2 Vakorintho 6:8 - KITABU KITAKATIFU

⁸ Kohevwa uluyali na vandi. Konyegwa kandi kuginwa na valala; na kwizominywa na vandi. Kuvugulwa kuli vavehi, navuzwa kovora giligali;

2 Vakorintho 6:8 ပူးပေါင်းရင်းမြစ်များ

Matayo 10:25

Gaduukiraa umwigi ave kuli mwigizi weve, nu mutugwa kuli mutugi weve. Niiva valangi mwene nyumba Belizebuli, na valalanga ndi avandu vinyumba yeeye? Avandu vandi si valalangwa amita amadamanu mbitilira mba!

Matayo 22:16

Kunangwa, vaatuma kuye valala ku aviigi vaavo harara na avasangi vu muganda gwa Herodi. Vamuteeva, “Mwigizi, kumanyia ivi oveeye umundu wiligali, kandi wigiza uvulariri vwa Nyasaye mu agiligali. Ivi siutiizaa mundu woosi mba, kigira ovonene vwu mundu anoho iligondo si viveeye ikindu ku ivi mba.

Matayo 27:63

ni vavoola, “Mwami, kwizulizaa umugadi ula yavoola nakikiri kukuza, ‘Inyima wa madiku gavaga ndasimuguka.’

Marko 12:14

Vazia kuye ni vamuvolera, “Mwigizi, kumanya ivi oveeye umundu wiligali vugira kodegerizwa na goosi ga vandu vavoola. Si ohenza ku vuduukiru vwu mundu mba, navuzwa wigiza agiligali ginzira ya Nyasaye. Ni vulahi kutunga uvusuru ku Kaisari, anoho kuvuli kutunga?”

Yohana 7:12

Liali ho ni limonya linyingi kuye mu kiduma cha avandu. Valala kuvo vavoola, “Aveeye mundu mulahi.” Avandi vavoola, “Awa! Agotizaa avandu.”

Vikolwa 10:22

Navo vaamutivulira, “Munene wiitu Korinelio, mundu mulungi, uwatia Nyasaye, kandi oveeye ni lizominywa imbiri wa Vayuda vosi ukutumi. Yavolerwa nengelosi mutakatifu akulange uzie munyumba yeeye, aduuki kuhulira amakuva goosi aga oveeye nago.”

Vikolwa 16:39

Kunangwa, vazia kuvateeva zimbavasi, na lwa vamala kuvatuliza, vavagoonya vatuli mu lidaala yilio vazie.

Vikolwa 22:12

“Yaali yo mundu mulala walangwa Anania, mundu watia Nyasaye, uwatia Lilaga lietu, kandi waali nu luyali lonene imbiri wa Vayuda vosi avamenyaa Damasiko.

Vikolwa 24:5

“Kunyi kumali konyoora mundu uyu kuva wikivihiri kuvita kegero, umugemehizi mu Vuyuda, mu lirova liosi, kandi mwimiliri munene wu muganda gwa Avanazareti.

Vikolwa 28:22

Navuzwa kwegomba kuhulira kutura ku ivi mwene agaveeye mu zing'anagani zizio. Kunyi kumanyi ndi muganda gwa oveeye mu yigu, avandu vaguhangalizaa havundu hoosi.”

Vikolwa 4:21

Kunangwa, avakulundu vi kiyaalo vavatihiza nukuviganihiza vudinyu, mani vavalakuula. Valora ndi nivudinyu ligali kuvaha amageri, kigira avandu vosi vaali ni vizominyaa Nyasaye kigira kekolwa yicho.

Vikolwa 5:13

Siyaali ho numulala ichova wu muganda gwa vandu vasuuvira uwaluvilira kuhambana navo mba, kali ndio avandu vandi vavizominya.

Vikolwa 6:3

Kunangwa, avaamitu, mutovole avandu saba ku munyi avaveeye nilizominywa lilahi, aviizula Roho Mutakatifu novogeri, kuvaviiki ku miyinzi yigu vagulindi.

Varumi 3:8

Kunangwa kigira ki kutavoola, “Leki kokole uvudamanu kuduuki konyoora uvulahi!” Avandu valala vamali konyega nu kunzala nokovoora makuva malala meele valakalagilwa kuli gaduukanaa.

2 Vakorintho 1:18

Nzisuha mu giligali ga Nyasaye ndi, gambolaa ku munyi sigaveeye “Yee” anoho “Awa” mba.

2 Vakorintho 11:21

Mbeeye soni kovora ndi kunyi kwaali avadedekere ligali kokora vindu yivio! Navuzwa niiva umundu woosi aluvilira kwekonyera kindu choosi, inzi molomaa kuli musiru kandi nduviliraa kwekonyera ku kindu yicho

2 Vakorintho 12:16

Munyi mulavugilira ndi inzi sindaali vuliduhu ku munyi mba. Navuzwa hawundi umundu wundi alavoora: “Kigira Paolo aveeye mugadi, uvagumiyi mu vugadi.”

2 Vakorintho 4:2

Kuviki halovega vikolwa viu vwivisu kandi zisoni; sikogerizaa kugaada vandu mba, anoho sikovehizaa likuva lia Nyasaye mba. Mu giligali komenyi imbiri wa Nyasaye nikogerizaa kwiyizominya vene mu zing'anagani zia vuli mundu.

1 Vatesalonike 2:3

Ligoonya lietu ku munyi si litulaa ku matava, anoho ku zing'anagani zindamanu, anoho sikugerizaa kugaada mundu vosi mba.

Vahebraina 13:13

Kunangwa kalunu gendi kuzie kuduuki kuye ichova wa hokososa ma kusange mu linyegwa lilie.

1 Petro 4:14

Musangare lwa munyegwa kigira muveeye avalondi va Kristo; yili limanyia Roho wu vukumi kandi Roho wa Nyasaye asoseraa mu munyi.

3 Yohana 1:12

Avandu vosi vizominyaa Demeturo; agiligali gene galolekizaa lizominywa lilie. Yee, kandi kunyi komeeda ku lilolekiza lietu, kandi mumanyi vulahi ndi gakovoola gaveeye giligali.

Likunula 3:9

Henza! Ndakora umuganda gwa Setani, vavola vaveeye Vayuda, navuzwa sivaveeye ndio mba giligali vavehaa; ndavakora vaze kusigama ha virenge vivio, kumanyia ndi inzi nguyaanzaa.