2 Vakorintho 7:1 - KITABU KITAKATIFU

¹ Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

2 Vakorintho 7:1 ပူးပေါင်းရင်းမြစ်များ

2 Kyetsinyinga 19:9

Yavalaga: “Mukore miyinzi jinyu mu liitia Yahova, nu vusuuvirifu nu mwoyo gwosi.

Zaburi 119:9

Muyaayi anyala kulinda ndi limenya lilie live lirungi? Anyala kulinda mulihulira malago googo.

Zaburi 19:9

Iliitia Yahova liveeye lilahi, lihindiraa mihiga ni mihiga. Likalaga lia Yahova liveeye lirungi; liveeye lilahi kazozo.

Zaburi 51:10

O, Nyasaye, onombere mwoyo munifu, Uviiki mu inzi roho muhia kandi musuuvirifu.

Tsing'ano 16:6

Utie kandi ove musuuvirifu na Nyasaye alakusamiiha vwoni vuvwo. Utie Yahova nu uvudamanu vwosi sivulekoleka ku ivi mba.

Tsing'ano 20:9

Mundu anyala kumanya ligali zing'anagani zizie ziveeye zinungi, kandi yaatuliza vwoni vwivwe vwosi?

Tsing'ano 30:12

Vaveeye ho na vandu valala avaganaganaa ndi vaveeye valahi lwavafunyaa vugundu.

Tsing'ano 8:13

Kusuura vudamanu ni kuhaana ku Yahova luyali; ndasuura kwelola nu kwigingira, ni zinzira zindamanu na makuva go vovehi.

Kohelethu 11:10

Utahenda mwoyo ku kindu choosi mba, anoho utava nu vuzunu vwu vudinyu mba, kigira ing'inga yo voyaayi eveeye engekeeke.

Isaya 1:16

Mwisaave aveene munihi. Mulekere likora uvudamanu yivu vwosi vwa ndolaa nimukora. Yee, mulekere likora uvudamanu

Isaya 55:7

Avadamanu valeke zinzira ziavo zindamanu. Avandu vachamu valeke zing'anagani ziavo ziuvuchamu viirane ku Yahova Nyasaye wiitu kigira aveeye wi zimbavasi vavererera; kandi aveeye mwangu kusaamiha.

Jeremia 13:27

Amali kumulora nimukoraa ivindu viu kuvihiliriza. Amali kumulora nimuzizaa ku avanyasaye vu muvigulu kandi anoho kuli ibarasi yenya kutuuma. Avandu va Jerusalemi kivi, keveeye ku munyi! Munyi mulava avadamanu kuduuka ing'inga ki?

Jeremia 4:14

Avandu va Jerusalemi, mutulizi uvudamanu mumioyo jinyu, kunangwa muduuki kohonywa. Mulazizagilira kuva niziganagani ziuvwoni kuduuka ing'inga ki?

Kyavalevi 13:58

Niiva alafuuya kindu cha voveeye ku ma ikiba zana kegote, alakifuuya kandi na kilava kilahi kolondekana ni miima.

Matayo 12:33

“Ni mwenya munyore makuyu malahi, gamudukira muve nu musaala umulahi; kandi ni mwenya munyore makuyu madamanu, muve nu musaala mudamanu. Umusaala gumanyikanaa ku makuyu gagwo.

Matayo 5:48

Kunangwa gamudukira muve vadukanu, kuli Baba winyu wu mwigulu aveeye mudukanu.

Matayo 5:8

“Vaveeye nuvugasu avaveeye ni mioyo milavu, kigira valalola Nyasaye.

Vikolwa 9:31

Ing'inga yeyo likanisa liali ni mirembe hoosi mu Vuyuda, Galilaya, na Samaria. Liumbakwa niliviruka mu liitia Mwami, nilimedeka koleminywa mwoyo kuvitira mu Roho Mutakatifu.

Varumi 5:20

Lilaga liaza liduuki komeeda vudamanu; navuzwa hu vwoni vwameedeka, zimbavasi zia Nyasaye ziamedeka ligali kuvita.

1 Vakorintho 6:20

Yaagula ivi nu vuguli vonene. Kulwayago, mutumikiri miviri jinyu kulwu vukumi vwa Nyasaye.

2 Vakorintho 1:20

niyie oveeye “Yee” ku lisuuvirizwa liosi lia Nyasaye. Yiki nicho kigira kuvitira mu Kristo Yeso, livoora “Amini” lietu liveeye ku lwu vukumi vwa Nyasaye.

Vafeso 2:3

Mu agiligali Kunyi kwosi kwaali kuli yavo. Kandi Kwamenya kolondekana nilikayirwa lidamanu lie miviri jietu, nikokola choosi ichayaanziza lienya liu miviri kandi zing'anagani zietu aveene. Mu liiva lietu liu muviri, kunyi kuli avandu vandi, kwadukana konyoole vusaliri vwu vutima vwa Nyasaye.

1 Vatesalonike 3:13

Munzira yiyi alamudinyiriza na munyi mulava avadukiru vatakatifu imbiri wa Nyasaye wiitu kandi Baba wiitu lwu Mwami wiitu Yeso yaza harara na vandu veve valungi vosi.

1 Vatesalonike 4:7

Nyasaye siyakulanga komenye mu voheyi, navuzwa uvutakatifu.

1 Vatesalonike 5:23

Nyasaye mwene ahaanaa mirembe ku kunyi amutakase ligali; kandi roho winyu, mioyo ni miviri jinyu jive milavu vugira imbara kuduuka ku liza liu Mwami wiitu Yeso Kristo.

Vahebraina 12:23

Mumali kuuza mu livugana linene liuvusangali lia vandu va Nyasaye avatanga kwivulwa, avamita gaavo gang'odwa mwigulu. Mumali kuuza ku Nyasaye oveeye mukalagi wa vandu vosi, nu ku mioyo ja vandu vakolwa valungi.

Vahebraina 12:28

Kunangwa, gendi kusandizi kigira konyoora uvwami vutanyala kodengeyizwa. Gendi kusandizi ma kusigamiri Nyasaye munzira yu ku muyaanziza, niliegehiza nuvuti ligali,

Vahebraina 4:1

Kunangwa, Nyasaye yakuha lisuuvirizwa ndi kunyala konyoora vosoosi vwa yamoloma amakuva gavwo. Gakuduukiraa kohenze vulahi, gase mulala ku munyi alanyooleka natanyooye vosoosi vwasuuvirizwa yivwo.

Vahebraina 6:9

Navuzwa kali nikomolomaa kuli ndi avaamitu vayaanze viitu, koveeye ni lisuuvirizwa linene ku liiva lienyu. Kumanyi vulahi ndi mumali konyoora uvugasu vulahi voveeye vwo vohonyi vwinyu.

Yakobo 4:8

Mwisuundi ahimbi ku Nyasaye naye alisuunda ahimbi ku munyi. Mwiganili munyi avoni; mutakase mioyo jinyu, munyi avagadaa.

1 Petro 1:15

Nitali kuli Nyasaye wamulanga aveeye mutakatifu, kandi munyi muve avatakatifu ndio mu liiva liosi.

1 Petro 1:17

Munyi mumulangaa Baba, lwa musaala ku Nyasaye, oyo ukalagiraa avandu vosi, kolondekana ku ne kegero kilala. Kunangwa mumenye mu lirova linu ni muhaanaa uluyali ku Nyasaye.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

1 Petro 2:11

Avalina vange avayaanze, ng'oonya munyi kuli avageni kandi avamenya mu kivala yiki, mwiyahuli ku likayirwa liu muviri, ilihing'anaa nu mwoyo vuli Iwosi.

1 Petro 5:10

Navuzwa ni mwakasalira hakekeke, Nyasaye wi zimbavasi ziosi, uwalanga munyi kusanga mu vukumi vwivwe vwi mihiga ni mihiga mu Kristo, alamukola muve vaduukiru kandi alamudinyiriza nu kumuviika zinguru kandi ku musingi mudinyu.

1 Yohana 1:7

Navuzwa ni kogenda mu vulavu kuli mwene aveeye mu uvulavu, kunyi koveeye ni lisanga aveene na aveene; kandi amasahi ga Yeso Kristo mwana weve gakwogizaa uvwoni vwosi.

1 Yohana 1:9

Niiva kuliyama uvwoni vwitu, Nyasaye aveeye musuuvirifu kandi mulungi, na alakusamiiha uvwoni vwitu kandi alakutakasa kutura ku vuchamu vwosi.

1 Yohana 3:3

Umundu woosi oveeye ni lisuuvira yili mu Kristo, yitakasaa mwene kuli Kristo aveeye Mutakatifu.