2 Vakorintho 5:6 - KITABU KITAKATIFU

⁶ Kunangwa kunyi kwizuyi kelemamwoyo kazozo. Kumanya vulahi ndi lwa kokemenyi hango mu muviri yigu, koveeye ihale kutura ku Mwami.

2 Vakorintho 5:6 ပူးပေါင်းရင်းမြစ်များ

1 Kyetsinyinga 29:15

Ivi umanya vulahi O, Yahova, ndi kuvitiraa mu livamwoyo kuli avageni kandi avahaminywa imbiri woovo kuli avaguuga viitu vaakora. Madiku giitu mu lirova gaveeye kuli ichiriri kivitaa kandi si kunyala kohona ku likuza mba.

Zaburi 119:19

Inzi mbeeye hano ku lirova ku ing'inga ngekeeke vuzwa; utavisa malago googo kutura ku inzi mba.

Zaburi 39:12

O, Yahova, yaanza uhulirizi ku lisaala liange, kandi hulira lianira liange; hamba ongonye lwa mbeeye ni lilira linyingi. Mbeeye vuzwa mugeni woovo ku ing'inga engekeeke, kuli avaguuga viitu vosi vaali.

Tsing'ano 14:26

Liitia Yahova lihaana vuluviliri kandi likinga ku mundu harara na vinyumba yeeye.

Isaya 30:15

Yahova Mwami Wuvunyali, Nyasaye Mutakatifu wa Isiraeli, avooreraa avandu, “Mwirane ku inzi galaha, kandi musuuviri inzi. Nimukora ndio, mulava ni zinguru kandi mulava mulikingwa.” Navuzwa si mwenya kokora ndio mba!

Isaya 36:4

Maku Rabishake, mwimiliri wa vatumikiri va Asiria yavavolera, “Voleli Hezekia ndi, mwami munene wa Asiria amuteeva, vuluviliri vwivwe vwidiira kuliha?

2 Vakorintho 5:1

Kumanya ndi inyumba yitu ya komenyi mu kalunu yumuviri gwitu mu lirova lwiisambulwa, Nyasaye alakakohe inyumba mwigulu komenye mu, inyumba ya oyo mwene yumbaka, ihindiraa mihiga ni mihiga.

2 Vakorintho 5:8

Koveeye ne kelemamwoyo kandi kwakayaanzi kutura mu muviri yigu ma kuzie komenya harara nu Mwami Yeso.

Vahebraina 10:35

Kunangwa mutaleki uvuruviliri vwinyu mba, kigira voletaa madanyi manene ligali.

Vahebraina 11:13

Avandu yava vosi vaakuza nivaveeye mu lisuuvira. Vaakuza nivakikiri konyoora vindu via Nyasaye yavasuuviriza. Navuzwa vaali nivaviloleeye ihale, kandi nivavavugilira, kandi niviyama havulavu ndi vaali avageni na vamenya mu lirova.

Vahebraina 13:14

Kigira hano mu lirova sikoveeye nilidaala linene lihindiraa mba; kulindiliraa lidaala linene lizaa.

1 Petro 5:1

Inzi, oveeye mukulundu wache, mbolera avakulundu vi livugana avaveeye hagati hinyu. Inzi mbeeye umuloli wuvusaliri vwa Kristo, kandi mbeeye umusangi wu vukumi vuliloleka.

Likunula 1:9

Inzi Yohana, amwavo winyu kandi kuli umulondi wa Yeso, mbeeye umusangi harara ni munyi, muliekuzira ku uvusaliri vuduuka ku yavo vosi avaveeye mu vwami vwa Nyasaye. Inzi ndaavoherwa mu kisulu cha Patimo kigira ndilwaza likuva lia Nyasaye kandi agiligali ga Yeso yambulira.