2 Vakorintho 9:5 - KITABU KITAKATIFU

⁵ Kunangwa ndaganagana ndi vwakaveeye vulahi koteeva avaamitu yava vatange kuuza ku munyi imbiri wange, vaduuki kwetegekiza imbiri kihaanwa chiinyu kenene cha mwalaga mulahaana. Kihanwa yiki kitava kuli cha muhaanaa ku linigwa, navuzwa kuli cha muveeye ni lienya kuhaana.

2 Vakorintho 9:5 ပူးပေါင်းရင်းမြစ်များ

Litanga 33:11

Mwaza vugilira kihanwa cha inzi mali kokoletera. Nyasaye yaali ni zimbavasi ku inzi ni yamba vuli kindu choosi cha ndeenya.” Yakobo yaazizagilira kumugonya kuduuki navugilira.

2 Avami 5:15

Naamani na vandu veve vosi virana ku muporofeti Elisha. Yavoola, “Kalunu ndakamanya ndi sihali ho na nyasaye wundi navuzwa Nyasaye wa Isiraeli yeng'ine. Kunangwa, mwaza, yaanza vugilira kihanwa chu kuyanziza kutura ku inzi mutumikiri woovo.”

1 Vakorintho 16:2

Vuli Jumapili umundu sa mulala aviiki halovega mabese kutura ku linyola lilie kunangwa lisolora livuli kuvaho lwa nziza yaho.

2 Vakorintho 8:6

Kigira gene yago, kwagoonya Tito waali naatangi imiyinzi yijo mumunyi azizagiliri najo ligali, kandi amukonye kutwekiza vutumiki vwu vuyanzi yivu.

2 Vakorintho 9:3

Kalunu nduma avaamitu yava, kunangwa liekonya lietu kigira munyi mu makuva yaga livuli kuva lia vuzwa. Navuzwa kuli ndaali nimboye, mwetegeke ligali no vokonyi vwinyu.

2 Vakorintho 9:6

Mwizurizi ndi, mundu utaagaa vumwu vokekeeke agesaa vikekeeke; mundu utaagaa vumwu vunyingi agesaa vinyingi.

Vafilipi 4:17

Sigaveeye nyenya vuzwa konyoora ivihaanwa, navuzwa nyenya kolola ivikolwa ivilahi nivimedekaa ku ga mumali.

Vakalagi 1:15

Achisa yamuvolera, “Nyenya ombe uvugasu; kigira waimba umulimi mwumu isavaalu, ulamba kandi ivisinukiru via mazi.” Kunangwa Kalebu yamuha ivisinukiru vieluhia kandi viendangu.

1 Samweli 25:27

Mwaza, mwami wange, vugilira kihanwa yiki cha inzi mali kukoleetera, na ukihaane ku vandu vasaza vovo.

1 Samweli 30:26

Lwa Daudi yirana mu lidaala lia Zikilaga, yatuma kidieli kilala chi vilaanye via yanyoora ku avalina veve, aviimiliri vi Ivuyuda, na makuva, “Ngiki kihanwa ku munyi kutura ku vilaanye via kwavugula kutura ku vasigu va Yahova.”