2 Vakorintho 9:15 - KITABU KITAKATIFU

¹⁵ Gendi kusandizi Nyasaye kigira kihaanwa chiche kitaveeye ne kegero.

2 Vakorintho 9:15 ပူးပေါင်းရင်းမြစ်များ

1 Kyetsinyinga 16:35

Mu muvoolere, “Okohonyie, O, Nyasaye muhonyi witu; ukuvungize harara, ma okohonyie kutura ku zihiiri ziosi, kunangwa kuduuki kusandiza nu kwizominya lieta liilio litakatifu.”

1 Kyetsinyinga 16:8

O, haana lisandiza ku Yahova, landiza lieta lilie linene; vooleli zihiiri ziosi goosi agaamali kokora.

Zaburi 30:12

Kunangwa, sindakiring'ana mba. Ndakimbi zinyimbu zie lizominya ku ivi. O, Yahova, Ivi oveeye Nyasaye wange, ndakusandiza mihiga ni mihiga.

Zaburi 30:4

Mwimbiri Yahova zinyimbu zie lizominywa, O, munyi mwosi avasuuvirifu veve; mwizurizi aga uyu Mutakatifu amali kokora na mumusandize!

Zaburi 92:1

O, Yahova, voveeye vulahi ligali kuhaana lisandiza ku ivi, ukwimbira ivi zinyimbu zie lizominywa O, Nyasaye Oveeye Igulu Ligali

Isaya 49:6

Yahova yambolera, “Mbeeye ni miyinzi minene ku ivi, mutumikiri wange. Sigaveeye nu kwilanyia avandu va Isiraeli avatigara mba, navuzwa ndakokola kandi ove kuli uvulavu ku zihiiri ziosi, kunangwa avandu vosi ku lirova vaduuki kohona.”

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Luka 2:14

“Uvukumi voveeye igulu mwigulu ku Nyasaye, ni mirembe mu kivala ku avandu ava ya yaanza!”

Luka 2:38

Ing'inga yene yeyo, yingira mu Litembeli nasandiza Nyasaye, navoora agu mwana oyo ku avandu vosi, avaari nivalindilira ovohonyi vwa Jerusalemi.

Yohana 1:16

Kuturana kuvudukiru vwi zimbavasi zizie, umali kukugasiza kwosi, naakohezaa ligasizwa kazozo.

Yohana 3:16

Nyasaye yayanza avandu vu mu kivala, kali nahaana Mwana weve umuderwa, kunangwa ku vosi umusuuvira atadiva mba, navuzwa aduuki kuva ni livamwoyo ilitahera mba.

Varumi 5:15

Navuzwa viviri yivi siviveeye vilala viere, kigira kihanwa cha Nyasaye yahaana vuzwa sikeveeye kuli vwoni vwa Adamu mba. Gaveeye giligali avandu vanyingi vakuza kigira vwoni vwu mundu mulala oyo. Navuzwa zimbavasi zia Nyasaye ziveeye zinene kuvita, kandi, kihanwa chiche cha vuzwa ku vandu vanyingi kuvitira mu zimbavasi ziu mundu mulala uyu, Yeso Kristo.

Varumi 6:23

Madanyi gu uvwoni ni likuza, navuzwa kihanwa cha Nyasaye chavuzwa keveeye livamwoyo litahera mba, mu Kristo Yeso, Mwami wiitu.

Varumi 8:32

Nyasaye siyigalira Mwana weve mwene muderwa, navuzwa yamuhaana kuli kisiuviriru kigira kunyi kwosi. Niiva yakola ndio, sialakuha ivindu viosi harara naye?

1 Vakorintho 15:57

Navuzwa lisandiza live ku Nyasaye okohezaa liguuta kuvitira mu Mwami wiitu Yeso Kristo.

2 Vakorintho 2:14

Navuzwa, lisandiza live ku Nyasaye ukwimilira kazozo mu logendo lwi liguuta mu Kristo. Nyasaye akutumikiraa kulandiza limanya agiligali ga Kristo havundu hoosi kuli umwayu mulahi.

2 Vakorintho 9:11

Nyasaye alamukola kuva vatugi ku vindu viosi muduuki kuva vahaani zing'inga ziosi, kunangwa vanyingi vaduuki kusandiza Nyasaye kigira vihaanwa vienyu via mwanyoola kutura ku kunyi.

2 Vakorintho 9:14

Kunangwa, harara nu vuyanzi vonene vwu mu mwoyo, valamusaavira, kigira zimbavasi ziokogenyia zia Nyasaye amali kumuha.

Vafeso 5:20

Mwizominye kandi muhaane lisandiza kazozo ku Baba Nyasaye kigira vindu viosi mu lieta liu Mwami wiitu Yeso Kristo.

Yakobo 1:17

Vuli kihanwa kilahi kandi vuli kihanwa kidukiru kitulaa mwigulu; chikaa hasi kutura ku Nyasaye, umulombi wu vulavu vwu mwigulu, utagirung'anywa anoho koleta ikisundi ligirung'ana.

Likunula 4:9

Vuli ing'inga, ivilombe vine viveeye mwoyo zana yivio viambaa zinyimbu ziu kuhaana uvukumi, luyali ni lisandiza ku uyu uwikala ku Endeve yu vwami; omenya mihiga ni mihiga.