2 Vakorintho 6:16 - KITABU KITAKATIFU

¹⁶ Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora, “Ndakalombe hango hange harara na vandu vange nokomenya hagati haavo ndakave Nyasaye wavo, navo valava avandu vange.”

2 Vakorintho 6:16 ပူးပေါင်းရင်းမြစ်များ

1 Avami 18:21

Elija yazia ku vandu zana navoora, “Galavugula lohono ki kunangwa munyi muduuki ku likalaga? Niiva Yahova ni Nyasaye, mumusigamiri; navuzwa niiva Baali aveeye nyasaye, mumusigamiri!” Navuzwa vandu sivativula likuva kali lilala mba.

Zaburi 90:1

O, Yahova, ivi oveeye vomenyo vwitu mu makura goosi.

Kutwula 20:3

“Mutasigamiri vanyasaye vandi nataveeye inzi mba.

Kutwula 23:13

“Muhulirizi vindu viosi via inzi, Yahova, mali kovora ku munyi. Mutasaala ku vanyasaye vandi mba; kali mutatala amita gaavo mba.

Kutwula 25:8

Kuduuka avandu vanombere lihema hatakatifu, kunduuki komenya hagati haavo.

Kutwula 29:45

Ndamenya hagati ha vandu vange Isiraeli, kandi ndava Nyasaye wavo.

Kutwula 34:14

“Mutasigamiri umunyasaye wundi mba kigira Inzi, Yahova, mbeeye Nyasaye wokokendeka.

Jeremia 24:7

Ndavakora vave nuvuha vwu kumanya ndi inzi mbeeye Yahova. Maku valava avandu vange, na inzi ndava Nyasaye wavo, kigira valirana ku inzi ni mioyo jaavo josi.

Jeremia 31:1

Yahova avoora, “Ing'inga yiza lwandakave Nyasaye wi zihiiri ziosi zia Isiraeli, kandi valakave avandu vange.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Jeremia 32:38

Maku, valava avandu vange, na inzi ndava Nyasaye wavo.

Ezekieli 11:20

Maku valakalonde malago gange muvusuuvirifu vwosi valakave avandu vange na inzi ndakave Nyasaye wavo.

Ezekieli 36:25

Ndasundura mazi malahi ku munyi, na ndamukora kuva avanifu kutura ku vudamanu vwosi vwi vifananyi via mwononyia.

Ezekieli 36:28

Maku mulakamenye mu kivala cha ndahaana ku vaguuga vinyu. Mulakave vandu vange na Inzi ndakave Nyasaye winyu.

Ezekieli 43:7

yambolera, “Mwana wu Mundu, hano ni havundu he ndeve yange yu Vwami. Ndamenya havundu yaaha nu kwamiiha vandu vange Isiraeli mihiga ni mihiga. Avandu va Isiraeli, anoho avami vaavo si valonogonyia lieta liange litakatifu nu kusigamira avanyasaye anoho kuyavira miviri mikuzu ja vami vaavo havundu hano mba.

Ezekieli 43:9

Kalunu valeke kusigamira avanyasaye vandi kandi vahiri miviri mikuzu ja vami vaavo ihale kutura ku inzi. Niiva valakola ndio, inzi ndamenya hagati haavo mihiga ni mihiga.”

Hosea 14:8

Avandu va Isiraeli si valeenya vifananyi kandi mba; Inzi ndahaana mativuli ku lisaala liavo kandi ndavalinda. Inzi ndava chiriri kuvo kuli musaala muvisi gwu mudaragwa: kandi ligasiza liavo liosi lilatula ku Inzi.”

Hosea 2:23

Ndaviika avandu vange mu kivala kandi ndavakora kugasizwa. Ndayaanza yavo avalangwa “Avatayanzwa,” kandi ndayaanza yavo avalangwa, “Avandu vataveeye avange.” Kalunu ndavoora, “Munyi muveeye avandu vange,” navo valativura, “Ivi oveeye Nyasaye wiitu.”

Kyavalevi 26:12

Ndava ni munyi; Ndava Nyasaye winyu, na munyi mulava avandu vange.

Zefania 1:5

Ndakadivizi vuli mundu woosi ulakanini ku inyumba igulu nu kusigamira liuva, umweli kandi zing'ereng'ani. Ndakadivizi yavo avasigamiraa kandi aviisuhaa kuhaana ku inzi luyali, kandi visuha mulieta liumunyasaye Moleki.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Zekaria 8:8

kandi ndakavilanyie kutura Ivugwi kandi Imadioli vaze komenya mu Jerusalemi; valakave vandu vange, na inzi ndakave Nyasaye wavo. Ndakavamiihi mu vusuuvirifu kandi mu vulungi.

Matayo 16:16

Simoni Petero yativura, “Ivi oveeye Mesia Umwana wa Nyasaye oveeye mwoyo.”

Matayo 6:24

“Si haali nu mundu unyala kutumikira avami vaviri mba; kigira aladunyira mulala, na ayaanze wundi; anoho alava musuuvirifu ku mulala na achaye wundi. Si munyala kutumikira Nyasaye harara nu vutugi mba.

Luka 5:36

Yeso yavavolera lugano yilu: “Avandu sivakalaa kilavi chinguvu imbia nukukinavira kunguvu ingulu mba. Niiva vakora ndio valava nivatanduyi inguvu, kandi ikilavi kihia sikilaleng'ana ninguvu ingulu mba.

Yohana 14:23

Yeso yamutivulira, “Mundu nanyaanza, alagumira amigizu gange. Baba wange alamuyaanza, kandi Baba wange harara nainzi kulaaza kuye, na kulamenya naye.

Yohana 6:56

Uyu ulia muviri gwange nukunwa amasahi gange, amenyaa mu inzi nainzi menyaa muye.

Varumi 8:11

Niiva Roho wa Nyasaye, wasimugukiza Yeso Kristo kutura mu vakuzu, amenyaa mu munyi, hene yaho, uyu wasimugukiza Yeso Kristo kutura mu vakuzu alahaana livamwoyo mu miviri jinyu kuvitira mu Roho weve, omenya mu munyi.

Varumi 8:9

Navuzwa munyi si mumenyi kuli liiva lienyu liu muviri limuvoolera mba; navuzwa mumenyaa kuli Roho amuvoleraa mumenye, niiva Roho wa Nyasaye amenyaa mu munyi. Ku vosi utaveeye na Roho wa Kristo, mwene oyo siaveeye weve mba.

Varumi 9:26

Havundu yaho aha vavolerwa, ‘Simuveeye avandu vange,’ ahene yaho valakalangirwi ho avana va Nyasaye oveeye mwoyo.”

1 Vakorintho 10:21

Simunyala kunwera mu kekombe chu Mwami kandi munwere mu kekombe cha mademoni mba; simunyala kusanga iliilia komesa yu Mwami kandi komesa ya mademoni mba.

1 Vakorintho 6:19

Sumanyi muviri gugwo goveeye Litembeli lia Roho Mutakatifu omenya mu ivi, kandi wa mwanyoola kutura ku Nyasaye? Muviri gugwo sigoveeye gugwo mwene mba, navuzwa goveeye gwa Nyasaye.

Vafeso 2:20

Munyi kandi mwumbakiywi ku musingi ugwalombwa na avatumwa kandi avaporofeti, Kristo mwene naveeye ligina liu mukoona.

Vafeso 2:22

Mu Kristo, kandi munyi kandi mwumbakwa harara na avandu vosi, muduuki kuva vomenyo vwa Nyasaye omenya mu kuvitira mu Roho weve.

Vafeso 3:17

Saalanga ndi kandi Kristo aduuki kolomba vomenyo vwivwe mu mioyo jinyu kuvitira mu lisuuvira. Saalanga ndi vuyanzi vuduuki kuva musingi gwivindu viosi via mukoraa,

Kwidzulitsa 5:7

“Mutasigamiri avanyasaye vandi, navuzwa inzi nzieng'ine.

Vahebraina 3:6

Navuzwa Kristo aveeye musuuvirifu kuli Mwana ulindi mu inyumba ya Nyasaye. Kunyi koveeye inyumba yeeye, niiva kulava nuvuluviliri kandi niiva kulava ni lisuuvira mu cha kwasuuvirizwa.

Vahebraina 8:10

Kalunu, yili nilio lilagana lia ndilomba na vandu va Isiraeli mu madiku gaaza, Mwami avoora, ndaviika malago gange mu zing'anagani ziavo, kandi ndakagang'ode mu mioyo jaavo; kandi ndakave Nyasaye wavo, navo valakave avandu vange.

Yakobo 4:5

Muganaganaa agiligali sigaveeye mu Mang'oda Matakatifu gavoora ndi, “Roho wa Nyasaye yavika amenye mu kunyi, yizuuyi likayirwa lilulu.”

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.

1 Yohana 4:12

Siaveeyeho nu mundu kali mulala walola Nyasaye. Navuzwa niiva kunyi kuyaanzana, Nyasaye amenyaa mu kunyi, kandi uvuyanzi vwivwe voveeye vuduukiru mu kunyi.

1 Yohana 4:15

Mundu woosi wiyama Yeso nu mwana wa Nyasaye, Nyasaye amenyaa muye, naye mu Nyasaye.

Likunula 2:1

“Ng'odera engelosi wi likanisa lia Efeso: Yaga nigo amakuva ga uyu ugumiyi zing'ereng'ani saba mu mukono gwigwe umulungi kandi ogendaa hagati hi ivinaara vie zitaya saba, vie izahabu avoora.

Likunula 21:3

Ndaahulira umwoyo munene nigutura mundeve yu vwami vwa Nyasaye, ni govoora, “Kalunu ovomenyo vwa Nyasaye voveeye harara na avandu! Alamenya navo, navo valava avandu veve. Nyasaye mwene alava harara navo, kandi alava Nyasaye wavo.

Likunula 21:7

Mundu woosi uliguuta alakanyoole imiandu yiji kutura ku inzi: Inzi ndava Nyasaye weve, naye alakave umwana wange.