2 Vakorintho 8:9 - KITABU KITAKATIFU

⁹ Munyi mumanya zimbavasi ziu Mwami wiitu Yeso Kristo. Kali niyaali mutugi, yekola kuva mudaka kigira munyi. Na kigira uvudaka vwivwe, munyi muduuki kuva avatugi.

2 Vakorintho 8:9 ပူးပေါင်းရင်းမြစ်များ

Isaya 53:2

Vwali uvulariri vwa Yahova ndi umutumikiri weve aduuki kuviruka kuli kitagwa kedoto ikihilaa imiri hasi mu kivala chumu. Siyaali nuvukumi anoho ligondo lilahi, okokora kunyi kumukayirwi mba. Sichali ho ni kindu kuye chukuyaanziza, sichali ho ni kindu ichakakungusi kunyi kuye mba.

Isaya 62:1

Inzi si ndachiring'ana kigira avandu va Ziyoni mba, kandi si ndasosa kigira Jerusalemi mba; kuduuka uvulungi vwivwe vong'ereng'ane kuli uvulavu vwa mugambazuri, kandi ovohonyi vwivwe vove kuli itaya yaka mu vudiku.

Isaya 65:8

Yahova avoora, “Siaveeye ho mundu wononyia amazabibu malahi mba; navuzwa alombaa iwaini kutura kugo. Inzi si ndakononyie avandu vange mba, navuzwa ndakahonyie avatumikiraa inzi.

Matayo 17:27

Navuzwa, kigira sikwenyaa kwikigitariza avandu yavo, zia ku inyanza ulimbiki izisuzi; uvuguli isuzi itangaa kugumirwa, ukunuli munwa gwayo, na ulanyora mu mabese gadukanaa kutunga uvusuru vwi Litembeli. Vugula agene yago uzie kutunga uvusuru vwitu.”

Matayo 20:28

kuli Umwana wa Adamu, siyaaza kutumikirwa, navuzwa kutumika nu kuhaana livamwoyo lilie kohonyia avandu vanyingi.”

Matayo 8:20

Yeso yamutivulira, “Vivwi viveeye ni zimbangaywa, na amanyonyi gaveeye ni zinyumba ziago, navuzwa Umwana wa Adamu siaveeye na ahokososera mba.”

Marko 6:3

Uyu siaveeye umuvazi, umwana wa Maria, amwavo Yakobo, Jose, Yuda na Simoni? Avavozo veve si vamenya hano harara ni kunyi?” Na vamusuura.

Luka 16:11

Kunangwa, niiva munyi simuveeye avasuuvirifu mu vutugi vwu vugadi vwi lirova yili; nivwaha ulimuha kulinda uvutugi voveeye vwi ligali?

Luka 2:7

Maria yivula mwana weve muyaayi wimbiri naamulingira mu zinguvu ziu mwana, namwaliriza ku mulinga gwi zing'ombe ziliiraa ku, kigira sivanyoola ovogono munyumba yavageni mba.

Luka 8:3

na Joana mukali wa Chuza, uwaali mulindi munene wuvutugi vwi inyumba yoosi ya Herodi, Susana kandi vandi avanyingi. Avakali yava vatumikira linyola liavo okokoonya Yeso harara na aviigi veve ku viukulia.

Luka 9:58

Yeso yamutivulira, “Vivwi viveeye ni zimbangaywa, namanyonyi gigulu gaveeye ni zinyumba ziago, navuzwa Mwana wa Adamu siaveeye na hokososera mba.”

Yohana 1:10

Likuva liali mu lirova, kandi muye Nyasaye yalomba lirova, navuzwa lirova, siliamumanya mba.

Yohana 1:14

Likuva liagwa mundu, namenya hagati hiitu; niyizuuyi zimbavasi na agiligali. Nakunyi kumali kolola uvukumi uvwa yanyoora kuli vwu muyaayi muderwa wa Baba.

Yohana 1:17

Nyasaye yahaana Lilaga kuvitira ku Musa, navuzwa zimbavasi na agiligali viaza kuvitira mu Yeso Kristo.

Yohana 12:30

Navuzwa Yeso yavativulira, “Mwoyo yigu siguuzi kigira inzi mba, navuzwa kigira munyi.

Yohana 16:15

Viosi via Baba aveeye navio viveeye iviange; yiki nicho chagira nimbora, Roho Mutakatifu alavugula aga ndimuha na amulandiziri.

Yohana 17:19

Kigira yavo inzi nzitakasaa ku ivi, kunangwa yavo vaduuki kwitakasa mu agiligali.

Varumi 11:12

Vwoni vwa Vayuda vwaleeta uvutugi vwu vugasu ku lirova liosi, kandi ovogeheru vwavo vwaleeta vugasu vunyingi ligali ku vandu vizihiiri. Kulwayago, vulava vugasu vonene ki ligali lwa vandu vosi vi Vuyuda valiviikwa harara!

Varumi 15:3

Kristo si yiyanziza mwene mba. Navuzwa, kuli Mang'oda Matakatifu ku maziambiri gavoora, “Amanyego goosi ga yavo vanyega ivi, gaaza ku inzi.”

Varumi 5:8

Navuzwa Nyasaye yamanyia ndi yakuyaanza, kigira lwa kwaali nikukiri avoni, Kristo yakukuzira.

Varumi 8:32

Nyasaye siyigalira Mwana weve mwene muderwa, navuzwa yamuhaana kuli kisiuviriru kigira kunyi kwosi. Niiva yakola ndio, sialakuha ivindu viosi harara naye?

1 Vakorintho 1:4

Sandizaa Nyasaye wange kazozo kigira zimbavasi ziamali kuhaana ku munyi kuvitira mu Kristo Yeso.

1 Vakorintho 15:47

Mundu wu kutanga Adamu yalombwa kutura ku marova, aveeye wa marova; Adamu wa kaviri yatura mwigulu

2 Vakorintho 13:14

Zimbavasi ziu Mwami Yeso Kristo, uvuyanzi vwa Nyasaye, lisanga lia Roho Mutakatifu, vive ni munyi mwosi

2 Vakorintho 6:10

kali nikovererizwa, koveeye nu vusangali kazozo; kololeka kuli avadaka, navuzwa kokoraa vanyingi kuva vatugi; kololekaa kuli avataveeye ni kindu, navuzwa koveeye ni vindu viosi.

Vafeso 2:7

Yakola ndio kunangwa aduuki kumanyia mu zing'inga ziosi izizaa, ovonene vwuvutugi vwi zimbavasi zizie muvuyaanzi vwa yamanyia kunyi kuvitira mu Kristo Yeso.

Vafeso 3:19

Yee, muduuki kumanya uvuyanzi vwa Kristo uvuvitaa limanya liosi, ndi muduuki kwizulwa ligali nu vuduukiru vwosi vwa Nyasaye.

Vafeso 3:8

Kali nimbeeye mukekeeke ligali ku vandu va Nyasaye vosi, Nyasaye yamba zimbavasi zizie yizi, nduuki kwilwaazira vandu vizihiiri kigira uvutugi vwokogenyia vwa Kristo uvutanyala kwenyelerizwa;

Vakolosai 1:24

Kalunu sangala mu vusaliri vwange kigira munyi, kuvitira mu vusaliri vwange vwu muviri, ngonyanilaa cha ligala mu vusaliri vwa Kristo kigira muviri gwigwe, ogoveeye likanisa.

Vahebraina 1:2

Navuzwa mu madiku gu kumaliriza yaga umali kovolerana ni kunyi kuvitira mu Mwana weve wayatovola kuva mwene vindu viosi mu limalirika, kandi kuvitira muye yalomba ligulu ni lirova.

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

Likunula 2:9

Inzi manyi vudinyu vuvwo, kandi manyi uvudaka vuvwo, navuzwa mu giligali ivi oveeye umutugi! Manyi amanyego ga yavo avevooraa vaveeye Avayuda; navuzwa sivaveeye ndio mba. Vaveeye vuzwa muganda gwa Setani.

Likunula 21:7

Mundu woosi uliguuta alakanyoole imiandu yiji kutura ku inzi: Inzi ndava Nyasaye weve, naye alakave umwana wange.

Likunula 3:18

Kulwa yaga, ngovolera amakuva yaga nukukwiganihiza ndi uguli ku inzi izahabu isiyiiywi nu muliru, uduuki kuva umutugi. Gula kandi zinguvu zindavu ku inzi uduuki kwivika, kunangwa uduuki kufuma izisoni zie chahonyo chicho. Uguli kandi ku inzi ulunyasi lwa maguta lwu kuvaka ku zimoni zizio kunangwa uduuki kolola.