2 Vakorintho 6:11 - KITABU KITAKATIFU

¹¹ Avalina vayaanze mu Korinzo! Kumali kwilwaza ku munyi havulavu. Kumali kwigura imioyo jietu ku munyi.

2 Vakorintho 6:11 ပူးပေါင်းရင်းမြစ်များ

Ayubu 32:20

Kuduuka molome kunangwa nduuki konyoora vosoosi; kuduuka ngunuli munwa gwange nukutivula.

Zaburi 119:32

Ndahulira malago googo nu mwoyo gwosi, kigira ulamba limanyiriza linyingi ligali.

Zaburi 51:15

O, Yahova, ongonye komoloma; na inzi ndakwizominya.

Isaya 60:5

Maku mulalora yaga kandi mioyo jinyu jilava nu vusangali ligali. Mudegera muligosa miandu ji zihiiri jilaletwa ku munyi; uvutugi vwavo vulaza kutura engeleka wi inyanza.

Ezekieli 33:22

Mugorova inyima wu mundu uyu yaali nakikiri kuduuka, ndaali nimali kuhulira zinguru zinene zia Yahova. Lwu mundu uyu yaduuka mugamba gwalonda ku, Yahova yaanziranyira zinguru ziu komoloma.

Habakuk 2:5

Vutugi voveeye vugadi. Avandu vahuvaalu vaveeye ni liekonya kandi sivituuliraa mba. Vaveeye kuli likuza kigira si vaguuta mba. Nicho kigira nivaguuta zihiiri.

Vikolwa 18:1

Inyima wa yaga, Paolo yatura Azene, nazia Korinzo.

Vikolwa 18:8

Krisipo, munene wi lisinagogi, yasuuvira mu Mwami, oyo harara na avinyumba yeeye vosi. Avandu va Korinzo avanyingi avahulira likuva lia Paolo vasuuvira, kandi nivabatizwa.

2 Vakorintho 12:15

Ndayaanzizwa kutumikira viosi viambeeye navio, kali ukwihaana mwene ligali, kigira imioyo jinyu. Kunangwa, munyi mulanyaanza hakekeke navuzwa inzi ndamuyaanza mbitilira?

2 Vakorintho 2:4

Ndaamung'odera ibarwa yeyo kuturana nu vudinyu vonene no vovereri mu mwoyo kandi namaliga manyingi. Lienya liange si liali kumuvereriza mba, navuzwa kokora munyi mumanye ndi ndaamuyaanza ligali vosi.

Vagalatia 3:1

Munyi Avagalatia vasiru! Nivwaha wamuloga? Imbiri wi zimoni zienyu ziene mwivaalirwa havulavu kuli Yeso Kristo yakuza ku musalaba.

Vagalatia 4:12

Ng'onyaa munyi avaamitu vange, muve kuli inzi. Kali ndio inzi mbeeye kuli munyi. Mukikiri kongolera uvudamanu vwosi.

Vafeso 6:19

Musaliri kandi kunangwa Nyasaye aduuki kuhaana ku inzi chanyala kovora lwa moloma nuvuluviliri, nokuvuula agaviswa gi Ivangeri.

Vafeso 6:8

Mwizurizi ndi, Mwami alakahaane madanyi ku mundu woosi ave mutugwa anoho muvoholore.

Vafilipi 1:8

Nyasaye aveeye mulolekizi wange ndi mboraa agiligali, lwambolaa ndi vuyanzi vwange ligali ku munyi mwosi vuturaa ku Kristo Yeso.

Vafilipi 4:15

Munyi Avandu va Filipi mumanya vulahi ligali lwa ndaatula Makedonia, mu madiku gu kutanga gukwilwaza Ivangeri, ni munyi veng'ine avamwangoonya. Nimunyi veng'ine vandetera vihaanwa.

Likunula 22:12

Yeso avoora, “Hulira Inzi nziza vwangu! Mbeeye na amadanyi gange, kutunga umundu sa mulala kolondekana ni miyinzi jije.

1 Samweli 2:1

Hana yasaala navoora: “Mwoyo gwange gusangalanga mu Yahova. Zinguru ziange zinenehiziywi mu Yahova. Munwa gwange gosekelizaa avasigu vange, kigira inzi sangaliraa mu vohonyi vuvwo. Mbeeye nuvusangali vonene kigira Nyasaye umali kongonya!