2 Vakorintho 8:23 - KITABU KITAKATIFU

²³ Tito aveeye mulina kandi ayinziraa harara ninzi kokoonya munyi; kandi kigira avaamitu vandi vaazaa harara naye yavo, vaveeye avatumwa kutura mu makanisa, kandi valeta uvukumi ku Kristo.

2 Vakorintho 8:23 ပူးပေါင်းရင်းမြစ်များ

Luka 5:10

Yakobo na Yohana avana va Zebedayo vaali avasangi mu vuluvi harara na Simoni. Yeso yavolera Simoni, “Utatia mba, kutura kalunu ulava muluvi wukuluva avandu.”

Luka 5:7

Vasima avaluvi vache vaavo avaari mu liato lindi vaze kuvakonya. Vaza nivizuliza zisuzi mu maato goosi gaviri kuduuka nigava ahimbi kwiyina.

Yohana 13:16

Muvooleraa agiligali, mutugwa siaveeye munene ligali kuvita mwami uwamutuga mba. Anoho mutumwa siaveeye munene kuvita uwamutuma.

1 Vakorintho 11:7

Sigaduukana musaza akuniki mutwi gwigwe lwa asaalaa mba, kigira aveeye ligondo kandi vukumi vwa Nyasaye. Navuzwa umukali aveeye vuzwa vukumi vwu musaza weve.

2 Vakorintho 12:18

Inzi ndaagoonya Tito nimutuma ku munyi harara na amiitu wiitu wundi. Tito yamunyaga kindu? Simumanyi kunyi kwimilirwa na Roho mulala oyo mu lilaalira lietu? Simumanyi liiva lietu ni lilala?

2 Vakorintho 7:6

Nyasaye oleminyaa mioyo jikuzaa, yakoleminya mioyo kuliiza lia Tito ku kunyi.

2 Vakorintho 8:16

Navuzwa lisandiza live ku Nyasaye wavika mu Tito umwoyo gwu vugulu yigwo kuli gwa kunyi koveeye nagwo gwu kuvakonya!

2 Vakorintho 8:18

Harara naye, kutumaa amiitu mulala, wulusuma lwilwe lulahi kwilwaza Ivangeri ya Nyasaye, lwamanyikana mu makanisa goosi.

2 Vakorintho 8:19

Komeeda ku yago kandi, amali kotovolwa na makanisa kuzia harara ni kunyi lwa nakuhili kihanwa chu Vukristayo yiki. Kigira vukumi vwu Mwami, vuduuki kumanyikana ndi kwenyaa kokoonye.

2 Vakorintho 8:22

Kunangwa, kutumaa amiitu Mukristayo wundi harara na vaamitu yavo. Kwamala kumugeriza haali kanyingi ma kwamunyoola ndi aveeye nilienya kokoonya kazozo. Kalunu kigira aveeye ni lisuuvira linene mu munyi, kandi aveeye nilienya ligali kokoonya.

2 Vakorintho 8:6

Kigira gene yago, kwagoonya Tito waali naatangi imiyinzi yijo mumunyi azizagiliri najo ligali, kandi amukonye kutwekiza vutumiki vwu vuyanzi yivu.

Vafilipi 2:25

Ng'anagana ni vulahi kutuma ku munyi Epafurodita, amiitu wange, umuyinziri kandi umusikari wakuyinziraa harara naye. Aveeye mutumwa winyu uwamwatuma kuuza kundumikira mu lienya liange.

Vafilipi 4:3

Ndeva ivi muyinziri musuuvirifu wache, yaanza okonye avakali yava. Vayinzira vudinyu harara ninzi kulandiza Ivangeri ni zinguru, harara na Kilemendi kandi avayinziri vache vosi, avamita gaavo gang'odwa mu kitabu chi livamwoyo.

Vakolosai 1:7

Mwiga zimbavasi zia Nyasaye kutura ku Epafura mutumwa wiitu, oveeye muyinziri musuuvirifu wa Kristo mu vwiyangu vwitu.

1 Vatesalonike 2:2

Munyi mumanya kuli kwaali ni kusaliriziywi kandi ni konyegeywi mu Filipi nikukiri kuuza ku munyi mu resalonike. Kali niiva vuhing'ani vonene vwali ho, Nyasaye wiitu yakuha uvuluviliri kumuvolera Ivangeri yeeye.

Tito 1:4

Ng'oderaa ivi Tito, Mwana wange wiligali mu lisuuvira lia kusanga kwosi harara. Nyasaye Baba na Kristo Yeso muhonyi wiitu vayanze vahane ku ivi zimbavasi nimirembe.

Filemona 1:17

Kunangwa, niiva uganaganaa kuvugiliraa inzi kuva kuli umulina woovo, mwaza mwingilizi yirani ku ivi kuli unyala kunzingiriza.

Filemona 1:24

Kandi avayinziri vache vange, Mariko, Arisitariko, Dema na Luka, avayinziri vache vange vahaani mirembe.

3 Yohana 1:8

Kunangwa kunyi Avakristayo, gakuduukiraa kokonye avandu vaveeye kuli yava, kunangwa kuduuki kusanga harara navo mu miyinzi mu giligali.