2 Vakorintho 7:11 - KITABU KITAKATIFU

¹¹ Loli ga Nyasaye yakola kigira vovereri, vwinyu, vuluviliri vwa mwanyoola; liiva liamwaali nalio kumanyia ndi muvura imbila, vutima vuti, liegomba kolola ndi vulungi vwekoleki, liegomba lia havulavu, vwihaani vwa mwanyoola, kandi kuli mwetegeka kuhaana mageri ku vandu vaakora vudamanu. Munyi mwayimanyia ndi simuveeye nimbala ku makuva yaga goosi mba.

2 Vakorintho 7:11 ပူးပေါင်းရင်းမြစ်များ

Nehemia 13:25

Ndavagondokera nukuvalaama, niimbakuya, nukumanyula masu gaavo. Maku ndaaviisuuhiza mu lieta lia Nyasaye ndi yavo kinga avana vaavo sivalaletana kandi na avageni kali hakuzu mba.

Ayubu 42:6

Kunangwa, inzi mbeeye nizisoni ku goosi aga inzi mali kovora, kandi nzivakaa luguchi ni ligoke ukumanyia lieganira liange.”

Zaburi 119:139

Uvutima vwange vusamba kuli muliru, kigira avasigu vange si vahuliraa amalago googo mba.

Zaburi 130:6

Nindiliraa Yahova nuvuha vwosi kuvita avalindi va vudiku avalindiliraa vuchi,

Zaburi 145:19

Ahaanaa lienya lia yavo vosi avamutizaa, ahuliraa lirira liavo nukuvahonyia.

Zaburi 2:11

Mutumikiri Yahova nuvuti; mumutumikiri nilidegera;

Zaburi 35:13

Navuzwa lwa vaali avalwaye, inzi ndiviika zinguvu zia magunia kumanyia vovereri. Ndiisaaliriza ku lihonga lilia. Ndavasaalira ligali ninzinaminyi mutwi hasi,

Zaburi 38:9

O, Yahova, ivi umanyi lienya liange liosi; uhuliraa likenya liange liosi.

Zaburi 42:1

Kuli kisusu yegombaa mugera gwa mazi makindu, O, Nyasaye, ni ndio ngwegomba. Nindio nzegomba ivi, O, Nyasaye wange!

Zaburi 69:9

Uvuha vwange vwu kuyaanza Litembeli liilio vwaduuka mu mwoyo gwange kuli umuliru; amanyego ga yavo avanyegaa ivi, gamali kuduuka kali ku inzi.

Tsing'ano 14:16

Vandu vovogeri velehaa kutura ku vudamanu, navuzwa vandu vasiru vaveeye vugira lielinda kandi vakora vwangu vugira kuganagana.

Tsing'ano 28:14

Aveeye nuvugasu mundu utizaa Yahova kazozo, navuzwa oyo oveeye ni kirage aladivizwa.

Lwimbu lwa Solomoni 8:6

Mwoyo gugwo gutava ku muyanze wundi mba nitali inzi. Utagumira muyanze wundi mba nitali inzi; vuyanzi voveeye ne zinguru kuli likuza. Vovereri voveeye ni zinguru kuli kilindwa.

Isaya 26:8

O, Yahova kunyi kolondaa uvulariri vuvwo, kandi kuvikaa lisuuvirizwa lietu mu ivi; ni ivi weng'ine wa kwegomba kwizuliza.

Isaya 66:2

Inzi mwene ndaalomba ligulu ni lirova! Nyanzizangwa na yavo avaveeye avahocha na aviliegehiza, avatizaa nukuhulira inzi.

Danyeli 6:14

Lwu mwami yahulira yaga, yavelera ligali kandi yageliza kuli anyala konyoora inzira yanyala kohonyera mu Danieli. Mwami yaazizagilira kogeriza kohonyia Danieli muvasu gwosi.

Marko 3:5

Yeso yavahenza zimbega ziosi navihilirwa, kandi navavererera kigira uvudinyu vwi mioyo jaavo. Yavolera umundu oyo, “Nyira mukono gugwo!” Naye yanyira umukono gwigwe, nagwo gwahona ligali.

Yohana 2:17

Aviigi veve vizuliza ndi Amang'oda Matakatifu gavoora, “ Uvuyanzi vwange vwu kudidikanira inyumba yooyo, O, Nyasaye, vusamba mu inzi kuli muliru.”

Vikolwa 17:16

Lwa Paolo yaali naalindaa Sila na Timateo mu Azene, mwoyo gwigwe gwavihilirwa ligali lwa yalora kuli lidaala yilio liali nilizula vifananyi via avanyasaye.

Varumi 11:20

Nagiligali! Ziahalulwa kigira livula kusuuvira liavo, navuzwa ivi usingiraa vudinyu kigira lisuuvira, utiyizominya mba, navuzwa wilindi.

Varumi 14:18

Uyu utumikira Kristo kuli ndio ayaanzwa na Nyasaye, kandi avugilirwa na vandu.

Varumi 3:5

Navuzwa, niiva vudamanu vwitu vumanyia ndi Nyasaye akolaa vulungi, kovora ki? Kovoole Nyasaye aveeye nu vudamanu lwakohezaa amageri? Mboraa yaga kuli umundu.

1 Vakorintho 12:25

Kulwayago iliavukana mu muviri litavaho mba, navuzwa ivivero viagwo viosi viduuki kohendera vivero vindi viene.

1 Vakorintho 5:13

Nyasaye mwene alakalagira avandu yavo avaveeye ichova wi likanisa. Kuli Mang'oda Matakatifu gavoora, “Mukungi umundu mudamanu wu vwoni kuli yivu atuli hagati hi livugana lienyu.”

1 Vakorintho 5:2

Munyala ndi kwigingira! Simunyala kovelera kugo? Oyo wakola inguuva yeyo akuungwi kutura mu likanisa.

2 Vakorintho 13:7

Kalunu kusaala Nyasaye ndi munyi muvuli kokora vwoni vwosi, sigaveeye kuvuli kwimanyia kuli vandu vamali kuguuta, navuzwa muduuki kokora agaveeye malungi, kali niiva kunyi kulaloleka kuli vatamiywi.

2 Vakorintho 2:6

Amageri ga yanyoora kutura ku vandu vinyu vanyingi gamuduuki.

2 Vakorintho 6:4

Nitali mu vindu viosi via kokoraa kumanyia ndi koveeye avatumikiri va Nyasaye ku liekuzira linyingi, mu vusaliri, mu vudinyu kandi mu kivi.

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

2 Vakorintho 7:7

Sigaveeye ku liza lia Tito lienyine iliakoleminya mioyo, navuzwa kandi kigira amakuva ga yakovolera kuli mwamuzuva. Yakovolera kuli muveeye na mahooru amanene kandi kuli muveeye novovereri, kuli mwetegeki kosoola; kali kalunu mbeeye nu vusangali ligali.

2 Vakorintho 7:9

Navuzwa kalunu mbeeye nu vuyanzi, sigaveeye kigira ndaamukora kuva no vovereri, navuzwa kigira vovereri vwinyu vwamulomba ni mwiganira. Vovereri vwinyu vwene yivwo, vwali kolondekana nu vulaliri vwa Nyasaye, navuzwa ovovereri yivwo vwamukola nimugirung'anyia zinzira zienyu. Ovovereri yivwo vwatumikirwa na Nyasaye, na sikwamusaliriza mba.

2 Vakorintho 9:2

Inzi manyi vulahi ndi muveeye nilienya kokoonya; kandi nzekonyaa kigira munyi ku vandu vaveeye mu Makedonia. Ndaavavoolera ndi, “Avaamitu va Akaya vaali nivetegeki kokoonya kutura muhiga gwaavita.” Uvugulu vwinyu vumali kuzuva vanyingi kuvo kuva nu mwoyo gwu kuhaana.

Vafeso 4:26

Nimuveeye nuvutima, mutakoli uvwoni mba. Mutaleki liuva liyeere nimuveeye nuvutima mba.

Vafeso 5:11

Mutava ni lisanga ni miyinzi ji kisundi ijitaveeye nu vukala mba, navuzwa nivulahi mujichaye havulavu.

Vafilipi 2:12

Kunangwa, avalina vange vayanze, kuli mwahulira kutura ku inzi lwa ndaali nimunyi kazozo, kuduuka muhuliri kandi kalunu lwambeeye ihale kutura ku munyi. Muzizagiliri kuyinzira nu vuti kandi ni lidegera kunangwa muduukizi ovohonyi vwinyu,

1 Vatesalonike 4:6

Mu makuva yaga, mundu atakolera Mukristayo wache uvudamanu. Umwami mwene alavaanza kisaalia ku yavo avakolaa vindu yivi viosi; kuli kwamuvolera, kandi ku mwiganihizaa nizinguru.

Tito 3:8

Livoora yili liveeye lie ligali. Inzi nyenya udinyirizi ligali ivindu yivi, kunangwa yavo avamali kusuuvira mu Nyasaye vaduuki kuva nilienya kutumikira ing'inga yavo kokora vikolwa vilahi ku vandu vosi.

Vahebraina 4:1

Kunangwa, Nyasaye yakuha lisuuvirizwa ndi kunyala konyoora vosoosi vwa yamoloma amakuva gavwo. Gakuduukiraa kohenze vulahi, gase mulala ku munyi alanyooleka natanyooye vosoosi vwasuuvirizwa yivwo.

Yakobo 3:17

Navuzwa ovogeri vuturaa igulu, voveeye vulahi mulitanga ku viosi; voveeye vwi mirembe kandi, vwovohocha, kandi vwu vulina; vwokoleeta avandi ahimbi, vwizuyi zimbavasi na kandi vwama amakuyu gi vikolwa vilahi; uvutaveeye ni lieriza kandi uvugadi.

1 Petro 1:17

Munyi mumulangaa Baba, lwa musaala ku Nyasaye, oyo ukalagiraa avandu vosi, kolondekana ku ne kegero kilala. Kunangwa mumenye mu lirova linu ni muhaanaa uluyali ku Nyasaye.

1 Petro 2:2

Muve kuli avana vadoto vuli ing'inga vaveeye nuvuluhu kwenya amaveere malahi gu mu Roho, kunangwa lwa muganwezaa, muduuki kuviruka no kohonywa.

Yudasi 1:23

Muhonyie avandi ku livatuliza mu muliru; na ku avandi muvamanyie zimbavasi ziveeye harara nu uvuti. Navuzwa muvihilirwi zinguvu ziavo avamali kwonoganywa ni vikolwa viavo vidamanu.

Likunula 3:19

Mundu wa inzi nyanza, mugondokeraa nu kumuha amageri. Ove nu vugulu nu kwiganira utuli muvwoni vuvwo.