2 Vakorintho 8:8 - KITABU KITAKATIFU

⁸ Simuhezaa malago mba, navuzwa nyenya kuvamanyia kuli vandi vaveeye nu vugulu vwo kokoonya vandu vandi. Ngerizaa kumanyia agiligali gu vuyanzi vwinyu kuli voveeye.

2 Vakorintho 8:8 ပူးပေါင်းရင်းမြစ်များ

Ezekieli 33:31

Kunangwa avandu vange vazaa kuhulira makuva aga oveeye nago, navuzwa si vakora aguvavoolela vakole mba. Vavoola makuva gu kuyaanziza, navuzwa vazizagiliraa muliiva liavo liokolomba vukala vunyingi.

Varumi 12:9

Uvuyanzi vwinyu vutava nu vugadi mba. Muvihilirwi agaveeye madamanu, muhande ku agaveeye malahi.

1 Vakorintho 7:12

Ku vandu vandi vosi mboraa, Ku vwange vuzwa, sigaveeye gu Mwami mba: niiva musaza Mukristayo aveeye nu mukali utasuviraa, nu mukali oyo avugiliri kuzizagilira komenya naye, atamuleka mba.

1 Vakorintho 7:25

Kolondekana na mateeva ginyu ku vandu vakikiri koleetana, kandi vakunzakali, simbeeye ni lilago kutura ku Mwami Yeso Kristo mba. Navuzwa mbana lilola lie zing'anagani ziange kuli mulala oheveywi zimbavasi ziu Mwami, kandi udukana asuuvirwi.

1 Vakorintho 7:6

Simunigaa mukore yaga mba, navuzwa mwigizaa mukore ndio niganyalika.

2 Vakorintho 6:6

Kigira vutakatifu vwitu, ilimanya, liekuzira, kandi zimbavasi, kumali kwimanyia aveene kuva vatumikiri va Nyasaye kuvitira mu Roho Mutakatifu kigira vuyanzi vwitu vwagiligali.

2 Vakorintho 8:10

Zing'anagani ziange ziveeye ndi ni vulahi munyi mu malirizi agamwatanga kokora muhiga gwaavita. Munyi mwaali avimbiri, sigali ku likora vuzwa, navuzwa kuva kandi nilienya kokora.

2 Vakorintho 8:24

Muvamanyie vuyanzi vwinyu vudukiru kunangwa amakanisa goosi gaduuki kusuuvira; kandi kumanya ndi liekonya liange kigira munyi liveeye lieligali.

2 Vakorintho 9:2

Inzi manyi vulahi ndi muveeye nilienya kokoonya; kandi nzekonyaa kigira munyi ku vandu vaveeye mu Makedonia. Ndaavavoolera ndi, “Avaamitu va Akaya vaali nivetegeki kokoonya kutura muhiga gwaavita.” Uvugulu vwinyu vumali kuzuva vanyingi kuvo kuva nu mwoyo gwu kuhaana.

2 Vakorintho 9:7

Mundu sa mulala, gamudukira ahaane kuli amali kotovola mu mwoyo vugira kuhayahaya anoho kunigwa, kigira Nyasaye ayaanza mundu uhaanaa nu vusangali.

Vafeso 4:15

Mu vogono yivwo, ku limoloma agiligali mu Roho gwu vuyanzi, gakuduukiraa kuviruki mu liiva liosi lia Kristo, oveeye mutwi gwi likanisa.

Vafeso 6:24

Zimbavasi zia Nyasaye zive na yavo vosi avayaanzaa Mwami wiitu Yeso Kristo, ni liyaanza litaveeye ne keheri.

Vahebraina 10:24

Kandi leki kwehenderanili mioyo aveene naveene kandi mukokonyane aveene naveene muduuki kuyaanzana kandi kokora miyinzi milahi.

Joshua 24:14

Joshua yaazizagilira kovora “Kunangwa kalunu; mutie Yahova kandi mumutumikiri. Muve nagiligali kandi nu vusuuvirifu. Mutulizi avanyasaye va vaguuga vinyu vagira kusigamira mu Mesopotamia kandi mu Egebeti; kandi mutumikiri Yahova yeng'ine.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.