2 Vakorintho 6:2 - KITABU KITAKATIFU

² Nyasaye avoora ndi: “Lwing'inga yaduuka yukumumanyia livugilirwa, ndaamuhulira; Lwi lidiku liaduuka liu kumuhonyia, ndamukonya.” Huliriza yiyi niyio ing'inga yakonyoola livugililwa lia Nyasaye kalunu ni lidiku liokohonywa.

2 Vakorintho 6:2 ပူးပေါင်းရင်းမြစ်များ

Zaburi 69:13

Navuzwa inzi O, Yahova, ndasaara ku ivi. O, Nyasaye, yaanza undivuliri lisaala liange mu ing'inga ya ivi mwene otovola. O, Nyasaye, yaanza undili kigira vuyanzi vuvwo ovonene ku inzi, kigira ivi unduukizaa lilagana liilio lio kohonyia.

Isaya 49:8

Yahova avooreraa avandu veve ndi, “Lwi ing'inga iduuka yu kumuhonyia, ndamanyia liyaanzilira liange ku munyi, kandi ndahaana amativuli ku lianira lienyu lio vokonyi. Ndamulinda kandi ndamukinga, kandi ndalomba lilagana liange na ivi kulwa vandu vosi. Ndamukora mumenye kandi mu kivala chiinyu kalunu ichalekwa vuzwa.

Isaya 61:2

Yaanduma kwilwaza ndi, ing'inga imali kuduuka, lwa Yahova ahonyia avandu veve, kandi alaguuta avasigu veve. Yaanduma koleminya mioyo ja yavo vosi avasioma.

Ezekieli 16:8

“Lwa ndaavitira ho kandi, ndaalora ndi ing'inga iduuki munyi kuyanzwa. Ndaakunika chahonyo chienyu nilikoti liange, kandi ndavasuuviriza ndi ndamuyanza. Yee, ndalomba lilagana liange ni munyi kandi mwagwa avandu vange.” Yaga nigo aga Yahova Wuvunyali avoora.

Luka 18:37

Vaamuvolera, “Yeso wa Nazareti avitira hano.”

Luka 4:19

Kandi kulandiza muhiga mulahi lwu Mwami alihonyia avandu veve.”

Vahebraina 3:13

Navuzwa mulala ku munyi avuli kugadwa nu vwoni kandi agwi mwigingiri. Kuduuka mukonyane aveene naveene vuli lidiku, ku lohono lwi likuva “Kalunu” mu Mang'oda Matakatifu limolomaa ku kunyi.

Vahebraina 3:7

Kunangwa, kuli Roho Mutakatifu avoora, “Niiva muhulira mwoyo gwa Nyasaye kalunu,

Vahebraina 4:7

Yaga gamanywa ni kivuni ndi Nyasaye aviikaa ho lidiku lindi, lilangwa “Kalunu.” Inyima wi mihiga minyingi, yamoloma kugo kuvitira mu Daudi mu Mang'oda Matakatifu kovora, “Kalunu ni muhulira mwoyo gwa Nyasaye, mutadinyia mioyo jinyu mba.”