2 Vakorintho 9:11 - KITABU KITAKATIFU

¹¹ Nyasaye alamukola kuva vatugi ku vindu viosi muduuki kuva vahaani zing'inga ziosi, kunangwa vanyingi vaduuki kusandiza Nyasaye kigira vihaanwa vienyu via mwanyoola kutura ku kunyi.

2 Vakorintho 9:11 ပူးပေါင်းရင်းမြစ်များ

2 Kyetsinyinga 31:10

na Azaria musaalisi munene kutura mu kisukururwi cha Zadoku yavoola, “Kutura lwa vandu vatanga koleta vihaanwa viavo mu Litembeli lia Yahova, kwalia vinyingi, kandi viatigala vinyingi kigira Yahova yagasiza avandu veve, kulwayago, viatigala vinyingi ligali.”

Matayo 20:15

Sivoveeye vulahi inzi ngole kuli nyanza ku vindu viange? Anoho ongendekeraa kigira inzi mbeeye umuhaani mulahi?’ ”

Matayo 25:17

Munzira ndala nzere, umutumikiri wahevwa zitalenta ziviri yanyoora vukala zitalenta zindi ziviri.

Varumi 12:8

Niiva ni kihanwa chu kuzuva avandi kuduuka kokole ndio. Niiva koveeye ni kihanwa chu vwihaani kokoonya avandi, kuduuka kokole ndio nu mwoyo gwosi. Niiva nuvwimiliri, leki kwamiihi novogeri. Niiva nukuva ni zimbavasi, leki kokole zimbavasi nuvusangali vwosi.

1 Vakorintho 1:5

Kigira mu lihambanywa harara na Kristo, mumali kokolwa avatugi mu vindu viosi mu limoloma liosi kandi mu limanya liosi.

2 Vakorintho 1:11

kuli munyi mukokonyaa kandi munzira ya masaala ginyu kigira kunyi. Galava ndi, amasaala manyingi kigira kunyi galanyoola mativuli, kandi Nyasaye alagasiza kunyi; kandi vanyingi vizominyaa Nyasaye mu lisandiza kigira kunyi.

2 Vakorintho 4:15

Yaga goosi gaveeye kigira munyi; kandi kuli zimbavasi zia Nyasaye zilandaa ku vandu vanyingi kandi avandu yavo valameeda lisaala linyingi lie lisandiza kigira vukumi vwa Nyasaye.

2 Vakorintho 8:16

Navuzwa lisandiza live ku Nyasaye wavika mu Tito umwoyo gwu vugulu yigwo kuli gwa kunyi koveeye nagwo gwu kuvakonya!

2 Vakorintho 8:19

Komeeda ku yago kandi, amali kotovolwa na makanisa kuzia harara ni kunyi lwa nakuhili kihanwa chu Vukristayo yiki. Kigira vukumi vwu Mwami, vuduuki kumanyikana ndi kwenyaa kokoonye.

2 Vakorintho 9:12

Likora miyinzi milahi yiji sililakoonya vudaka vwa vatakatifu venyine mba, navuzwa lilalomba kandi vandu vanyingi kusandiza Nyasaye mu lizominya.