2 Vakorintho 8:10 - KITABU KITAKATIFU

¹⁰ Zing'anagani ziange ziveeye ndi ni vulahi munyi mu malirizi agamwatanga kokora muhiga gwaavita. Munyi mwaali avimbiri, sigali ku likora vuzwa, navuzwa kuva kandi nilienya kokora.

2 Vakorintho 8:10 ပူးပေါင်းရင်းမြစ်များ

Tsing'ano 19:17

Mundu nahaana vindu vivie ku vadaka, gaveeye kuli kwegobiza Yahova, na Yahova alakwilanyira.

Matayo 10:42

Ligali muvooleraa, ku vosi ulinwehiza mulala ku avakeekeke yava kisanda cha mazi makindu kigira aveeye umulondi wange, alakanyoole amadanyi geege.”

Yohana 11:50

Simulolaa ni vulahi ku munyi mundu mulala akuziri avandu vosi, kuvita ihiiri yoosi kukuza?”

Yohana 16:7

Navuzwa inzi muvoleranga agiligali: Ni vulahi ku munyi ndi inzi nzie, kigira niimbura kuzia Mukonyi sialaaza ku munyi mba. Navuzwa niimba ninzia, ndamutuma yaaze ku munyi.

Yohana 18:14

Kayafa oyo niyie uwaali navoleeye vamiihi va Avayuda ndi nivulahi ligali mundu mulala akuzi mu vogono vwa avandu vosi.

1 Vakorintho 10:23

“Kuvugilirwaa kokora vindu viosi,” yago gaveeye agiligali. Navuzwa siviveeye ni viosi viveeye novokoonyi mba. “Kuvugilirwa kokora vindu viosi,” navuzwa siviveeye ni viosi vikwumbaka mba.

1 Vakorintho 16:2

Vuli Jumapili umundu sa mulala aviiki halovega mabese kutura ku linyola lilie kunangwa lisolora livuli kuvaho lwa nziza yaho.

1 Vakorintho 6:12

Mundu mulala anyala kovora, “Mbugilirwaa kokora kindu choosi.” Yee, vulahi; navuzwa vindu viosi siviveeye vilahi ku ivi mba. Nyara kovora ndi, mbugilirwaa kokora kindu choosi, navuzwa sinzizaa koleka kindu choosi kongola mutugwa wi kindu yicho mba.

1 Vakorintho 7:25

Kolondekana na mateeva ginyu ku vandu vakikiri koleetana, kandi vakunzakali, simbeeye ni lilago kutura ku Mwami Yeso Kristo mba. Navuzwa mbana lilola lie zing'anagani ziange kuli mulala oheveywi zimbavasi ziu Mwami, kandi udukana asuuvirwi.

1 Vakorintho 7:40

mu likalaga liange inzi ndolaa ndi: alava nu vugasu ligali niiva alamenya kuli aveeye ndio. Yizi niziganagani ziange, na ng'anagana inzi kandi nzimilirwa na Roho wa Nyasaye.

2 Vakorintho 12:1

Kuduuka nzekonye, kali niiva iliekonya zana siliveeye nichalikoonyaa mba. Navuzwa kalunu ndamoloma ku malola ni livuulirwa lia ndaahevwa nu Mwami.

2 Vakorintho 8:6

Kigira gene yago, kwagoonya Tito waali naatangi imiyinzi yijo mumunyi azizagiliri najo ligali, kandi amukonye kutwekiza vutumiki vwu vuyanzi yivu.

2 Vakorintho 8:8

Simuhezaa malago mba, navuzwa nyenya kuvamanyia kuli vandi vaveeye nu vugulu vwo kokoonya vandu vandi. Ngerizaa kumanyia agiligali gu vuyanzi vwinyu kuli voveeye.

2 Vakorintho 9:2

Inzi manyi vulahi ndi muveeye nilienya kokoonya; kandi nzekonyaa kigira munyi ku vandu vaveeye mu Makedonia. Ndaavavoolera ndi, “Avaamitu va Akaya vaali nivetegeki kokoonya kutura muhiga gwaavita.” Uvugulu vwinyu vumali kuzuva vanyingi kuvo kuva nu mwoyo gwu kuhaana.

Vafilipi 4:17

Sigaveeye nyenya vuzwa konyoora ivihaanwa, navuzwa nyenya kolola ivikolwa ivilahi nivimedekaa ku ga mumali.

Vahebraina 13:16

Mutivilira kokora vulahi kandi kokonyana aveene naveene, kigira yivi nivio visiuviliru viyanziza Nyasaye.