2 Vakorintho 6:17 - KITABU KITAKATIFU

¹⁷ Mwami avoora, “Mwiyahuli aveene kutura kuvo. Mutadiiri kindu choosi kitaveeye kinifu, ninzi ndamuvugirira.

2 Vakorintho 6:17 ပူးပေါင်းရင်းမြစ်များ

Ezara 10:11

Maku kalunu, mwiyame uvwoni vwinyu ku Yahova, Nyasaye wa vaguuga vinyu. Mukore kolondekana ni lienya lilie kwiyahuli aveene kutura ku vandu avageni avamenyi mu kivala chienyu, kandi muleke avakali avageni.”

Ezara 6:21

Avandu va Isiraeli vosi avaari ni virani kutura mu vuhambe, kandi vosi avaari niviyahuli kutura ku vudamanu vwa vandu vamenya mukivala, avaari nivaazi kusigamira Yahova Nyasaye wa Isiraeli, valia ligondi yili.

Tsing'ano 9:6

Muleke muganda gwa vandu avasiru, na mulamenya. Mulonde kunzira yilimanya.”

Isaya 52:11

Muzie! Muzie! Muturi hano; mutadiira kindu kitali kinifu! Muzie mutule hagati ha vandu va Babiloni! Mwitakase munyi avagingaa viju via Yahova.

Jeremia 15:17

Inzi sindiikala harara nu muganda guyaanzaa kandi kusangalira uvudamanu mba. Kigira liitia amalago googo ndikala wengine kandi ndaali nu vutima vunyingi.

Jeremia 51:6

Mwiruki kutura mukivala cha Babiloni! Vuli mundu yehonyie umwene! Mutitwa kigira uvwoni vwa avandu va Babiloni mba. Kalunu mbanzaa kisaalia kandi mbana amageri ku vandu yava kuli gavadukiraa.

Livalidza 16:21

“Mwiyahuli kutura ku vandu yava, ninzi ndavadiviza vwangu ligali.”

Livalidza 16:26

Musa yavolera vandu, “Musingiri ihale kutura ku mahema ga vandu vachamu yava, kandi mutadiiri ku kindu chavo mba. Nigataveeye ndio, mulitwa harara navo kigira vwoni vwavo vwosi.”

Livalidza 16:45

“Singira ihale kutura ku vandu yava, na ndavadiviza lwene yilu!” Vombi vinama hasi, nu vweni vwavo vwaduuka kumalova,

Vikolwa 2:40

Petero yiganihiza avandu na amakuva gandi manyingi, na avanigaa, navoora, “Mwehonyie ku likula lidamanu yili.”

Varumi 15:7

Kunangwa, muvugilizane aveene naveene kuli Kristo amali kumuvugilira muduuki kwizominya Nyasaye.

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

Kwidzulitsa 14:6

Munyala kulia inyama ku yoosi eveeye ni zimbagayu ziavukana hagati kaviri, ni iziliiza igamuura.

Likunula 18:4

Maku ndaahulira mwoyo gundi gutulaa mwigulu, nigovoora, “Avandu vange, muturi mulio! Mutava ni lisanga nalio muvwoni vwalio mba! Mutava ni lisanga ku maduywa galio mba.