2 Vakorintho 6:6 - KITABU KITAKATIFU

⁶ Kigira vutakatifu vwitu, ilimanya, liekuzira, kandi zimbavasi, kumali kwimanyia aveene kuva vatumikiri va Nyasaye kuvitira mu Roho Mutakatifu kigira vuyanzi vwitu vwagiligali.

2 Vakorintho 6:6 ပူးပေါင်းရင်းမြစ်များ

Ezekieli 33:31

Kunangwa avandu vange vazaa kuhulira makuva aga oveeye nago, navuzwa si vakora aguvavoolela vakole mba. Vavoola makuva gu kuyaanziza, navuzwa vazizagiliraa muliiva liavo liokolomba vukala vunyingi.

Varumi 12:9

Uvuyanzi vwinyu vutava nu vugadi mba. Muvihilirwi agaveeye madamanu, muhande ku agaveeye malahi.

Varumi 15:19

kuzinguru zie vilolekizu ni viokogenyia, harara ni zinguru zia Roho Mutakatifu. Kunangwa, mu ligenda hoosi, kutura Jerusalemi kuduuka Iliriku, mali kwilwaza makuva malahi goosi ga Kristo.

1 Vakorintho 12:8

Roho ahaanaa ku mundu mulala livoora lio vogeri, na wundi ahevwa limanya kutura ku Roho mulala mwere.

1 Vakorintho 13:4

Vuyanzi vwikuziraa, kandi voveeye no vohoma; sivoveeye ne embodoka, anoho ni liegingira mba.

1 Vakorintho 2:16

Kuli Mang'oda Matakatifu gavoora, “Nivwaha unyala kumanya zing'anagani ziu Mwami? Nivwaha unyala kuhaana kuye zing'anagani?” Navuzwa, kunyi kuveeye ni zing'anagani zia Kristo.

1 Vakorintho 2:4

liegiza liange nililwaza liange siliali na makuva govogeri vutambi vwa vandu, navuzwa namakuva gi zinguru zia Roho wa Nyasaye.

2 Vakorintho 1:23

Inzi nangaa Nyasaye kuva muloli wange, yamanya mwoyo gwange! Ndaatovora mburi kuuza Korinzo kunangwa mburi kumuletera vudinyu.

2 Vakorintho 11:11

Mboraa yaga kigira ndamuyaanza kandi Nyasaye yamanya ndi ndamuyaanza!

2 Vakorintho 11:4

Munyi muvugiliraa nu vusangali umundu woosi uzaa ku munyi kandi yilwaza Yeso oveeye lugano, utali wa kunyi kwilwaza; kandi muvugiliraa roho ni Ivangeri eveeye lugano ligali kutura ku Roho ni Ivangeri ya mwanyoola kutura ku kunyi.

2 Vakorintho 11:6

Kali nindaveeye umumolomi umulahi navuzwa mu limanya simbeeye ndio mba; kunyi kumali kumwivaalira likuva yili zing'inga ziosi kandi mu liiva liosi.

2 Vakorintho 12:15

Ndayaanzizwa kutumikira viosi viambeeye navio, kali ukwihaana mwene ligali, kigira imioyo jinyu. Kunangwa, munyi mulanyaanza hakekeke navuzwa inzi ndamuyaanza mbitilira?

2 Vakorintho 13:10

Kigira yaga, ng'odaa ibarwa yiyi nimbeeye ihale kutura ku munyi kunangwa lwa ndakaaze, ndavuli kuva mululu ku munyi lwa nditumikira uvunyali vwu Mwami yamba. Yee, vunyali vwu kwumbaka munyi; sivoveeye vwu kusambula mba.

2 Vakorintho 2:10

Nimusamiiha mundu woosi ku chaakoli, inzi kandi ndamusamiiha. Niiva nyenya kusamiiha ligali samiiha imbiri wa Kristo kigira munyi,

2 Vakorintho 2:4

Ndaamung'odera ibarwa yeyo kuturana nu vudinyu vonene no vovereri mu mwoyo kandi namaliga manyingi. Lienya liange si liali kumuvereriza mba, navuzwa kokora munyi mumanye ndi ndaamuyaanza ligali vosi.

2 Vakorintho 3:3

Gaveeye havulavu ndi munyi muveeye va Kristo mwene yang'oda, yayaatuma kuvitira mu kunyi. Kristo siyageng'oda nu vwinu, navuzwa yageng'oda na Roho wa Nyasaye oveeye mwoyo. Siyageng'oda ku magina mavanze, navuzwa mu mioyo ja vandu.

2 Vakorintho 4:6

Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.

2 Vakorintho 7:2

Mwiguli imioyo jinyu ku kunyi! Sikwayonera mundu kali mulala mba, sikwadiviza umundu kali mulala; kinga sikwagada nukunuula umundu kali mulala mba.

Vagalatia 3:2

Nyenya kumanya vuzwa kindu kilala kutura ku munyi. Mwavugula Roho wa Nyasaye ku likora agi Lilaga lienyaa, anoho ku lihulira Ivangeri nu kugisuuvira?

Vagalatia 3:5

Nyasaye ohezaa munyi Roho, kandi okolaa vilolekizu hagati hinyu, akolaa vindu yivi viosi kigira mulonda agi Lilaga lienyaa, anoho kigira muhulira Ivangeri nu kugasuuvira?

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Vafeso 3:4

kandi niiva mulasooma icha mali kong'oda, munyala kwiga nukumanya limanyiriza liange lia agaviswa ga Kristo.

Vafeso 4:2

Muve ni liegehiza kazozo, vahoma kandi vikuziri; Mumanyie vuyanzi vwinyu ku liekuzirana aveene na vene,

Vafeso 4:32

Muve novohooma aveene ku aveene; muve nu mwoyo gwi zimbavasi kandi musamiihane aveene naveene kuli Nyasaye yasamiha munyi mu Kristo.

Vakolosai 1:27

Nyasaye yalohiza kuvulira vandu veve imbisu yeeye imbisu yu vutugi harara nu vukumi vwaveeye navwo ku vandu vosi imbisu eveeye ndi Kristo aveeye mu munyi, gaveeye kovora ndi mulakasange mu vukumi vwa Nyasaye.

Vakolosai 2:3

Kristo niyie uvula ovogeri vwosi kandi limanya lia Nyasaye.

Vakolosai 3:12

Kunangwa kuli avandu vatovole va Nyasaye, avaveeye avatakatifu na vayaanzwa, muve nu mwoyo gwi zimbavasi, vogoosi liegehiza, vohoma kandi, vwikuziri.

1 Vatesalonike 2:10

Munyi muveeye avalolekizi vitu, kandi Nyasaye ndio; miima jietu ku munyi vandu avasuuviraa jaali Mitakatifu, milungi kandi vugira imbara.

Tito 2:7

Mu vindu viosi ivi umwene wimanyie kuva oveeye chokololera ku miima milahi; ove musuuvirifu kandi mugulu mu liegiza liilio.

Yakobo 3:17

Navuzwa ovogeri vuturaa igulu, voveeye vulahi mulitanga ku viosi; voveeye vwi mirembe kandi, vwovohocha, kandi vwu vulina; vwokoleeta avandi ahimbi, vwizuyi zimbavasi na kandi vwama amakuyu gi vikolwa vilahi; uvutaveeye ni lieriza kandi uvugadi.

1 Petro 1:12

Nyasaye yavulira avaporofeti yava ndi, miyinzi jaavo sijali kigira madanyi gaavo aveene mba, navuzwa kigira munyi, kandi kuli mwahulira vatumwa avamwilwazira Makuva Malahi mu zinguru zia Roho Mutakatifu uwatumwa kutura mwigulu. Ivindu yivi nivio vie zingelosi venyeleriza nu vuha kuvimanya.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

1 Yohana 3:18

Avana vakekeeke vange, uvuyanzi vwitu vutava vwa amakuva ni limoloma iliere vuzwa mba; kuduuka vove uvuyanzi vwagiligali uvwimanyia uvwene mu vikolwa.

Vakalagi 16:15

Delila yamuvolera, “Unyala kovora ndi wainyaanza, lwa ombehelaa. Ongoli umusiru haali kavaga, na kuduuka kalunu ukikiri kombolera ikindu kekolombaa nuuva ni zinguru ligali.”