2 Vakorintho 9:2 - KITABU KITAKATIFU

² Inzi manyi vulahi ndi muveeye nilienya kokoonya; kandi nzekonyaa kigira munyi ku vandu vaveeye mu Makedonia. Ndaavavoolera ndi, “Avaamitu va Akaya vaali nivetegeki kokoonya kutura muhiga gwaavita.” Uvugulu vwinyu vumali kuzuva vanyingi kuvo kuva nu mwoyo gwu kuhaana.

2 Vakorintho 9:2 ပူးပေါင်းရင်းမြစ်များ

Vikolwa 18:12

Navuzwa ing'inga ya Galio yaali mwamihi wa Akaya, Avayuda vingilira Paolo nu mwoyo mulala nivamuhila mu kiyaalo chi likalaga.

Vikolwa 24:17

“Inyima wokomenya ihale kutura Jerusalemi ku ing'inga indambi, ndirana yo nimbilana ovokonyi vwa mabese ku avandu vi ihiiri yange kandi kuhaana visiuviliru ku Nyasaye.

Varumi 15:26

Makanisa gaveeye mu Makedonia na Akaya gayaanzi kuhaana kihanwa chavo kokoonya avadaka hagati ha vatakatifu vamenyi mu Jerusalemi.

1 Vakorintho 16:15

Kalunu, avaamitu vange, mumanyi vulahi ndi vandu vinyumba ya Sitefano vaali avandu vukutanga ligali konyoora lisuuvira lie Kikristayo mu Akaya, na vayituliza kutumikira vandu va Nyasaye.

2 Vakorintho 1:1

Inzi Paolo, mutumwa wa Kristo Yeso mu vulaliri vwa Nyasaye, na amiitu wiitu Timateo, kong'oderaa munyi likanisa lia Nyasaye mu Korinzo, kandi ku Vakrisitayo vosi avaveeye mu kivala choosi cha Akaya.

2 Vakorintho 7:14

Inzi nzekonyaa imbiri wa Tito kigira munyi na simbeeye soni kigira munyi mba. Navuzwa kuli kwamuvolera ivindu viosi vieligali kazozo, kulwayago, liekonya lietu imbiri wa Tito liloleki kuva lieligali.

2 Vakorintho 7:4

Mbeeye nilisuvira linene ligali mu munyi. Mbeeye niliekonya linene ligali kigira munyi! Nzizuuyi kelemamwoyo ligali. Muvudinyu vwitu vwosi nzizuuyi uvusangari vonene ligali.

2 Vakorintho 8:10

Zing'anagani ziange ziveeye ndi ni vulahi munyi mu malirizi agamwatanga kokora muhiga gwaavita. Munyi mwaali avimbiri, sigali ku likora vuzwa, navuzwa kuva kandi nilienya kokora.

2 Vakorintho 8:11

Kalunu gamudukira mumalirizi miyinzi yiji. Kuli mwaali nilienya lio kokoonya, gaduukanaa mukore zinguru kuli ndio. Mumalirizi kolondekana nu vuduukiru vwa muveeye navwo.

2 Vakorintho 8:19

Komeeda ku yago kandi, amali kotovolwa na makanisa kuzia harara ni kunyi lwa nakuhili kihanwa chu Vukristayo yiki. Kigira vukumi vwu Mwami, vuduuki kumanyikana ndi kwenyaa kokoonye.

2 Vakorintho 8:24

Muvamanyie vuyanzi vwinyu vudukiru kunangwa amakanisa goosi gaduuki kusuuvira; kandi kumanya ndi liekonya liange kigira munyi liveeye lieligali.

2 Vakorintho 8:8

Simuhezaa malago mba, navuzwa nyenya kuvamanyia kuli vandi vaveeye nu vugulu vwo kokoonya vandu vandi. Ngerizaa kumanyia agiligali gu vuyanzi vwinyu kuli voveeye.

1 Vatesalonike 1:7

Munyi mwamanya ni muva kelolero ku vandu avasuuviraa vosi mu Makedonia na Akaya.

Vahebraina 10:24

Kandi leki kwehenderanili mioyo aveene naveene kandi mukokonyane aveene naveene muduuki kuyaanzana kandi kokora miyinzi milahi.