2 Vakorintho 5:13 - KITABU KITAKATIFU

¹³ Niiva kololeka kuva avalalu, yago gaveeye ndio kigira Nyasaye. Navuzwa, niiva ziganagani zio vogeri vwitu ni zindahi yago gaveeye ndio kigira vukala vwinyu.

2 Vakorintho 5:13 ပူးပေါင်းရင်းမြစ်များ

Jeremia 29:26

“Zefania, Yahova yakola ivi kuva musaalisi mu vogono vwa Jehoyada, kandi kalunu oveeye umunene mu Litembeli. Nu Vunyali vwuvwo kolola ndi mundu woosi oveeye umulalu, kandi wekolaa umuporofeti, agumilwi nokovofwa ni minyororo kandi kumuviika munyumba ya avahambe.

Marko 3:21

Lwa avinyumba yeeye vahulira, vazia kumugumira kigira avandu vaali ni vavoola, “Yaali kulaluka.”

Varumi 12:3

Kigira kihanwa chi zimbavasi zia Nyasaye ku inzi, muvooleraa munyi mwosi: Mutiganagana aveene kuva igulu ligali kuvita kuli gamudukira muve mba. Mu vogono yivwo muve hagati mu zing'anagani zienyu, kandi mwikalagiri aveene kolondekana ne kegero chi lisuuvira lia Nyasaye amali kuhaana ku munyi.

2 Vakorintho 11:1

Ndakayanzi mwikuziri ninzi kali niiva mbeeye musiru. Mwaza yikuziri.

2 Vakorintho 12:11

Mbeeye kuli musiru! Navuzwa munyi nivo avanigaa kuva kuli ndio. Munyi nivo avaadukana munzizominyi kigira, kali niiva simbeeye kindu, simbeeye mukekeeke ligali kuvita “avatumwa vaduukiru” vinyu yavo mba.

2 Vakorintho 12:6

Niiva ndakeenya kwekonya, sinyala kuva musiru kali hakuzu mba, kigira ndakava nimbora agiligali. Navuzwa sinyala kwekonya kigira sinyenyaa mundu aganagane inzi kuva munene ligali kuvita vindu vialola mu inzi nukuhulira kutura ku inzi mba.

2 Vakorintho 7:12

Kunangwa, lwa ndaamung'odera ibarwa yeyo, siyaali kigira oyo woona, anoho kigira oyo wonerwa mba. Mu vwiyangu yivwo ndamug'odera kunangwa gaduuki koloeka havulavu, imbiri wa Nyasaye ndi munyi muveeye nu vwihaani kigira kunyi.

Vakolosai 1:24

Kalunu sangala mu vusaliri vwange kigira munyi, kuvitira mu vusaliri vwange vwu muviri, ngonyanilaa cha ligala mu vusaliri vwa Kristo kigira muviri gwigwe, ogoveeye likanisa.

1 Vatesalonike 1:5

Ivangeri yitu siyaduuka ku munyi mu makuva ameere mba, navuzwa mu zinguru, kandi mu Roho Mutakatifu; kandi mu lisuuvira liveeye liagiligali. Munyi mumanyi vulahi liiva lie limenya lietu lwa kwaali ni munyi. Gaali kigira valahi vwinyu.