2 Vakorintho 5:20 - KITABU KITAKATIFU

²⁰ Kunyi koveeye avatumwa va Kristo; Nyasaye mwene atumikiraa kunyi kogoonya munyi. Kumugoonya mu vogono vwa Kristo, muhambanywe na Nyasaye.

2 Vakorintho 5:20 ပူးပေါင်းရင်းမြစ်များ

2 Avami 17:13

Yahova yiganihiza Ivuyuda na Isiraeli kuvitira ku vaporofeti na vatumwa navoora, “Girung'ani kutura kuzinzira zienyu zindamanu. Gumiri malago gange ni miima jange kolondekana ni Lilaga liosi lia ndalaga avaguuga vinyu vahuliri kandi lia ndaha munyi kuvitira ku vatumikiri vange avaporofeti.”

2 Kyetsinyinga 36:15

Yahova Nyasaye wa vaguuga vaavo yaazizagilira kutuma avaporofeti ukwiganihiza avandu veve kigira yenya kuvahonyia kandi kosoola Litembeli lilie.

Nehemia 9:29

Ivi waviganihiza vaatia amigizu googo, navuzwa vigingira kandi nivavula kuhulira malago googo. Vakora uvwoni ku malago googo, agahana livamwoyo niva umundu alagalinda. Mu liegingira liavo nilindinya magoti gaavo vasuura.

Ayubu 22:21

“Uvugiliri Nyasaye kalunu, na ulava mu mirembe naye; niiva ulakola ndio, alakugasiza.

Ayubu 33:23

Hawundi engelosi anyala kuuza kokonya mulala ku zingelosi va Nyasaye zielefu, avukwizuliza vandu amakuva gi miyinzi jaavo.

Ayubu 33:6

Ivi harara ni inzi kufanana imbiri wa Nyasaye, kwombi kwalombwa kutura ku vodohi.

Tsing'ano 13:17

Mutumwa mudamanu aletaa vudinyu, navuzwa yavo avanyala kusuuvirwa valeta mirembe.

Isaya 27:5

Navuzwa niiva avasigu va vandu vange valeenya likingwa kutura ku inzi, leki valombe mirembe ninzi. Yee, leki valombe mirembe ninzi.”

Jeremia 38:20

Inzi ndaavoora, “Ivi siulavikwa mu zinguru zia avandu va Babiloni mba. Ngogonya utie likuva lia Yahova; hene yaho, goosi galava amalahi ku ivi, kandi ulava mwoyo.

Jeremia 44:4

Ndaazizagilira kutuma ku munyi avatumikiri vange avaporofeti, avamuvoleraa muvuli kokora vindu vidamanu yivi iviandunyiraa.

Malaki 2:7

Miyinzi ja vasaalisi nu kwigiza agaveeye gagiligali ga Nyasaye. Avandu gavadukiraa vazie kuvo kwiga liiva liange, kigira vaveeye vatumwa vange.

Luka 10:16

“Oyo uhulira munyi, ahuliraa inzi; kandi oyo usulaa munyi asuraa inzi, kandi oyo usulaa inzi asuraa uwanduma.”

Luka 14:23

Mwami yavolera mutumikiri, ‘Zia kuzinzira ziu mumilimi kandi muzinzevo unige avandu vaze kwingira munyumba yange iduuki kwizura.

Yohana 20:21

Yeso yavavolera kandi, “Mirembe jive ku munyi! Kuli Baba yanduma, kandi nainzi nduma munyi.”

Varumi 5:10

Kigira lwa kwaali nikukiri avasigu va Nyasaye, kwahambanywa naye kuvitira mu likuza liu Mwana weve; kuvita ligali, kalunu kumali kuhambanywa na Nyasaye, kulakahonywi ni livamwoyo lilie.

2 Vakorintho 12:10

Sangala mu vodedekere, amanyego, uvudinyu, lidambizwa nu vudinyu vwosi kigira Kristo. Lwa inzi mbeeye umudedekere, nilwo lwa mbeeye ni zinguru.

2 Vakorintho 3:6

Yakokola kove avatumikiri vadukiru vi Lilagana lihia litaveeye lie lilaga liang'odwa, navuzwa lia Roho. Lilaga liang'odwa liletaa likuza, navuzwa Roho ahaanaa livamwoyo.

2 Vakorintho 5:11

Kigira kunyi kumanyi uvulahi vwu kutia Mwami, kogerizaa kokora zinguru kogoonya avandu vavugiliri uvusuuvirifu vwitu. Nyasaye amanya kunyi ligali, ninzi mbeeye ni lisuuvira ndi, mu zing'anagani zie mioyo jinyu, munyi mwamanya inzi vulahi.

2 Vakorintho 6:1

Kuli kunyi koveeye avayinziri harara na Nyasaye, kumugoonya mutumikiri vulahi zimbavasi zizie zia mumali konyoora.

Vafeso 6:20

Kigira Ivangeri yiyi inzi mbeeye mutumwa kali niiva mbeeye muvuhambe kalunu. Musaliri nduuki kugevoola novuluviriri mu lilwaza Ivangeri kuli gandukira kovora.

Vakolosai 1:20

Kuvitira mu Mwana, Nyasaye yatovola koleta vilombe viosi viirane kuye umwene. Nyasaye yalomba mirembe kuvitira mu likuza lie sadaka yu Mwana weve ku musalaba; kandi ndio yaleeta vindu viosi ku lirova anoho mwigulu viirane kuye mwene.

1 Vatesalonike 4:8

Kunangwa, uyu usuulanga amigizu yaga siasuraa mundu, navuzwa asuraa Nyasaye, uhaanaa kumunyi Roho weve Mutakatifu.