu mudamanu sialavoorwa kuva musuvirifu mba.

Isaya 32:8

Navuzwa mundu wuluyali akolaa vindu nu vusuuvirifu, kandi aveeye muduukiru mu vindu viu vulungi.

Vikolwa 20:35

Inzi mali kumumanyia mu zinzira ziosi ndi, ku liyinzira vudinyu, gakuduukiraa kokoonye avadedekere, nikwizuliza amakuva gu Mwami Yeso mwene yavoola, ‘Lihaana liveeye nu vugasu kuvita livugula.’ ”

Varumi 12:8

Niiva ni kihanwa chu kuzuva avandi kuduuka kokole ndio. Niiva koveeye ni kihanwa chu vwihaani kokoonya avandi, kuduuka kokole ndio nu mwoyo gwosi. Niiva nuvwimiliri, leki kwamiihi novogeri. Niiva nukuva ni zimbavasi, leki kokole zimbavasi nuvusangali vwosi.

2 Vakorintho 8:12

Niiva mundu aveeye nilienya kuhaana, Nyasaye avugiliraa kihanwa chiche kolondekana ne kegero chanyala kuhaana; sianyala kuhaana chataveeye nacho mba.

Kwidzulitsa 15:14

Mumuhe nu vuhaani vwosi kutura ku via Yahova amli kumugasiza navio; chayo cha magondi, viamo viu vuswage kandi iwaini.

Filemona 1:14

Navuzwa sinyenyaa kokora ikindu choosi vugira livugilira liilio mba. Sinyenyaa kukuniga ku ongonye mba, kigira uvulahi vuvwo kuduuka vutuli ku liyaanza liilio mwene navuzwa sigaveeye kigira linigwa mba.

Yakobo 5:9

Avaamitu vange, mutililira nokomonyana aveene ku vene, kunangwa Nyasaye avuli kumukalagira. Mukalagi aveeye ahimbi, yetegeki kwingira.

1 Petro 4:9

Mugenihizane aveene naveene vugira kwigana.