2 Vakorintho 7:10 - KITABU KITAKATIFU

¹⁰ Vovereri vwa Nyasaye voletaa lieganira liu mwoyo kuduuka kovohonyi, navuzwa sivoleetaa liverera mba! Navuzwa ovovereri vwu mundu, voleta ilikuza.

2 Vakorintho 7:10 ပူးပေါင်းရင်းမြစ်များ

Litanga 30:1

Lwa Raheli yalora ndi siyivulila Yakobo avana mba, yamanya nakendekera mukaana wavo. Kunangwa yavolera Yakobo, “Unzivulizi avana anoho inzi ndakuza.”

2 Samweli 12:13

Daudi yavolera Nazani, “Mali kwonera Yahova.” Nazani yativura, “Yahova ukusamihi; si ulakuza mba.

2 Samweli 13:4

Yateeva Amunoni, “Kigira ki ivi muyaayi wu mwami ololekaa kuva no vovereri vuli lidiku. Siunyala kombolera kivuni?” Amunoni yamutivulira, “Inzi nyanza Tamara, mbozo amwavo wange Abisolomu.”

2 Samweli 17:23

Lwa Ahizofeli yalora ndi livoora lie zing'anagani zizie sizilondeywe mba, yanina ku ibarasi yeeye, nazia mu lidaala lilie liene. Inyima wokolohiza vindu vivie vulahi, yisunga umwene. Yateevwa mu kilindwa cha vandu avinyumba yeeye.

1 Avami 21:4

Ahabu yazia yengo, nakuzi mwoyo kandi naasinyiki kigira likuva lia Nabozi yaali namuvooleye. Yagona ku kidali chiche, nahenzi mwidigi, kandi siyaali anyala kulia mba.

Zaburi 38:18

Nziyamaa uvwoni vwange, kandi mbereraa kuvwo.

Tsing'ano 15:13

Lwa avandu vaveeye nu vuyanzi vimwenyelaa, navuzwa lwa vaveeye no vovereri, valoreka kuva ni zing'anagani zinyingi.

Tsing'ano 15:15

Limenya liu mundu mudaka liveeye liukunyangana kazozo, navuzwa vandu vu vuyanzi vasangalira limenya liavo.

Tsing'ano 17:22

Kuva nu vuyanzi kolomba mundu kuva nu vulamu. Kuduunya ing'inga yoosi ni likuza liagalaha.

Tsing'ano 18:14

Mwoyo gwumundu gwikuziraa kuvulwaye, navuzwa nivwaha unyala kwikuzira ku vudinyu vwumwoyo gumali kuvunika?

Kohelethu 7:3

Liverera liveeye lilahi kuvita liyaanza kigira lilomba mumoni mumwo muva novovereri, navuzwa likolomba uve ni limanyiriza.

Jeremia 31:9

Avandu vange vazavirane nivalira, nivasaara lwa nambe nimbimilira mulirana. Inzi nambimiliri kuduuka ku migera jiamazi, kunzira inungi yavalivulaa kwikigatira. Mbeeye kuli baba uvandu va Isiraeli kandi Efuraimu nu muyaayi wange wu kutanga.”

Ezekieli 7:16

Ku vosi avalakahononoke valakave mu vigulu nivasioma kuli makuulu gu mumavona kigira uvwoni vwavo.

Jona 3:10

Nyasaye yalora icha vakora. Yalora ndi vamali kuleka miima jaavo midamanu. Kunangwa yagilung'anyia zing'anagani zizie, kandi siyamanya nahaana mageri kuvo kuli yaali navatihiizi mba.

Jona 3:8

Avandu vosi kandi zinyama ziosi kuduuka viviiki zinguvu zia magunia. Avandu vosi, vaaniri ku Nyasaye nu mwoyo gwosi. Vagirung'ane sa mulala nokoleka miima midamanu, nivikolwa vidamanu.

Jona 4:9

Navuzwa Nyasaye yavolera Jona, “Oveeye na kivuni ki ivi usinyiki kigira kitagwa?” Jona yativura, “Ndio, kuduuka sinyiki; mbeeye nuvunyari vwosi kusinyika kali kuduuka ku likuza!”

Matayo 26:75

na Petero yizuliza amakuva ga Yeso yamuvolera, “Idaywa nikikiri kulagula, ivi ulanyambakana haali kavaga.” Yatura nazia ichova nalira ligali no vovereri.

Luka 15:10

Kunangwa muvooleraa, nindio zingelosi va Nyasaye valisangala kigira kwiganira kwu mundu mwoni mulala.”

Luka 18:13

“Navuzwa musololi wu vusuuru uyu, yasingira ihale. Siyaali anyala kali kuginga vweni vwivwe aheenze mwigulu mba, nitali yiduya ku kiritu chiche navoora, ‘O, Nyasaye, inzi mbeeye mwoni. Ombere zimbavasi!’

Vikolwa 11:18

Lwa vahulira yaga, valeka amahangari gaavo, ni vizominya Nyasaye, vavoola, “Nyasaye umali kuhaana ku vandu vi Zihiiri zindi vwiyangu vwu kwiganira no konyoora livamwoyo!”

Vikolwa 3:19

Kulwayago mwiganiri, kandi mwihaane ku Nyasaye, kunangwa aduuki kumusamiiha uvwoni vwinyu. Niiva mukora ndio,

2 Vakorintho 12:21

Mbeeye nu vuti ndi lwa nanzizi yaho ing'inga yiza, Nyasaye wange alakandeganyie imbiri winyu, na ndakasiome kigira vunyingi vwa yavo avaakoraa vwoni mu madiku gaavita, navuzwa sivayiganira vindu vidamanu kandi vwoni vwosi vwo voheyi vwa vaakora mba.

2 Vakorintho 7:9

Navuzwa kalunu mbeeye nu vuyanzi, sigaveeye kigira ndaamukora kuva no vovereri, navuzwa kigira vovereri vwinyu vwamulomba ni mwiganira. Vovereri vwinyu vwene yivwo, vwali kolondekana nu vulaliri vwa Nyasaye, navuzwa ovovereri yivwo vwamukola nimugirung'anyia zinzira zienyu. Ovovereri yivwo vwatumikirwa na Nyasaye, na sikwamusaliriza mba.

Vahebraina 12:17

Lwinyima, kuli mumanyi yenya konyoora uvugasu zana kutura ku baba weve, navuzwa yasuulwa, kigira siyaali unyala konyoora vwiyangu vwu kwiganira nukugirung'anyia aga yakola mba, kali niiva yenya uvugasu yivwo namaliga.

1 Samweli 30:6

Daudi yaali mu vudinyu vonene ligali kigira vandu veve vahulira vululu kigira vaali nivagotizi avana vaavo, kandi vatihiza nivenya kumulasa na magina; navuzwa Yahova Nyasaye weve yamuha uvuluviliri.