2 Vakorintho 9:13 - KITABU KITAKATIFU

¹³ Kigira mativuli gu vutumiki vwinyu yivu, avanyingi valakuminya Nyasaye kigira lihulira lienyu liu kwiyama Ivangeri ya Kristo kandi kigira uvuhaani vwinyu kuvo nu ku vandu vandi vosi.

2 Vakorintho 9:13 ပူးပေါင်းရင်းမြစ်များ

Zaburi 50:23

Lwa muhaanaa lisandiza ku inzi, gaveeye kuli muhanaa visiuvilu viu kuhaana luyali ku inzi, na mulikola ndio, ligali ndahonya yavo vosi avambuliraa.”

Matayo 5:16

Munzira ndala nzere, kuduuka uvulavu vwinyu vumuliki imbiri wa avandu kunangwa vaduuki kolola miyinzi jinyu milahi, ma vizominyi Baba winyu oveeye mwigulu.

Matayo 9:8

Lwi kiduma kenene cha avandu valora yaga, vagenya, nivatia ligali; ni vaakuminya Nyasaye uwahaana ku avandu zinguru kuli yizi.

Luka 6:46

“Kigira ki munyi mulangaa inzi, ‘Mwami, Mwami,’ navuzwa simukola agamuvoolera mba?

Yohana 15:8

Vukumi vwa Baba wange vumanyiangwa ku liama makuyu lienyu, kandi munzira yiyi mugwizaa aviigi vange.

Vikolwa 11:18

Lwa vahulira yaga, valeka amahangari gaavo, ni vizominya Nyasaye, vavoola, “Nyasaye umali kuhaana ku vandu vi Zihiiri zindi vwiyangu vwu kwiganira no konyoora livamwoyo!”

Vikolwa 4:21

Kunangwa, avakulundu vi kiyaalo vavatihiza nukuviganihiza vudinyu, mani vavalakuula. Valora ndi nivudinyu ligali kuvaha amageri, kigira avandu vosi vaali ni vizominyaa Nyasaye kigira kekolwa yicho.

Varumi 10:16

Navuzwa sivaveeye vosi, avavugiliraa makuva malahi yaga mba. Isaya mwene yavoola, “Mwami, nivwaha umali kusuuvira makuva giitu?”

Varumi 12:8

Niiva ni kihanwa chu kuzuva avandi kuduuka kokole ndio. Niiva koveeye ni kihanwa chu vwihaani kokoonya avandi, kuduuka kokole ndio nu mwoyo gwosi. Niiva nuvwimiliri, leki kwamiihi novogeri. Niiva nukuva ni zimbavasi, leki kokole zimbavasi nuvusangali vwosi.

Varumi 15:31

Musaale ndi inzi nduuki kukingwa kutura ku yava avatasuuvira, avaveeye mu Vuyuda, kandi uvutumiki vwange mu Jerusalemi vuduuki kuvugilirwa na vatakatifu vaveeye yo.

Varumi 16:26

Navuzwa kalunu agiligali yago galolekiziywi kuvitira mu Mang'oda ga vaporofeti, kandi mu Lilaga lia Nyasaye wi mihiga ni mihiga kunangwa, gamanyikane ku zihiiri ziosi, vosi vaduuki kusuuvira nu kutia.

2 Vakorintho 10:5

Kwononyia amahangari kandi chukwikigitaliza chukwekonyera ku choosi chaviikwaho kuhing'ana ni limanya lia Nyasaye, kandi kuvugura zing'anagani ziosi nu kuzikola kutia Kristo.

2 Vakorintho 2:12

Lwa ndaaduuka mu Turoasi kwilwaza Ivangeri kigira Kristo, ndaadegela ndi Mwami yaali niyiguuyi ikiliango chi miyinzi wene yeyo.

2 Vakorintho 8:4

Vaakogoonya nu mwoyo gwosi ligali nivenya vahevwe vwiyangu vwu kusanga mu vutumiki vwi likonya vandu va Nyasaye vaveeye mu Vuyuda.

2 Vakorintho 9:14

Kunangwa, harara nu vuyanzi vonene vwu mu mwoyo, valamusaavira, kigira zimbavasi ziokogenyia zia Nyasaye amali kumuha.

Vagalatia 1:24

Maku vaakuminya Nyasaye kigira inzi.

Vahebraina 10:23

Gendi kugumiri vudinyu lisuuvira lietu vugira lihayahaya, kigira Nyasaye walomba lilagana yili aveeye musuuvirifu.

Vahebraina 13:16

Mutivilira kokora vulahi kandi kokonyana aveene naveene, kigira yivi nivio visiuviliru viyanziza Nyasaye.

Vahebraina 3:1

Kunangwa, avaamitu vange vatakatifu, avilisanga mu lilangwa lia Nyasaye, muviiki zing'anagani zienyu ku Yeso, wa Nyasaye yatuma kuva Musaalisi Munene wilisuuvira lia kulandizaa.

Vahebraina 4:14

Maku gendi kugumiri vudinyu ligali lieyama lisuuvira lietu lia kovora koveeye nu Musaalisi Munene ligali umali kuzia kuduuka mwigulu imbiri wa Nyasaye naye ni, Yeso Mwana wa Nyasaye.

Vahebraina 5:9

Lwa yakolwa muduukiru, yagwa uvutangiliru vwo vohonyi vwi mihiga ni mihiga ku yavo vosi avamuhulira nukumutia.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

1 Petro 4:11

Mundu woosi naava niyilwaza, gamudukira yilwaaze likuva lia Nyasaye amali kumuha; uyu utumikaa, atumiki mu zinguru zia Nyasaye amuhezaa. Kunangwa mu vindu viosi, Nyasaye aduuki kwizominyirwa kuvitira mu Yeso Kristo, udukana anyoore uvukumi kandi zinguru mihiga ni mihiga. Amini.

Ruth 2:19

Naomi yamuteeva, “Odooye hayi vuswage yivu lero? Uyinziyi mu mulimi gwa vwaha? Nyasaye agaasizi mundu umanyi naava mulahi ku ivi.” Kunangwa Ruzi yavulira navizara weve lieta liu mundu wa yakola miyinzi mu mulimi gwigwe, navoora, “Mundu waangoli naye miyinzi alangangwa Boazi.”