2 Vakorintho 6:4 - KITABU KITAKATIFU

⁴ Nitali mu vindu viosi via kokoraa kumanyia ndi koveeye avatumikiri va Nyasaye ku liekuzira linyingi, mu vusaliri, mu vudinyu kandi mu kivi.

2 Vakorintho 6:4 ပူးပေါင်းရင်းမြစ်များ

Isaya 61:6

Navuzwa munyi mulalangwa avasaalisi va Yahova, avatumikiri va Nyasaye wiitu. Mulalia nu kusangalira uvutugi vwi zihiiri, kandi nu kwiyizominya nokovoora ndi uvutugi yivu voveeye uvwinyu.

Joeli 1:9

Sieveeyeho ni isadaka yu vuswage anoho yi iwaini yukuhaana mu Litembeli mba; avasaalisi vasioma kigira vavura zisadaka ziukuhaana ku Yahova.

Joeli 2:17

Avasaalisi avatumikiri va Yahova hagati hu vwali kandi nuvwingiliru vwi Litembeli, kuduuka valiri, vasaale na vavoole: “Yahova, overerere avandu vovo. Utaleka izihiiri zindi zikulege nokokokolera kehenyahenye nokovoora, ‘Aveeye hayi Nyasaye winyu?’ ”

Luka 21:19

Muliekuzira lienyu nu vusuuvirifu, mulanyola livamwoyo litahera mba.

Yohana 16:33

Mali kovora yaga kunangwa munyi muduuki kuva ni mirembe ku lihambanywa ninzi. Mu kivala mulanyola lidambizwa; navuzwa muleme mwoyo! Inzi mali kuguuta kivala!”

Vikolwa 2:22

“Munyi avandu va Isiraeli, muhulirize amakuva yaga! Yeso wa Nazareti, yaali mundu wa Nyasaye yalang'aminya ku munyi ku vikolwa viokogenyia, na vie zinguru ni vilolekizu. Nyasaye yakolera vindu yivi muye hagati hinyu kuli munyi aveene mumanyi.

Vikolwa 20:34

Munyi aveene mumanyi ndayinzira na makono gange mwene, nduuki konyoora lienya liange, ni lia yavo avaari harara ninzi.

Vikolwa 9:16

Inzi mwene ndamumanyia goosi agamuduukira kusalira kigira lieta liange.”

Varumi 14:18

Uyu utumikira Kristo kuli ndio ayaanzwa na Nyasaye, kandi avugilirwa na vandu.

Varumi 16:10

Mirembe jange jiduuki ku Apele wu vusuuvirifu vwivwe mu Kristo vumali kuvugilirwa. Muhaane mirembe jange ku yavo vosi avaveeye munyumba ya Arisitobulo.

Varumi 3:5

Navuzwa, niiva vudamanu vwitu vumanyia ndi Nyasaye akolaa vulungi, kovora ki? Kovoole Nyasaye aveeye nu vudamanu lwakohezaa amageri? Mboraa yaga kuli umundu.

Varumi 5:8

Navuzwa Nyasaye yamanyia ndi yakuyaanza, kigira lwa kwaali nikukiri avoni, Kristo yakukuzira.

1 Vakorintho 3:5

Kunangwa Apolo nivwaha? Kandi Paolo nivwaha? Kunyi koveeye vuzwa avatumikiri va Nyasaye, ava mwanyoolera mu lisuuvira, kuli Mwami yahaana ku vuli mulala ku kunyi kokora muyinzi.

1 Vakorintho 4:1

Kunangwa gadukanaa avandu vakuvuguli kuli koveeye avatumikiri va Kristo, avahevwe vunyali vwu kwilwaza agaviswa giligali ga Nyasaye.

1 Vakorintho 9:11

Kunyi kwatanga vumwu vwa Roho hagati sikeveeye kindu kenene niiva kwakanyooye vindu vie kivala kutura ku munyi mba.

2 Vakorintho 11:23

Yavo vaveeye avatumikiri va Kristo? Inzi mbeeye mutumikiri mulahi wa Kristo ligali kuvavita; mboraa yaga kuli umulalu. Mali kuyinzira vudinyu ligali mali kuvikwa mu vuhambe haali kanyingi. Mali kukuywa haali kanyingi ligali, kandi mali kuva ahimbi ku likuza vuli ing'inga.

2 Vakorintho 11:27

Ndaakola miyinzi mu vunyang'ani; ndaminika haali kanyingi vugira zindoolo; ndaali ninzara nu vuluhu; haali kanyingi ndaaviikwa muvuhambe nokomenya mu vukindu vugira zinguvu.

2 Vakorintho 11:9

Lwa ndaali harara ni munyi nokogehera vindu, sindamunyangiza kigira vokonyi lwa ndaali nilienya mabese mba; avaamitu vaatura Makedonia vandetera viosi via ndaali ningeheywe. Kuli mu maziambiri kandi mu madiku gaaza: Sindava musigo kumunyi kandi mba.

2 Vakorintho 12:10

Sangala mu vodedekere, amanyego, uvudinyu, lidambizwa nu vudinyu vwosi kigira Kristo. Lwa inzi mbeeye umudedekere, nilwo lwa mbeeye ni zinguru.

2 Vakorintho 12:12

Vilolekizu vinyingi kandi agokogenyia manyingi ga havulavu galolekizaa ndi inzi mbeeye mutumwa wagiligali, viekoleka hagati hinyu nu vwikuziri vunyingi.

2 Vakorintho 2:17

Kunyi sikoveeye kuli avandu vandi vanyingi, avagulizaa likuva lia Nyasaye mba; navuzwa kigira Nyasaye, umali kutuma kunyi, kovora agiligali imbiri weve kuli avatumikiri va Kristo.

2 Vakorintho 3:6

Yakokola kove avatumikiri vadukiru vi Lilagana lihia litaveeye lie lilaga liang'odwa, navuzwa lia Roho. Lilaga liang'odwa liletaa likuza, navuzwa Roho ahaanaa livamwoyo.

2 Vakorintho 4:17

Lidambizwa lia konyoora lie ing'inga ngekeeke, kandi ni likekeeke vuzwa; lilakakoletere vukumi vonene vwi mihiga ni mihiga kuvita vudinyu vwakonyoolaa.

2 Vakorintho 4:2

Kuviki halovega vikolwa viu vwivisu kandi zisoni; sikogerizaa kugaada vandu mba, anoho sikovehizaa likuva lia Nyasaye mba. Mu giligali komenyi imbiri wa Nyasaye nikogerizaa kwiyizominya vene mu zing'anagani zia vuli mundu.

2 Vakorintho 4:8

Kukubizwa kivi kazozo mu zinzira ziosi, navuzwa sikudivizwa mba. Ing'inga yindi, konyoora vudinyu, navuzwa sikukuzaa mwoyo mba.

2 Vakorintho 7:11

Loli ga Nyasaye yakola kigira vovereri, vwinyu, vuluviliri vwa mwanyoola; liiva liamwaali nalio kumanyia ndi muvura imbila, vutima vuti, liegomba kolola ndi vulungi vwekoleki, liegomba lia havulavu, vwihaani vwa mwanyoola, kandi kuli mwetegeka kuhaana mageri ku vandu vaakora vudamanu. Munyi mwayimanyia ndi simuveeye nimbala ku makuva yaga goosi mba.

Vakolosai 1:11

Mudinyirizwi ni zinguru ziosi kolondekana novukumi vwi zinguru zizie kuduuka ku vwikuziri vwosi novohocha vwosi harara nu vusangali;

Vakolosai 1:24

Kalunu sangala mu vusaliri vwange kigira munyi, kuvitira mu vusaliri vwange vwu muviri, ngonyanilaa cha ligala mu vusaliri vwa Kristo kigira muviri gwigwe, ogoveeye likanisa.

1 Vatesalonike 3:7

Kigira yaga, avaamitu viitu, kwaleminywa mioyo mu kivi chietu choosi no mulidambizwa lietu kigira lisuuvira lienyu.

1 Vatesalonike 5:14

Kumuzuvaa munyi avaamitu viitu, muliganihizi avagata, muluvirizi vati, mukoonye avadedekere, kandi mwikuziri ku avandu vosi.

Vahebraina 12:1

Kunangwa, kigira, kukumbiriziywi nikiduma kenene cha valolekizi, gendi kuviiki halovega misigo josi miliduhu jinyala kukwigalira kandi vwoni vuhandaa kukunyi vudinyu ligali, kandi gendi kunyaguli mu ligerana liviikiywi imbiri wiitu nuvwikuziri.

Likunula 1:9

Inzi Yohana, amwavo winyu kandi kuli umulondi wa Yeso, mbeeye umusangi harara ni munyi, muliekuzira ku uvusaliri vuduuka ku yavo vosi avaveeye mu vwami vwa Nyasaye. Inzi ndaavoherwa mu kisulu cha Patimo kigira ndilwaza likuva lia Nyasaye kandi agiligali ga Yeso yambulira.

Likunula 3:10

Kigira walinda lilaga liange nuwikuzira ndakulinda mu ing'inga yo kogerizwa yiza ku lirova liosi kogeriza yavo avamenyaa mulio.