2 Vakorintho 5:1 - KITABU KITAKATIFU

¹ Kumanya ndi inyumba yitu ya komenyi mu kalunu yumuviri gwitu mu lirova lwiisambulwa, Nyasaye alakakohe inyumba mwigulu komenye mu, inyumba ya oyo mwene yumbaka, ihindiraa mihiga ni mihiga.

2 Vakorintho 5:1 ပူးပေါင်းရင်းမြစ်များ

Litanga 3:19

Ivi ulayinzira vudinyu nukutura ologeri kunangwa uduuki konyoora chulia. Ivi walombwa kutura kumalova kandi ulakilane kumalova.”

Ayubu 30:22

Ivi oletaa imbuza kumbunzulanyia yiyi ni yiyi. Ivi umbunzulanyia yiyi ni yiyi mu imbuza yi kiihi,

Ayubu 4:19

Muganaganaa alasuuvira kelombe chovodohi, kindu chalombwa kutura kuluguchi, ikinyala kuduvulanywa vuzwa kuvita esere?

Zaburi 56:9

Ku lidiku lia nzanira ku ivi, avasigu vange valilanywa inyima. Inzi manya yaga ndi: Nyasaye aveeye ku lovega lwange.

Isaya 38:12

Livamwoyo liange lituliziywi ho kandi liduuki ku keheri, kuli lihema liu mwayi lisambuliywi, kandi kuli luvusi lwu munavi lukalika kutura kukinaviru. Mbasu nuvudiku, ndaganagana ndi ivi umali kuundukiza ku keheri che livamwoyo liange.

Marko 14:58

“Kwahulira umundu uyu navoora, ‘Ndasambura Litembeli liumbakwa na amakono ga vandu, ninzi ndumbaka ilindi mu madiku gavaga iliavula kwumbakwa na avandu.’ ”

Vikolwa 7:48

“Kali ndio, Nyasaye Oveeye igulu Ligali kuvita viosi, siamenyaa mu zinyumba ziumbakwa na avandu mba; kuli muporofeti avoora;

1 Vakorintho 3:9

Kunyi koveeye avamwavo, avayinziri va Nyasaye; na munyi muveeye mulimi gwa Nyasaye, kandi muveeye kuli inyumba ya Nyasaye.

2 Vakorintho 4:7

Navuzwa kunyi avakoveeye ni livikiru liu mu Roho yili, koveeye vuzwa kuli zinyingu zio vodohi, gaduuki kololeka havulavu ndi, zinguru zinene yizio zitulaa ku Nyasaye; sizitulaa ku kunyi mba.

2 Vakorintho 5:4

Lwa kukikiri mu muviri gwu mu lirova yigu, kokenya ligali kigira kuganaganaa kudambizwaa; sigaveeye kwenyaa kutulizaho umuviri gwi likuza yigu mba, navuzwa koveeye ni liegomba kuvikwa umuviri gutakuzaa, kunangwa muviri gukuzaa yigu guduuki kugirung'anywa ni livamwoyo.

Vakolosai 2:11

Mulihambanywa na kristo, mu mali kukeverwa mu nilikevwa litaveeye lia makono, navuzwa ni likevwa lia Kristo, liveeye livoholore kutura kuzinguru ziu vwoni.

Vahebraina 11:10

Aburahamu yalindiliraa lidaala linene lia Nyasaye yalohiza nalibiima ma naaliumbaka, lidaala linene liveeye nimisingi midinyu.

Vahebraina 9:11

Kristo umali kuuza kuli Musaalisi Munene wi vindu vilahi vimali kuva hano. Lihema lia atumikaa mu liveeye linene ligali, kandi liveeye liduukiru. Lihema yili silialombwa na makono gavandu, agaveeye kovora, siliveeye lie lilombwa lie lirova yili mba.

Vahebraina 9:24

Kristo si yingira Havundu Hatakatifu halombwa na makono ga vandu, ahaali kuli liiva lia hiligali mba. Yingira mwigulu mwene, mwa kalunu asingiraa imbiri wa Nyasaye kigira kunyi.

1 Petro 1:4

na ndio kulindiliraa konyoora uvutugi vwu vugasu vwa Nyasaye aviikiraa avandu veve. Aviikiraa munyi uvugasu vwene yivu mwigulu, havutanyala kuguunda, kwoneka anoho kogota.

2 Petro 3:11

Kigira vindu yivi viosi vilakadivizwi munzira ndala nzere, gamudukira kuva avandu vu lugano ki? Gamudukira komenya mu liiva litakatifu,

1 Yohana 3:14

Kumanyi kumali kutura mu likuza ma kwingiyi mu livamwoyo. Kumanyi yaga kigira kuyaanza avaamitu. Mundu utaveeye nu vuyanzi amenyaa mu zinguru zie likuza.

1 Yohana 3:19

Yiki kilava kimanyiru ndi koveeye va giligali, kandi mioyo jietu jilaluvilira imbiri wa Nyasaye.

1 Yohana 3:2

Avalina avayaanze vange, kalunu koveeye avana va Nyasaye, navuzwa gakiri kumanyikana havulavu kuli kunyi kuliiva. Navuzwa kumanya ndi lwa Kristo aliloleka kulakave kuliye, kigira kulakamulole kuli aveeye.